Amós 3:14 - Qullan Arunaca

¹⁴ Cunürutejj nayajj Israel marcaru juchanacapat jaqhuta maycä ucqhajja, Betel marcan altaranacapsa t'unthapïwa; altar esquinan wajjranacapsa jawk'akatatjja orakeruw willirtaraquini.

Aymar Bibliia 1986

¹⁴ Cunürutejj nayajj Israel marcaru juchanacapat jaqhuta maycä ucqhajja, Betel marcan altaranacapsa t'unthapïwa; altar esquinan wajjranacapsa jawk'akatatjja orakeruw willirtaraquini.

Qullan Arunaka DC

¹⁴ Israel markaru jucha luratanakapat wayt'kä uka uruxa, Betel markan utjir yaqha diosanakar yupaychañ altaranakapsa t'unthapïwa; altaran uchat waxranakapsa, uraqirkamaw willthapirakï.

Amós 3:14 Jak'a apnaqawi uñst'ayäwi

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

2 Crónicas 31:1

Take ucanaca tucuyatatjja, take israelitanacajj ucancapcäna ucanacasti sarjjapjjänwa Judá orakenquir marcanacaru, jupanacajj jisc'a jisc'wa tucjapjjäna ajjsarata kalanaca, Asera diosan lantinacapsa p'acjapjjänwa, uqhamarac diosanacan santuariopsa allthapipjjäna, take ucanaca tucjacama Judá, Benjamín orakenacana, uqhamarac Efraín, Manasés orakenacansa. Ucatwa israelitanacajj cutt'jjapjjäna marcanacaparcama, sapa maynisa orakeparcama.

Éxodo 32:34

Jichhasti saram, uqhamarac jakenac irpam cawqha chekarutejj siscsma ucqharu, nayan angelajjawa irpascätam. Nayasti jupanacarojj mutuyañ urojj purincani uca uruwa juchanacapat mutuyascäjja.

Amós 2:8

Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Amós 4:4

“Sarapjjam Betel marcampiru, Gilgal marcampiru, ¡ucansti juc'ampi juchanac lurapjjam! Alwanacasti sacrificionacamjja apapjjaraquim, sapa quimsa ururaqui diezmonacamsa churapjjam.

Amós 7:10

Betel marcan Amasías sacerdotepajja, Israel marcan Jeroboam reyipar yatiyiriw qhiti: “Amós chachajj Israel jakenac taypinwa sarnake juma contra amtayasa. Marcasti janiw juc'amp uqham parlaycaquispati.

Amós 7:13

uqhamasti, jan juc'amp Betel marcanjja parlamti, acasti reyin kollan utapawa, uqhamarac marcpachan jach'a temploparaquiwa.

Amós 7:9

Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Amós 9:1

Uñjtwa Tatiturojj altar jac'ana, ucatsti saraquiwa: “Uta perkar c'uphantam umbralanacap onjjtayañcama, ¡ucat uca perkajj jakenacjjaru alljattasin jiwaypan! Kheparapcani ucanacarusti ari espadampcamaw jiwarayäjja; inaquiw jaltañsa munasipcani, janipuniw maynis khespcaniti.