Amós 4:6 - Qullan Arunaca

⁶ “Qhititejj jumanacaru take marcanacana mank'at awtjayqui ucajj nayätwa, qhititejj take chekana jakenacarojj mank'aña pist'ayqui ucajj nayätwa, ¡ucampis jumanacajj janiw nayarojj cutt'anipctati!” Uqham siw Tatitojja.

Aymar Bibliia 1986

⁶ “Qhititejj jumanacaru take marcanacana mank'at awtjayqui ucajj nayätwa, qhititejj take chekana jakenacarojj mank'aña pist'ayqui ucajj nayätwa, ¡ucampis jumanacajj janiw nayarojj cutt'anipctati!” Uqham siw Tatitojja.

Qullan Arunaka DC

⁶ “Nayaw jumanakar taqi markanakaman manq'at awtjayapxsma; nayaw taqi chiqanakan jaqinakatak manq'añ pist'ayta, ¡ukampis jumanakax janiw nayan ukarux kuttanipktati!” Tatitux ukham siwa.

Amós 4:6 Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 18:2

Eliasasti sarasinjja Acab reyirojj uñstanïnwa. Samarianjja mank'at t'akhesiñajj sintipunïnwa.

2 Reyes 4:38

Ucatjja Eliseojj Gilgal chekaruwa cutt'jjäna. Qhä urunacansti uca orakenjja mank'at t'akhesiñaw utjäna. Mä cutisti cunapachatï profetanacajj Eliseoru muytata kont'atäsipcäna ucqhajja, Eliseojj uywataparojj sänwa: “Nina patjjaru jach'a phuqhu ucham, ucatsti mank'a phayam profetanacataqui” sasa.

2 Reyes 8:1

Eliseosti parlänwa cawquïr warmin wawaptï jiwatata jacatataycäna uca warmiru, aqham sasa: “Jumajj familiamampi yakha chekaru jaquir sarjjam, Tatitojj yatiyituwa: Aca orakenjja mach'awa utjani pakallk mara” sasa.

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Isaías 3:1

¡Jichhajj wal amuyasipjjam! Take ch'amani Tatitusti, Judá marcatsa Jerusalenatsa take cunanacapsa apakjjaniwa, mank'añsa, umsa k'al apakjjani.

Isaías 9:12

Inti jalsu toketjja, sirio jakenaca, inti jalanta toketsti filisteo jakenacaraqui. Mayac Israelarojj okontjjapjje, ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Isaías 9:13

Ucampisa marcajj janiw jupanacar mutuyir Diosarojj maqhatapquiti; janiraquiw take ch'amani Dios Tatiturus thakapquiti.

Jeremías 14:18

Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 16:27

“Ucat nayajj amparajj aytaracta jumar mutuyañataqui, mank'anacamsa juc'aqui churaracsma, filisteo marcanacaruw catuyaracsma, cawquïri marcanacatejj jumaru uqham k'añu luräwinacamat uñisipctam uca marcanacaru.

Oseas 11:5

ucampis jupanacajj janiw nayar cuttaniñjja munapcänti. Ucatpï jichhajj wasitat Egiptor cuttapjjanejja, Asiriaraquiw jupanacarojj apnakani.

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Joel 1:16

Jiwasan uñjcatawa mank'añjja apakapjjestu, Diosasan templopansti cusisiñajj tucusjjaraquiwa.

Levítico 26:23

“Take acanaca ist'casinsa, janipuni nayarojj jaysapquitäta, jan ucasti jumanacajj juc'ampi nayaru jan ist'asa sarnakasipcaquïta,

Levítico 26:26

“Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Hageo 2:17

Nayaw jumanacan take ch'ama tucutampi jicjjatatarojj plaganacamp, chhijchhimpi tucjtjja, ucampis jumanacajj janiw nayan ucarojj cuttanipctati. Naya take ch'amani Diosaw ucjja arsta.

Deuteronomio 28:38

Yapunacamarojj walja jathampiw yapuchascäta, ucampis juc'a achunacac apthapïta, t'ijut'ijunacan mank'supjjatap laycu.

Apocalipsis 2:21

Nayajj uca warmirojj tiempo churta arrepientisiñapataqui, uqhamarac wachoka juchan sarnakañapsa apanucuñapataqui, ucampis jupajj janiw arrepientisiñ munquiti ni juchapsa apanucuñ muncaraquiti.

Rut 1:1

Cunapachatejj Israel marcajj juezanacan apnakatäcäna uca maranacanjja, mach'aw utjäna uca chekanjja. Ucatwa Judänquiri Belén marcata Elimelec chachajj Moab sat orakeru jaquir sarjjäna. Jupamp chicajj sarapjjänwa: Noemí sat warmipa, uqhamarac pä wawanacapa, Mahlón, Quelión sutininaca. Take jupanacasti efrateo Belén marcat jutirïpjjänwa, uqhamaw puripjjäna Moab orakeru ucan jacañataqui.