Amós 2:8 - Qullan Arunaca

⁸ Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Aymar Bibliia 1986

⁸ Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Qullan Arunaka DC

⁸ Manut jaytat isinakxar winkxatasaw yaqha diosanakar yupaychasax altaran manq'apxi; qullqinak apsusasti, diosanakapan utaparuw vino umirix sarapxi.

Amós 2:8 Jak'a apnaqawi uñst'ayäwi

Éxodo 22:25

“Kollktejj mayt'äta marcajjanquir mä pobre jakejj jumampi jacqui ucaru, ucatsti janiw jumajj kollke mayt'irjama tucütati, ni interesanacsa mayiraquïtati.

Isaías 57:7

Iquiñamsa mä alto kolluruw waquichastajja, uca kollunacaruw sacrificio loktasirejj maqhataractajja.

Ezequiel 18:12

pobrerusa, pist'ata jakerusa t'akhesiyaraquini. Mayninacatsa lunthataraquini, qhititejj mayt'asqui ucatsa janiraqui phokcaniti uca manupjja, uqhamaraqui uca c'ari diosanacaruraqui catuyasini, uqhamaraqui cuntejj nayajj uñiscta uca luräwinac luraraquini.

Ezequiel 18:7

Janiw qhitirus t'akhesiyquiti, jan ucasti manuparusa cuntejj mayt'ascatayna ucatjja phokjjaraquiwa; janiw qhititsa lunthatcaraquiti, mank'añapatsti qhititejj jan mank'añanïqui ucarus churaraquiwa, jan isinirus ist'ayaraquiwa.

Ezequiel 23:41

Mä suma iquiñjjaruw kont'asipjjaraquïna, mank'aña mesas suma waquicht'atpacharaqui, ucaruw incienso uqhamaraqui aceite uchapjjaraquïna cawquïrinacatejj nayaru loktatäcän ucanaca.

Oseas 4:8

Marcajjan juchan luratapatwa mank'apjjejja; ucatwa jakenacajjan juc'ampi jucha lurapjjañapa munapjjejja.

Oseas 7:14

Iquiñansti wararisipcaraquiwa, ucampis janiw take chuyma nayar art'asinipquituti, nayat trigsa, vinsa mayiñataquejj yakha diosani jakenacjamaw chhojjriñchnokasipjje. ¡Naya contraw sayt'asipjjaraqui!

Amós 3:14

Cunürutejj nayajj Israel marcaru juchanacapat jaqhuta maycä ucqhajja, Betel marcan altaranacapsa t'unthapïwa; altar esquinan wajjranacapsa jawk'akatatjja orakeruw willirtaraquini.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 6:4

Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Amós 6:6

jach'a copanacatwa vinsa umapjjaraqui, suma k'apquiri kollampiraquiw jawisipjje, ¡ucatsti marcan tucjatäñapatjja janiw llact'asipquisa!

1 Corintios 10:21

Janiw Tatitun copapampita ñankha ajayunacan copapampitjja umapcasmati, janiraquiw Tatitun mesapampita ñankha ajayunacan mesapampitsa mank'apcaraquismati.

1 Corintios 10:7

Ucatpï jilatanaca, jumanacajj janipun yakha diosanacar yupaychapjjañamäquitejja, cunjämatï jupanacat mä kawkhanejj lurapjjäna uqhama, cunjämatejj Kellkatan sejja: “Jakenacajj mank'añataqui umañataquiw konurapjjäna, ucatsti fiesta lurañataquiraquiw sayt'asipjjäna” sasa.

1 Corintios 8:10

Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

Jueces 9:27

Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.