Abdías 1:7 - Qullan Arunaca

⁷ Take jumampi arust'asir marcanacasti sallkjapjjtamwa; pachpa orakematsa jayaruw apanucupjjaractamjja. Pachpa amigonacamas juma contraquiraquiw sayt'asjjapjje, cawquïri amigonacamarutejj wal confiascäyäta ucanacas sipita waquicharapiractamjja. ¡Edomasti jan amuyt'asiriwa!”

Aymar Bibliia 1986

⁷ Take jumampi arust'asir marcanacasti sallkjapjjtamwa; pachpa orakematsa jayaruw apanucupjjaractamjja. Pachpa amigonacamas juma contraquiraquiw sayt'asjjapjje, cawquïri amigonacamarutejj wal confiascäyäta ucanacas sipita waquicharapiractamjja. ¡Edomasti jan amuyt'asiriwa!”

Qullan Arunaka DC

⁷ Jumampi arust'asir markanakasti taqpachaniw sallqjapxtam; pachpa uraqimatsa jayaruw apanukupxtamxa. Pachpa masinakamas jumatakiw sayt'asxapxi, alkatasirïkta uka masinakamas sipita wakicharapiraktamxa. ¡Edom marka, jan amuyt'asirïtawa!”

Abdías 1:7 Jak'a apnaqawi uñst'ayäwi

Salmos 41:10

Tatay, nayat qhuyapt'ayasita, sartasiñajjatac yanapt'ita, amtäwinacaparjam nayan phoksuñajjataqui.

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 38:22

Judá marcanquiri reyipan palaciopatsti take qhitinacatejj ucan kheparapqui uca warminacasti apsutäniwa, ucatsti Babilonianquiri generalanacaruw catuyataraquïni, ucatsti uca warminacajj jupanacpacharaquiw sapjjani: ‘Reyin suma amigonacapaw juparojj sallkjapjje, ucatsti atipjapjjaraquiwa; cayunacapajj ñek'eru jalantasquipansa janiw waysupcänti, jan ucasti maysa uñtjjapjje’ sasa.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Jeremías 49:7

Take ch'amani Tatitun arunacapa Edom marcataqui: “¿Temán marcanjja janit amuyt'asiñajj utjcjje? ¿Ch'iqhi jakenacasti janit cun lurañsa amtcjjapjje? ¿Yatiñ cancañapas tucusjjaquicha?

Lamentaciones 1:19

Munirinacajjaruw yanap mayta, jupanacasti nayataquejj mayswa uñtjjapjje. Marcajjanquiri sacerdotenacasa, jilïri chuymani jakenacasa, pachpa marcanwa jiwarata uñjasipjje. ¡Mank'a thakasaw sarnakapjjaraqui; jan mank'atjama jiwascañataqui!

Oseas 13:13

Israelarojj naciñap horasajj purinjjewa, ucampis mä jan wali wawawa, janiraquiw naciñataquis suma waquicht'asquiti, uqhamat sum naciñapataquejja.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.