Amós 3:12 - Qullan Arunaca

¹² Aqham siw Tatitojja: “Cunjämatejj awatirejja leonan lacapat pä chhuchhulliqui khespiyejja, jan ucajj mä jinchu puntacsa, uqhamaraquiw Samaria marcan jacapqui uca israelitanacatjja juc'aniqui khespipjjani, qhitinacatï Damasco marcat apanita suma konuñanacan jipipqui ucanacajja.”

Aymar Bibliia 1986

¹² Aqham siw Tatitojja: “Cunjämatejj awatirejja leonan lacapat pä chhuchhulliqui khespiyejja, jan ucajj mä jinchu puntacsa, uqhamaraquiw Samaria marcan jacapqui uca israelitanacatjja juc'aniqui khespipjjani, qhitinacatï Damasco marcat apanita suma konuñanacan jipipqui ucanacajja.”

Qullan Arunaka DC

¹² Tatitux akham siwa: “Kunjämatix awatirix leonan lakapat pä chhuchhulliksa, jan ukax mä chikat jinchuksa aparasixa, ukhamaw Samaria markan jakir israelitanakat juk'aniki qhispipxani, Damasco markat apanit suma qunuñan qunt'asipki ukanakaxa.”

Amós 3:12 Jak'a apnaqawi uñst'ayäwi

1 Reyes 20:30

Ucat ucjjaru ejercitosti jaltjjapjjänwa Afec sat marcaru, ucampis marcan perkapajja alljjattänwa pä tunca pakallkon waranka soldadonacajj jaltanipcäna ucanacaru. Ben-adad ucasti jaltanisajja marcaruraquiw purinïna, ucatsti utat utaruw imantasiraquïna.

1 Reyes 20:34

Ucatsti Ben-adadajj sänwa: —Nayajj cuttayjjämawa awquejjajj jumanquirita marcanaca apakcäna ucanacjja; ucatsti jumajj Damasco marcanjja negocio luraraquisma, cunjämatï awquejjajj Samariana lurcäna uqhama —sasa. Ucjjarusti Acab reyejj sänwa: —Nayasti arstwa juman sarjjañamataqui —sasa. Uqhamatwa Acab reyejj Ben-adadampejj suma parlt'äwiru mantäna, ucatsti qhitjjaraquïnwa.

1 Reyes 22:25

Ucatsti Micaías profetajj sänwa: —Yatïtawa cunürutejj jumajj utat uta jalnakcäta imantasiñataqui ucüru —sasa.

2 Reyes 16:9

Ucatsti Asirianquir reyejj mayitaparojj ist'änwa, wact'ayasïnwa Damasco marcar nuwir sarañataqui, ucatjja catuntänwa. Uca pasatatjja jakenacaparojj Kir sat chekaruw apanucuyäna, ucatsti Rezín reyerojj jiwayaraquïnwa.

Ester (hebreo) 1:6

Palacio patiosti suma c'achachatänwa suma fino jank'o, azula cortinanacampi. Aca cortinanacasti mä linota lurt'at wiscar catuyätänwa, ucajj k'ellu wilänwa, ucsti kollketa lurata anillonacnäma pasayasinsti marmolat lurat columnanacaru acht'ayatänwa. Ucjjarusti uchapjjaraquïnwa korita, kollketa lurat konuñanaca, uqhamarac patio orakejja suma fino c'ajir marmol jank'o, ch'iyara kalanacampi luratänwa.

Ester (hebreo) 7:8

Reyisti jardinata cutt'anisasti mantjjänwa mank'añ fiesta lurapcäna uca utaru, ucatsti uñjänwa Amán chacharu reina Esterajj cawqhantejj winct'atacäna uca jipïña jac'aru quillcatata. Ucat uqham uñjasinsti reyejj jach'at art'äna: —¿Jumasti reinaru p'enkachañti munaraquicta nayan nayrakatajjana uqhamarac utajjana? —sasa. Uqhama reyin jach'at arsutap ist'asinsti janc'aquiw guardiancapqui uca oficialanacajj Amán chachan ajanupa imantapjjäna.

Salmos 132:3

“Janiw utajjar mantcäti, janiw samart'añataquis iquintcäti,

Isaías 17:7

Uca urunjja jakejj jupar uscuri Tatituruquiw uñtjjani, Israelan Kollan Diosaparu.

Isaías 31:4

Tatitusti saraquituwa: “Cunjämtejj mä leonajj mä oveja jiwayejja, ucatsti janiw awatirinacampi sustjayasquiti, takpachanisay tantacht'asiscpan, arnakatanacapampisay sustjañ munasipcpan, uqhamaraquiw take ch'amani Tatitojj jutani Sión kollun marcapar arjjatañataqui.

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Amós 6:4

Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Amós 9:8

Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.