Amós 1:5 - Qullan Arunaca

⁵ Munquir jan munquirwa Damasco marcan puncunacapjja jist'aräjja; Bicat-avén chekan jaquirinacarus tucjaraquïwa, Bet-edén marca apnakquis ucarusa tucjaraquïwa, Sirio jakenacasti Quir marcaru preso apatäpjjaniwa” siw Tatitojja.

Aymar Bibliia 1986

⁵ Munquir jan munquirwa Damasco marcan puncunacapjja jist'aräjja; Bicat-avén chekan jaquirinacarus tucjaraquïwa, Bet-edén marca apnakquis ucarusa tucjaraquïwa, Sirio jakenacasti Quir marcaru preso apatäpjjaniwa” siw Tatitojja.

Qullan Arunaka DC

⁵ Damasco markan punkunakap munkir jan munkir jist'arä; Bicat-avén chiqan jakirinakaruw tukjä, Bet-edén marka apnaqirirus t'unjarakïwa, Sirio jaqinakasti, Quir markar katuntata apatäpxaniwa.” Ukham siw Tatituxa.

Amós 1:5 Jak'a apnaqawi uñst'ayäwi

2 Reyes 14:28

Ucat ucjjar Jeroboam reyin sarnakäwipasa, take cuna luratapatsa, ch'amapatsa, nuwasïwinac utjayatapatsa, uqhamarac cunjämatsa cutsuyäna Israelataqui Damasco, Hamat sat marcanaca ucanacatsa kellkatawa, Israelan reyinacapan crónicas sat libropana.

2 Reyes 16:9

Ucatsti Asirianquir reyejj mayitaparojj ist'änwa, wact'ayasïnwa Damasco marcar nuwir sarañataqui, ucatjja catuntänwa. Uca pasatatjja jakenacaparojj Kir sat chekaruw apanucuyäna, ucatsti Rezín reyerojj jiwayaraquïnwa.

Isaías 22:6

Elamita jakenacasti flechanacapjja waquichasjjapjjewa, carronacaparu, caballonacaparuw jichhajj lat'jjatapjje; Kir sisqui uca chekanquirinacasti escudonacapwa apsusipjje.

Isaías 43:14

Tatitojj, Israelan Kollan Diosapajja, qhititejj jumanacar khespiyapctam ucajja, siwa: “Jumanacar khespiyañataquejj Babiloniarojj jakenac qhitanï, take puncunac jist'arayaraquï, caldeo jakenacan cusisiñanacapasti t'akhesiñaruw tucuni.

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Jeremías 50:36

¡Layka jakenacaparusti nuwjapjjaraquim; lokhe tucupjjaracpan!

Jeremías 51:30

Babilonia soldadonacasti janiw nuwascjjapjjänti; pachpa perkanacapanacwa sayarjjapjjäna; ch'amanacapasti pist'atäjjaraquïnwa, warminacjamaquëjjapjjaraquïnwa. Marcanacapasti uñisirinacan phokhantataraquïnwa, utanacapas ninampi naqhayataraquïnwa.

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Ezequiel 27:23

Harán, Cane, uqhamaraqui Edén ucanacasti jumampiw alaquipa lurapjjaraquïnjja, Sabá, Asiria, uqhamaraqui take Media ucanacasti jumampejj alaquipa luraraquïnwa.

Ezequiel 30:17

On uqhamaraqui Bubastis sisqui uca marcan jaquir waynanacasti guerran jiwarapjjaraquini, ucat jilt'iri mayni jakenacarusti preso apasjjapjjaraquini.

Oseas 10:8

C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Amós 5:5

Jan Betel marcarojj thakapjjamti; janirac Gilgal marcarus sarapjjamti, ni Beerseba marcarus sarapjjamti, Gilgal marcasti preso apatäniwa, Betel marcasti k'ala tucjataraquïnwa” sasa.

Amós 9:7

Aqham siw Tatitojja israelitanacarojja: “Nayataquejja jumanacasa, etiopenacasa mayaquïpjjtawa. Cunjämtï jumanacaru Egipto marcat apsunipjjsmajja, uqhamaraquiw filisteonacarojj Creta islat apsuntjja, uqhamarac arameonacarus Kir sat marcata apsuniractjja.”

Nahúm 3:13

Soldadonacamas warminacäpcaspas uqhamäpjjaraquiwa; marcan puncunacapasti uñisirinacataquejj jist'arataraquiwa, puncunacan trancanacapsa ninaw tucjaraqui.