2 Timoteo 4:16 - Qullan Arunaca

¹⁶ Cunapachatejj nayrakat arsuscäyätjja autoridadanacan nayrakatapana ucqhajja, janiw qhitis yanapt'quituti; takeniw jaytanucupjjetu. Ucampis janic Diosajj jupanacar juchañchcpati.

Aymar Bibliia 1986

¹⁶ Cunapachatejj nayrakat arsuscäyätjja autoridadanacan nayrakatapana ucqhajja, janiw qhitis yanapt'quituti; takeniw jaytanucupjjetu. Ucampis janic Diosajj jupanacar juchañchcpati.

Qullan Arunaka DC

¹⁶ Kunapachatix jilïrinakan nayraqatapan arsuskäyät ukkhasti, janiw khitis yanapt'kitänti; taqiniw jaytanukuwayapxitu. Diosax janik uka luratapat juchañchaspati.

2 Timoteo 4:16 Jak'a apnaqawi uñst'ayäwi

Marcos 14:50

Ucjjarusti discipulonacapajj takeniw Jesusar jaytawayjjasinjj jaltjjapjjäna.

Lucas 12:11

“Cunapachatï sinagoganacar apapjjätam, jan ucajj juezanac nayrakatarusa, uqhamarac autoridadanac nayrakatarusa ucqhajja, jan llaquisipjjamti ucan cunjäm arsuñanacamatsa;

Juan 16:32

Uqhamajj horasajj puriniwa, jichhpacharaquiw jumanacajj saräwinacamarjama willinuctawayjjapjjaraquïta, nayarusti sapacwa jaytapjjetäta. Ucampis janiw nayajj sapaquïcti jan ucasti Awquiw nayampïsqui.

Hechos 22:1

“Jilatanaca, uqhamarac awquinaca: Ist'apjjam cuntejj nayajj arsuscä ucanaca” sasa.

Hechos 25:16

Nayasti jupanacarojj sistwa: ‘Nanac Romanquir autoridadanacajj janiw qhitirus jiwayañatac juchañchañ yatipcti janïr juchañchirinacapampi jakthaptquïpana, uqhamat juchañchatäqui ucajj arsusiñapataqui.

Hechos 7:60

Quillt'asisinsti, jach'at art'äna: “¡Tata, jan aca jucha luratatjja jupanacar juchañchamti”! sasa. Uqham arsusinwa jiwawayjjäna.

1 Corintios 13:5

Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

1 Corintios 9:3

Qhitinacatï jisc'achapquitu ucanacataquisti acaraquiwa nayan arsusitajjajja:

2 Corintios 7:11

Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

Filipenses 1:17

Mayninacajj parlapjjewa Tatitutjja jupatac take cunsa thakasaqui, janiw take chuyma parlapquiti. Jupanacasti munapjjaraquiwa nayan juc'ampi jan walt'añajja, jichhajj preso jicjjatasitajj laycu.

Filipenses 1:7

Uqham amuyatajjasti asquiwa, jumanacarusti walpun munasipjjsma, nayamp chicaraquiw jumanacajj take bendicionanacsa catokapjjtajja carcelt'atäñajjansa, autoridadanac nayrakatan arsuñansa, khespiyasiñ arunac arjjatañansa, uqhamarac uca khespiyasiñajj chekawa sañansa.

2 Timoteo 1:15

Yatiractawa takeniw Asia sat provincianquirinacajj jaytanucjjapjjetu; jupanacat maynïrinacajj acanacawa: Figelo uqhamarac Hermógenes.

2 Timoteo 4:10

Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

2 Timoteo 4:15

Uca jaketjja jumajj amuyasim, jupasti jiwasan yatichäwinacas contraw sarti.

1 Pedro 3:15

Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.