Amós 4:10 - Qullan Arunaca

¹⁰ “Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Aymar Bibliia 1986

¹⁰ “Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Qullan Arunaka DC

¹⁰ “Egipto markar apaykäyäta uka pachpa t'aqhisiñ jumanakarux apayanipxsma, waynanakarusti nuwasïwinakan jiwarayta, caballonakapsti uñisirinakaruw katxaruyta; nuwasïwin jiwaratanakan q'aphinakapsa mukhirayaraktwa, ¡ukampis jumanakax janiw nayan ukarux kuttanipktati!” Tatitux ukham siwa.

Amós 4:10 Jak'a apnaqawi uñst'ayäwi

2 Reyes 10:32

Qhaya urunacanjja Tatitojj Israelan orakep jisc'aptayañwa kalltäna. Hazael chachajj israelitanacarojj take toke korpanacatwa atipjäna:

2 Reyes 13:3

Uca laycuw Tatitojj Israel marcataqui colerasïnjja, ucatjja walja maranacawa Siria marcanquiri Hazael reyin amparaparu catuyäna, uqhamarac Ben-adad sat yokapan amparaparusa.

2 Reyes 13:7

Joacaz reyin ejercitopajja janiw waljäcjjänti, jan ucasti pheska tunca caballería soldadonacaquiw utj-jjäna, tunca nuwasiñ carronacampi, uqhamarac tunca waranka infantería soldadonacampiquiraqui, Siria marcanquir reyiw k'al tucjatayna, lak'ar tucuyañcama tucjasina.

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Éxodo 10:27

Ucampis Tatitojj faraonarojj chuymapwa kalarayäna jan israelitanacar antutaña munañapataqui.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Éxodo 9:12

Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.

Éxodo 9:17

Ucampis jumajj janiw munctati marcajjaru sarjjañapatac antutañjja.

Isaías 34:3

Jiwatanacajj apanucutäpjjaniwa, uca jiwatanacan janchinacapasti walpun thujsaraquini, kollunacansti wilajj jawirjamaw sararaquini.

Isaías 50:11

Ucampisa take qhitinacatejj nina aktayapqui, uqhamaraqui nina mich'inacsa waquichapcaraqui ucanacajj, pachpa jupanacan waquichat ninaruw jalt'apjjani, cawquïri flechanactejj jumanacpacha waquichapcta ucanacaru. Pachpa Tatituw aca mutuyäwi jupanacarojj apayanini, pachpa mutuyäwi taypin liwinucutaw liwisipjjaraquini.

Isaías 9:12

Inti jalsu toketjja, sirio jakenaca, inti jalanta toketsti filisteo jakenacaraqui. Mayac Israelarojj okontjjapjje, ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Isaías 9:13

Ucampisa marcajj janiw jupanacar mutuyir Diosarojj maqhatapquiti; janiraquiw take ch'amani Dios Tatiturus thakapquiti.

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Jeremías 11:22

Ucanacatsti take ch'amani Tatitojj siwa: “Jumanacampejja parlascañäniwa. Yokall wawanacamajj guerran jiwarapjjani, imill wawanacamasti mank'atjamaw jiwarapjjaraquini.

Jeremías 15:3

“Naya Tatituw ucjja arsta: Jichhajj pusi casta mutuyäwinacwa apayanipjjäma: Guerran jiwarapjjäta, anunacaw katatnakapjjätam, siwek'aranacaw mank'apjjätam, montenquir animalanacaw mank'apjjaraquïtam.

Jeremías 16:4

Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Jeremías 18:21

¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Jeremías 48:15

Moab marcaru uqhamaraqui yakha marcanacaparu t'unjirejj niyaw purinjje. Cawquïr suma waynanacatejj utjqui ucanacasti jiwarapjjaraquiniwa. Ucsti Reyiw arsu, uca reyin sutipasti Take Ch'amani Tatitu, satawa.

Jeremías 49:26

Uca urusti waynanacajj callenacan liwirtapjjani, guerran nuwasiri jakenacapasti thiyataw jiwarapjjaraquini. Naya take ch'amani Tatituw ucjja arsta.

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 6:11

Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Jeremías 9:22

Jakenacan jiwat janchinacapasti liwirtasipquiwa, guanor uñtataraquiw tucusisipqui, cunjämatejj mä grano puyajj yawirin khepäjjaparu liwektejja, uqhamaw liwektapjje, janiraquiw qhitis aptquiti” sasa. Tatituw ucjja arsu.

Oseas 11:5

ucampis jupanacajj janiw nayar cuttaniñjja munapcänti. Ucatpï jichhajj wasitat Egiptor cuttapjjanejja, Asiriaraquiw jupanacarojj apnakani.

Joel 2:20

Amsta toketa jutir t'ijut'ijunacsa jumanacatjja jayaruw apanucuraquï, wasararuraquiw apanucü. Nayrakata saririnacapsti Mar Muerto kotan jiwarayaraquï, khepa saririnacsti Mediterráneo jach'a kotan jiwarayaraquï, janchinacapasti ñusantaniwa, ucatsti wal k'aphipjjaraquini. ¡Jach'a luräwinacwa luräjja!”

Levítico 26:16

ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Levítico 26:25

Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Amós 4:6

“Qhititejj jumanacaru take marcanacana mank'at awtjayqui ucajj nayätwa, qhititejj take chekana jakenacarojj mank'aña pist'ayqui ucajj nayätwa, ¡ucampis jumanacajj janiw nayarojj cutt'anipctati!” Uqham siw Tatitojja.

Amós 8:3

Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Hageo 2:17

Nayaw jumanacan take ch'ama tucutampi jicjjatatarojj plaganacamp, chhijchhimpi tucjtjja, ucampis jumanacajj janiw nayan ucarojj cuttanipctati. Naya take ch'amani Diosaw ucjja arsta.

Deuteronomio 28:21

Diosaw mä azot'inac apayanïtam jumaru tucjañataqui cawquïri oraktejj catcäta ucana.

Deuteronomio 28:22

Uqhamaraquiw apayanïtam jiwaña usunaca, ñankha fiebrenaca, p'usuntir usunaca, calor usunaca, trigo yapunacamarojj awtipacha lak'onacaraquiw puriraquini, take casta usunacaw arcanakätam jumar t'unjañataqui.

Deuteronomio 28:60

Ucatsti juma patjjarojj jutaniwa cawquïri lak'onacatï Egipto marcarojj apayatäcän uca pachpa lak'onaca, cawquïrinacatï wal ajjsarayayätam, ucampisti wiñayaraquiw t'akhesïta.

Deuteronomio 7:15

Tatitu Diosasti take usunaca, azot'inaca jumanacat apakapjjätam, cawquïri usunactï Egipto marcar apaycän ucanaca; ucampis take uca usunacampejj uñisirinacamaruwa t'akhesiyani.