Amós 4:12 - Qullan Arunaca

¹² “Ucatwa, Israel marca, jumampejj uqhamaraqui luräjja, ucsti lurapunïwa, ¡waquicht'asim Diosamampi jiquisiñataqui!”

Aymar Bibliia 1986

¹² “Ucatwa, Israel marca, jumampejj uqhamaraqui luräjja, ucsti lurapunïwa, ¡waquicht'asim Diosamampi jiquisiñataqui!”

Qullan Arunaka DC

¹² “Ukhamïpan, Israel marka, jumarux ukhamarak mutuyäma; uksti nayax lurapunïwa, ¡Diosamampi jikisiñatak wakicht'asim!”

Amós 4:12 Jak'a apnaqawi uñst'ayäwi

Isaías 32:11

Jumanaca, qhitinacatejj jan cunat llact'asisa sarnakapcta ucanaca, qhathatipjjam, qhitinacatejj jumanac pachparu alcatasipcta ucanacajj ajjsarthapipjjam, uca isinacam isirasipjjam, ucatsti chhanqha isinacampi isthapisipjjam, t'akhesipjjatanacam uñacht'ayañataqui.

Isaías 47:3

k'alal janchimas uñstpan, jïsa, chhojjurasiñamasa khana uñstpan. Phoksusïwa jichhajja, janiw qhitis achict'asitanacapampejj jarc'quitaniti.”

Isaías 64:2

cunjämtejj ninajj ch'aphi alinac naqhantqui, jan ucajj umsa walljjtaycaraqui uqhama. Ucapachaw uñisirinacamajj sutimjja uñt'apjjaspa, marcanacasti juma nayrakatanjja qhathatipjjaraquispawa.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Ezequiel 13:5

Israel marcaru arjjatañataquisti janiw cunsa lurapquiti, cunapachatejj Tatitun urupa urojj purinqui uca urojj nuwasïwina sayt'asipjjañapataquejja.

Ezequiel 22:30

Nayasti uca jakenac taypinjja thakaraquïyätwa mayni asqui jake aca marcataqui mä cuna ascsa lurañapataqui, nayarusa achict'añapataqui jan aca marca t'unjañajjataqui, ucampisa uca jakjja janiw jicjjatcti.

Oseas 13:8

Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.

Amós 2:14

Cawcsa jaltasipcpan, janiw atipapcaniti; wali ch'amanïqui ucarus ch'amajj pist'aniwa, ni qhiti ch'amampi atipt'irïqui ucasa khespcaniti.

Mateo 24:44

Ucatpï jumanacajj waquicht'ata suyapjjañamajja, Jaken Yokapasti jan amtat horasaruw jutani.

Mateo 5:25

“Maynitejj jumar juezan ucaru apiristam ucajja, jumasti thaquin sarcasajja jupampi sumancthapim, jan juezaru apatäñamataqui, ucatsti juezajj jan jumar policiaru catuyasina carcelt'ayañapataqui.

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.