Abdías 1:17 - Qullan Arunaca

¹⁷ Ucampis Sión kollojj mä kollana chekawjapunïniwa, ucanwa yakhepanacajj khespiyasipjjaraquini. Jacobon wawanacapasti orakenacapjja wasitatwa aptasjjapjjani.

Aymar Bibliia 1986

¹⁷ Ucampis Sión kollojj mä kollana chekawjapunïniwa, ucanwa yakhepanacajj khespiyasipjjaraquini. Jacobon wawanacapasti orakenacapjja wasitatwa aptasjjapjjani.

Qullan Arunaka DC

¹⁷ Ukampis Sión qullux mä qullana chiqawjäniwa, ukaruw yaqhipanakax jaltxapxani. Jacobun wawanakapasti uraqinakap wasitat kutkatayasxapxani;

Abdías 1:17 Jak'a apnaqawi uñst'ayäwi

Salmos 69:35

Diosaw Sión marcarojj khespiyani, Judá orakenquir marcanac wasitat sayt'ayani, uywatanacapan wawanacapaw ucanac catokasjjapjjani, sutipar munirinacajj ucan jacasjjapjjani.

Isaías 1:27

Cheka cancañajjampi, uqhamaraqui khespiyasiñajjampiw Sionan utjasirinacarojj cuttayasinjjäjja.

Isaías 4:2

Uca urunsti, cawquïri machak alitejj Tatitun cülltayatäcani ucaw chekpachansa mä suma uñstäwïnejja, uqhamarac mä jach'añchäwïnisa, qhitinacatejj Israelan kheparapcani ucanacataquejja, cuntejj orakes achcaraquini ucaw chekpachansa mä jach'a jach'añchäwïnejja.

Isaías 46:13

‘Khespiyasiñarojj nayaw mäqui puriyanëjja, khespiyasiñajjajj janiw khept'caniti, janiraquiw jayancquisa. Nayaw Sionarojj khespiyasiñ churä, nayaraquiw Israelarojj jach'añchäwjj churä.’ ”

Isaías 60:21

“Marcamanquiri take jakenacasti suma jakenacäniwa, orakepatsti wiñayataquiw jupanacancjjani; cawquïri altï nayajj ayrcäyätjja ucat sartirïpjjtawa, amparajjampi uscutäpjjtawa, nayan jach'a cancañajj uñacht'ayañataqui.

Isaías 65:9

Jacobosti wawanacanïscaraquiniwa, Judá, orakensti jakejj utjascaraquiniwa kollunacajjan jacañataqui. Ajllitanacajjasti orake catupjjaraquini, sirvirinacajjasti ucanwa jacapjjaraquini.

Jeremías 31:23

Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’

Jeremías 44:14

Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.

Jeremías 44:28

Mä kawkha jact'at jakenacaquiw guerran jiwañat jaltjjasin Egiptot Judá orakeru cuttapjjani. Uqhamatwa, qhitinacatejj Judá oraket jutasin aca Egipto marcan utjasipqui ucanacajj yatipjjani, qhitin arsutapas phokhasejja, nayan arsutajjati jan ucajj jupanacan arsutanacapacha ucanacjja.

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Ezequiel 36:12

Israel kollunaca, marcajjajj jumanacjjanwa sarnakapjjani, ucatsti jupanacaw jumanacarojj catuntasipjjaraquïtam, jumanacasti jupanacarojj janiraquiw jan wawanis uñjasiycjjapjjätati.

Ezequiel 7:16

Yakhepanacajj, palomanacar uñtatas kollu tokenacaru jaltapcchini ucasa, takeniw juchanacap laycu jiwarapjjani.

Daniel (hebreo) 7:18

Take ucanac pasatatsti acapach apnakañajj alajjpachanquir Diosar catuyatäjjaniwa, wiñayataquiw jupancjjaraquini’ sasa.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Joel 3:5

Jumanacajj kollkejjsa, korejjsa lunthatawayapjjestawa, suma imasitanacajjsti jumanacan templomaruraquiw apasjjapjjtajja.

Amós 9:8

Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.

Zacarías 8:12

Sumancañaw jupanac taypinjj satatänejja, uva yapunacasti achupjjaniwa, orakesti sumwa achuraquini, alajjpachasti sullanaca apayaniraquini. Nayasti churäwa take ucanaca aca marcan kheparasa utjnokapqui ucanacaru.

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.