Amós 1:13 - Qullan Arunaca

¹³ Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Aymar Bibliia 1986

¹³ Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Qullan Arunaka DC

¹³ Tatitux akham siwa: “Amón markankir jaqinakax wali ñanqhanakpun lurawayapxi, ukat jupanakarux mutuyarakï, uraqip jach'aptayasiñatakix Galaad markankir usur warminakan purakanakap kharitatapxäna.

Amós 1:13 Jak'a apnaqawi uñst'ayäwi

2 Samuel 12:31

Uca marcan khepariri jakenacarusti ansunisinjja serruchonacampi, fierro yawiñanacampi, hachanacampi irnakayaraquïna, uqhamaraqui ladrillo hornonacansa. Uca pachparacwa take amonitanacan marcanacapampejj luräna, ucatsti take soldadonacapampiw Jerusalén marcarojj cuttanjjäna.

2 Reyes 15:16

Ucatsti Manahem reyejj Tifsa marcjja k'alwa tucjäna, uqhamarac apararaquïna cunanacapatejj orakenacapan utjcäna ucanacsa, Tirsa marcat kalltasina, uqhamaraquiw take usur jake warminacarus puracanacapa jist'jäna. Jupasti ucjja luränwa, marcan puncunacapa jan jist'arapjjatap laycu.

2 Reyes 24:2

Ucampis Tatitojj Joacim reyitaquejj lunthata caldeo, sirio, moabita, amonita, jakenacwa apayanïna. Judá jakenacaru tucjapjjañapataqui, cunjämtï Tatitojj yatiycäna sirviri profetanacap toke uqhamaru.

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

2 Crónicas 20:1

Ucat kheparusti moabitanacasa, amonitanacasa, meunitanacampi mayacht'asisinwa Josafat reyir nuwiri jutapjjäna.

2 Crónicas 20:10

Jichhasti acajjaya amonitanacasa, moabitanacasa, uqhamarac Seir kollunquirinacasa, cunapachatï Egiptot israelitanacajj jutasipcäna ucqhajja janiw jumajj muncäyätati uca orakenacaru mantañanacapjja, jan ucasti jupanacatjja saraktapjjänwa, ucatsti janiw tucjapcänti.

Nehemías 2:19

Ucampis cunapachatï Horonanquiri Sanbalat sat chachajja, uqhamarac Tobías sat amonita sirvirisa, Gesem sat árabe chachasa yatipjjäna ucqhajja nanacatjja larusipjjetänwa; ucatsti jisc'achañampiwa sapjjetäna, aqham sasa: —¿Cuns jumanacajj lurasipctajja? ¿Jumanacasti reyi contrati tucuñ munapjjtajja? —sasa.

Salmos 83:7

Gebal, Amón, Amalec jakenaca, Tiro oraken jaquir filisteonaca,

Isaías 5:8

¡Ay, cunaquïcani jumanacataquejja uqharus aqharus utanacac alasipqui ucanacataquejja, orakenacsa uqharu aqharu catuntasipjje, jan qhitirus jalt'asiyasa, ucatsti uca orakenacjjarojj jupanacaquïcaspas uqham utjantasipjje!

Jeremías 25:21

Edom, Moab, uqhamaraqui Amón;

Ezequiel 21:28

“Jumasti, chacha, nayan sutejj-jjaru parlam, Israel marcaru jisc'achiri amonita jakenacarusti saraquim: ‘Espadajj niya apsutawa jumanacar jiwarayañataqui, suma llijquiri kaksutaraquiwa llijullijunaca sarayañataqui, uqhamaraqui take cun t'unjañataquisa.

Ezequiel 25:1

Tatitusti, nayan ucaru jutasinjja, saraquituwa:

Ezequiel 35:10

“Jumasti saractawa: ‘Israel marcajj paypacha marcapampejj nayancaniwa; nayaw jupanacan dueñopäyäjja,’ Tatitojj ucan jacascchi ucasa, sasa.

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Amós 1:3

Aqham siw Tatitojja: “Damasco marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Galaad marcanquirinacarojj fierro jawc'añampi jawc'supjjatapata.

Deuteronomio 2:19

Ucampis, cunapachatï amonita jakenacampi jiquisïta, cawquïritï Lot chachan wawanacapäcaraqui ucqhajj, jan jumanacajj cunsa lurapjjamti ni nuwantapjjamsa, janiraquiwa uca oraketjja cunsa churapcämati, nayaw jupanacar uca orakjja churjjta’ sasa.