Amós 4:2 - Qullan Arunaca

² Kollanätap laycuw Tatit Diosajja juramentompi arsuwayi. “Ganchonacamp catuntata apapcätam uca urojj jutasquiwa; wawanacamas ansuelompi catuntataraquïniwa.

Aymar Bibliia 1986

² Kollanätap laycuw Tatit Diosajja juramentompi arsuwayi. “Ganchonacamp catuntata apapcätam uca urojj jutasquiwa; wawanacamas ansuelompi catuntataraquïniwa.

Qullan Arunaka DC

² Tatitux qullan kankañapan juramentompiw arsu: “Chinuñanakampi chinuntat apapkätam uka urux jutaskiwa; wawanakamas chawlla katuñampi katuntat apatäpxaniwa.

Amós 4:2 Jak'a apnaqawi uñst'ayäwi

Salmos 89:35

Kollan cancañajj laycuw juramento lurta, janiw juparojj c'arintcäti:

Salmos 89:36

allchhinacapajj jupa lantiw marc apnakapjjani, intin utjañapcamaw reyi konuñancapjjani.

Isaías 37:29

Cunjämatejj wali colerasitamsa, jach'a jach'a tucutamsa yattjja, ucat jichhajj nasamarojj mä argolla uchantäma, lacamarusti freno ucharaquï, jichhasti cawqui chektejj sarctas uca pachpa thaquinjam cuttayaniraquïma.”

Jeremías 16:16

Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Ezequiel 29:4

Jichhasti nasamarojj ganchonacwa uscuntäma, jawiramanquir chawllanacsa juman q'ilinacamaruw lip'jjatayaraquëjja; jawiramatsa chawllanacamampi lip'iquipatpachwa apsuraquïma.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Ezequiel 38:4

Jichhajj nayajj jumarojj cuttayanïmawa, lacamarusti ganchonacampiw uscuntäma, jumarusa, uqhamaraqui suma isthapita caballeriamarusa, takpach jakenacamampi chica apsuniraquïma, uca jach'a ejército cawquïritejj espadanacampi, cunayman casta escudonacampi suma armantatäqui uca ejercitjja apsunïwa.

Amós 6:8

Tatitu quipcaw juramento lurawayi; take ch'amani Tatitu Diosasti siwa: “Uñistwa Jacobun marcapan jach'a jach'a tucutapjja, uñisiractwa palacionacapsa, marcsa, uqhamaraqui cunanacatejj ucan utjqui ucamppacha, uñisiriruraquiw catjjaruyäjja.”

Amós 8:7

Tatitusti Jacobon jach'a cancañap laycuw juramento luri: “Cunanactï lurapqui ucjja janipuniw armcäti” sasa.