Amós 5:12 - Qullan Arunaca

¹² Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Aymar Bibliia 1986

¹² Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Qullan Arunaka DC

¹² Nayax ñanqha luratanakam yattwa, walja juchanakamsa uñt'araktwa: aski jaqirux qullqi chilltayasisaw t'aqhisiyapxtaxa, taripañ utanakansti wajchanakan aynacht'añap thaqhapxtaxa.

Amós 5:12 Jak'a apnaqawi uñst'ayäwi

Job 20:19

Pobrenacan ch'amapampi kamiriptasajj jupanacarojj apanucuwayjjewa, jan jupanacan utachat utanacsa catuntasipjjaraquiwa.

Job 31:21

Janipuniw cunapachas wajcharojj ajjsarayirïcti, juezanacampi sumancatajjatjja.

Salmos 127:5

Ucanacan jakejj cusisiñaniwa. Janiw timanacapamp p'enkachat uñjascaniti, janiraquiw ch'ajjwan atipayascaniti.

Éxodo 23:3

Uqhamaraqui chekaparu uñjañansti janiw pobrenacatsa arjjatasïtati.

Éxodo 23:6

“Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Proverbios 17:8

Qhititejj cun lurañataquis kollke chilltasa sarnakqui ucajja, take cunataquis ch'amanïcaspa uqhamwa amuyasi; cuna lurañanacansa walt'ascaquiwa amuyatapatjja.

Proverbios 22:22

Pobretjja jan aparamti pobrëtap laycu, janirac juezanacan nayrakatapansa t'akhesiyamti,

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 10:2

uca leyinacasti pisi ch'ama jakenacarojj janiw asqui lurquiti, marcajjan utjiri pobre jakenacan arsutanacapsa janiw yäkapcaractati, ijma warminacarojj inaquiw ch'amapa apsupjjtajja, wajchanacatsti lunthatapjjaractawa!

Isaías 29:21

jake jiwayat c'arintirinacasti juezanacarojj sipitanac uchapjje, jan juchanirusti c'arimpiw juchañchapjjaraqui.

Isaías 33:15

Qhititejj chekaparu cuns lurqui, cheka parlaraqui, janiraqui ch'amampiqui kamirquipstquiti, janiraqui cuns wajjt'äwinac laycuqui lurquiti; janiraqui jake jiwayirinacan arunacapsa ist'quiti, nayranacapsa ch'irmthapiraqui jan ñankhanaca uñjascañataqui,

Isaías 47:9

Inas acatjamat jumjjarojj uca jan waltañanacajj jutchini, ijma, uqhamarac jan wawani inas kheparchïta, wali laykasiscsta ucasa, uqhamaraqui jan jact'cay ch'amacaninacan luratanacamampisa.

Isaías 5:23

Jumanacasti juchan jakerojj kollke laycojj jan juchan mistuyapjjtajja, jan juchanïqui ucanacarusti juchañchapjjaractawa.

Jeremías 29:23

Take ucanacasti jumanacampejj lurasiniwa, Israel marcan sinti jach'a juchanac lurapjjatam laycu. Jake masiman warmipampiw jumanacajj jucha lurañan sarnakapjjtajja, cuntejj nayajj jan sapcsma ucanacaracwa nayan sutejj-jjaru parlapjjtajja. Nayajj ucjja sumwa yatta, naya quipcaw uñjta. Naya Tatituw ucjja arsta’ ” sasa.

Lamentaciones 3:34

Jan qhuyapt'ayasisa marcanquiri catuntanacaru taquisiñasti;

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Oseas 5:3

Nayajj Efrainarojj uñt'twa; Israelasti janiraquiw nayanjj jan uñt'atäquitejja, Efrainajj wachoka jucharuw purejja, Israelasti k'añuchsutaraquiwa.”

Amós 2:16

Uca urunjja wali ch'amampi nuwt'asirïqui ucasa armanacap apanucupjjaniwa jaltjjañataquejja.” Tatituwa ucjja arsuwayi.

Amós 2:3

Marcan reyip apakasajj jiwayayaraquïwa, takpach jilïr jakenacapamppacha” siw Tatitojja.

Amós 5:10

¡Ay, cunaquïcani jumanacataquejja, chekapa uñjirirusti uñisipjjtawa, ñankhachapjjaractawa cheka testigot sayt'irirusa!

Amós 5:7

¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!

Amós 8:4

Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Deuteronomio 16:18

“Utt'ayasipjjam juezanaca, jilïri jakenaca, take cawquïri marcanactejj Tatitu Diosamajj sapa tribunacaru churapcätam ucanacataqui, jupanacan suma cheka cancañampi uñjapjjañapataqui.

Deuteronomio 31:21

Ucat sipansa cunapachatï jupanacjjaru wali jan walt'añanaca, llaquinaca jutcani, ucapachasti aca arsüwinacajj jupanacataqui mä khanañchäwïniwa khepa wawanacapasti takwa amtapjjani uqhamaraquiwa k'ochupjjani, ucampis janïra cawquïri oraktejj churcta ucar puriycasaw nayajj yatta cawcsarus chuymanacapajj wayusini ucjja” sasa.

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.

Santiago 5:6

Jumanacajj jan juchan jakenacarojj juchañchasinwa jiwarayapjjtajja, janiraquiw jupanacas sayt'asipcänti.

Rut 4:1

Booz chachajj, ucatjja marca mantañaruw kont'asir saräna, cawqharutï jakenacajj tantachasipjjerïcän ucqharu. Uca horasasti cawquïr familiattejj Booz chachajj parlcäna ucaw uca chekanjama pasascäna. Ucatwa juparojj säna: —Jutam, acawjar kont'asim —sasa. Ucatsti jutasinjja Booz chachan jac'aparuw kont'asïna.

1 Samuel 8:3

Ucampisa yokanacapajj janiw awquipjama sarnakapcänti, jan ucasti take cun muniriw tucjjapjjäna, kollke chilltayasipjjaraquirïna, janiraquiw take cunsa chekaparu uñjapcänti.