2 Timoteo 3:14 - Qullan Arunaca

¹⁴ Ucampis jumajj cuntejj yatekcta, ucat iyawscaracta ucarojj jan pächasis arcam. Jumajj asquiw yatta qhititejj yatichcäyätam ucjja.

Aymar Bibliia 1986

¹⁴ Ucampis jumajj cuntejj yatekcta, ucat iyawscaracta ucarojj jan pächasis arcam. Jumajj asquiw yatta qhititejj yatichcäyätam ucjja.

Qullan Arunaka DC

¹⁴ Ukampis jumax kuntix yatiqkta, ukat iyawskarakta ukarux jan pächasis arkam. Jumax askiw yatta khititix yatichkäyätam uka.

2 Timoteo 3:14 Jak'a apnaqawi uñst'ayäwi

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

Romanos 14:5

Yakha amuyt'äwi: Mayninacataquejj mä urojj juc'ampïcaspas uqhamaw yakha urutjja. Mayninacataquisti take urus quicpaquïcaspas uqhamaraquiwa. Ucampis sapa mayniw amuyquis ucjja sum yatiñapa.

Colosenses 2:2

Munaractwa jupanacajj chuymanacapanjja wali ch'amañcht'atäpjjañapa, mayaquïpjjañaparaqui munasiñansa, chekpach amuyumpi suma phokt'atäpjjañapawa, uqhamat Diosan imantäwipa uñt'añataqui, ucasti Cristo pachpawa.

1 Tesalonicenses 1:5

Cunapachatejj nanacajj khespiyasiñ arunac parlapcäyäsma ucqhajja janiw nanacan arunacajjaquïcänti, jan ucasti Kollan Ajayun ch'amapampiw parlatäna, uqhamarac aca arunacajj chekätap yatisinaraqui. Jumanacajj yatipjjtawa cunjäms jumanac taypin sarnakapjjtjja, jumanacan asquinacamataqui ucjja.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Timoteo 4:16

Jumapachpat imasim uqhamarac yatichäwimatsa, take cunansa ch'amani tucum. Uqhamtejj lurätajja jumapachpaw khespiyasïta, uqhamarac qhitinacatejj jumar ist'apctam ucanacarus khespiyaraquïtawa.

2 Timoteo 1:13

Cuna suma yatichäwtejj churcsma ucatjja janipun sarakamti, iyawsäwinrac jacam, uqhamarac munasiñasajj utjquistu Cristo Jesusampi mayaru tucutas laycu ucansa.

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

2 Timoteo 3:15

Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Tito 1:9

Uqhamaraquiw catjjäsiñapa yatichatäqui uca cheka arunaca, uqhamat yakhanacar waytt'añapataqui uca suma yatichäwimpi, uqhamarac qhitinacatejj jan Diosar ist'añ munapqui ucanacar iyawsayañapataquisa.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

Hebreos 6:11

Ucampis muntanwa sapa mayni jumanacan uca jasa chuyma utjapctam ucjja uñachayapjjañama tucuycama, cunatejj suyatäqui ucajj phokhasiñapataqui.