Amós 5:11 - Qullan Arunaca

¹¹ Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Aymar Bibliia 1986

¹¹ Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Qullan Arunaka DC

¹¹ Janiw qalat lurasipkta uka suma utanakan jakapkätati, janirakiw uka suma uva yapunak yapuchasipkta ukatsa vino umapkätati, wajchanakar jisk'achapxatamata, trigotsa impuestonak apsupxatamata.

Amós 5:11 Jak'a apnaqawi uñst'ayäwi

Job 20:19

Pobrenacan ch'amapampi kamiriptasajj jupanacarojj apanucuwayjjewa, jan jupanacan utachat utanacsa catuntasipjjaraquiwa.

Isaías 16:10

Pampanacanjj cusisiñat arnakasiñajj tucusjjaniwa; janiw juc'ampi cusisiñat arnakasiñajj utjcjjaniti, uva yapunacan k'ochusiñanacas janiw utjcjjaniti, janiraquiw uvanacjja juc'ampi ch'irwcjjapjjaniti vino apsuñataquejja. Arnakasiñanacajj tucusjjewa.

Ezequiel 26:12

Jan cunani jaytawayaraquïtam, aljasiñanacamsa lunthatjawayaraquïtamwa, perkanacamsa tincunucuyaraquiniwa, uqhama suma palacionacamsa pampwa tucjapjjaraquini; kalanacsa, uta lawanacsa kotaruw willintapjjani, take lak'anacamppacha.

Ezequiel 34:21

Jumanacajj t'uqhanacarojj nuqhunucupjjtawa, mokenokapjjaractawa, uqhamat jaltayapjjtajja.

Oseas 9:2

Israel marcajj janiw trigsa ni vinsa uñjcaniti; machak vinopasti juc'aquiraquïniwa.

Levítico 26:16

ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Amós 2:6

Aqham siw Tatitojja: “Israel marcanquir jakenacajj walja ñankhanacpuni lurapjje, ucasti janiw jan mutuyatäpcaspati; jan cuna juchanirusti kollkeruw aljapjje, pobrerusti mä paris wisqhururaqui.

Amós 2:7

Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.

Amós 3:15

Tucjaraquïwa juyphipachataqui, uqhamaraqui jallupachataqui uta luratanacsa, jan mayampitaquiw marfilat lurat utanacs t'unjaraquëjja, uqhamarac palacionacapsa k'alwa tucjaraquëjja.” Uqham siw Tatitojja.

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 6:11

Tatitun mutuyäwipasti purininiwa jach'a utanacjjaru, jisc'a utanacjjaru, ucanacasti k'ala tucjatäpjjaraquiniwa.

Amós 6:12

¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Amós 8:4

Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Amós 9:14

Ucqhawa Israel marcarojj apanucutat cutt'ayanëjja. T'unjat marcanacsa wasitat sayt'ayapjjani, ucanracwa jacasipjjani; uva yapunacwa ayruntapjjani, ucatsti vino umapjjaraquini. Huertonacap yapuchasinjja, achunacapjja mank'apjjaraquiniwa.

Miqueas 1:6

Ucatwa Tatitojj saraqui: “Samaria marcjja mayjjaruw t'unthapï, uva yapuchañ yapu tucuyaraquï. Uca marcan kalanacapsti vallercamaw willintaraquï, cimientonacapsa khanaruw apsü.

Miqueas 2:2

Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.

Miqueas 6:15

Yapuchascätawa, ucampis janiw cosech apthapcätati; aceitunanacsa pekascätawa, ucampis janiw aceitjja apscätati; uva tacsuscätawa, ucampis janiraquiw vinjja umcätati.

Sofonías 1:13

Ucatwa take yänacapas saqueyjatäni, utanacapas t'unjataraquïni. Utanaca utachasisipcaniwa, ucampis janiraquiw uca utanacan jacapcaniti. Uva alinacsa ayrusisipcaniwa, ucampisa janiraquiwa ucatjja vino umapcaniti” sasa.

Hageo 1:6

Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Malaquías 1:4

Esaú chachana wawanacapa Edomita jakenacatejj sapjjaspajja: ‘Jiwasasti t'unjataw uñjastan, ucampisa wasitatwa marcasjja sayt'ayañäni’ sasa. Take ch'amani Diosasti aqham saraquispawa: “Jupanacasti wastat marcanacap sayt'ayasipcpan, ucampis nayajj wasitatwa t'unjaraquëjja. Ucatsti marcapajj: ‘Juchan phokt'at marca’ satäniwa; orakenacapasti ‘Diosan wiñayataqui colerasitapa orake’ sataraqui.”

Deuteronomio 28:30

Mä warmimpi casarasiñataquiw parlascäta, ucampis yakha jakew parlatamampejj iquintasini; mä uta lurasïta ucampis janiraquiw ucan jacañjja puedcätati; uva yapunac yapuchasïta, ucampis janiraquiw ucatjja cunsa mank'cätati;

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?