2 Timoteo 3:1 - Qullan Arunaca

¹ Yatiñamaraquiwa, khepa urunacanjja jan wali tiemponacaw jutani.

Aymar Bibliia 1986

¹ Yatiñamaraquiwa, khepa urunacanjja jan wali tiemponacaw jutani.

Qullan Arunaka DC

¹ Qhipa urunakan jan wali urunakaw jutani, uksti yatiñamawa.

2 Timoteo 3:1 Jak'a apnaqawi uñst'ayäwi

Génesis 49:1

Jacobosti wawanacaparuw jawsäna, ucatsti saraquïnwa: “Jac'achasinipjjam, cunatejj acat kheparojj lurascani uc sapjjäma:

Isaías 2:2

Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,

Jeremías 48:47

Ucampisa nayaw Moab marcan saräwipjja mayjaru tucuyjjaraquï; Naya Tatituw ucjja arsta.” Ucaw Tatitun arunacapajja Moab marcataquejja.

Jeremías 49:39

Ucampisa kheparojj Elam marcan sarnakäwipjja mayjt'ayaraquïwa. Naya Tatituw ucjja arsta.”

Ezequiel 38:16

Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.

Daniel (hebreo) 10:14

Cunatejj acat kheparu marcampejj pascani ucanac khanañchiriw jutsma, uca unañchawinac uñjcta ucanacasti uca urunac toketaraquiwa’ sasa.

Daniel (hebreo) 11:36

“Amstanquir reyisti cuntejj jupajj munqui ucwa luraraquini cunjämatejj jupajj sinti jach'a jach'a tucqui uqhamäniwa, take diosanacatsa jilïrïcaspas uqhamwa amuyasiraquini, cheka Diosataquisti cunayman jan wali arunacwa arsuraquini, take cunas jupataquejj asquiruw mistsuni, Diosajj jupataqui mutuyäwipa puriyancani uca horascama, cuntejj Diosajj amtcani ucasti phokhasiniwa.

Daniel (hebreo) 12:11

Sacrificio loktasiñajj suyt'ayatäqui ucatsti waranka pä patacani llätunc tuncani urunacaw pasañaparaqui, cunapachatejj ajjtascaña jan wali luräwinaca Tatitun templopan lurascani ucatjja ucqha urunacaw pasaraquini.

Daniel (hebreo) 12:7

Lino isimpi isthapitäcän uca jakesti, alajjpacharuw amparap lokti ucatsti jacquiri Diosan sutipjjaruw juramentompi arsuraqui aqham sasa: ‘Quimsa pacha chicatani, cunapachatejj Diosan marcapajj jan juc'ampi t'akhesiyatäjjani, ucapachaw take acanacajj tucusjjani’ sasa.

Daniel (hebreo) 7:8

“Uca wajjranac uñch'ucquipansti, uca wajjranac taypitjja yakha jisc'a wajjraw mistuniraquïna, uca khepa wajjrajj mistuncänsa ucaru mä cheka churañataquejja quimsa wajjranacwa jiq'irapjjäna, uca khepïri wajjrasti jake nayrat nayranacanïnwa, mä lacaw utjaraquïna, uca lacasti wali jach'a jach'a tucusaraquiw parläna.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Miqueas 4:1

“Khepa urunacanjja cawqhancquitï Tatitun templopajj uca kollojja suma sayt'ayatäniwa. Uca kollusti wali altöniwa, take kollunacat sipansa wali altoraquïniwa. Take marcanacaw ucarojj jutapjjaraquini,

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

2 Pedro 3:3

Nayrakatajj ac amuyt'asipjjam: Khepa urunacanjja Tatitun yänacapat phiscasiri jakenacaw sartapjjani, jan wali amtatanacaparjamaraquiw sarnakapjjani,

1 Juan 2:18

Wawanaca, khepa urunacajj purinjjewa. Jumanacajj ist'apjjäyätawa: “Anticristojj jutaniw” siri; cunjämatejj jichhajj Cristo toke parlirinacajj wali uñstawayejja, uqhamatwa yattanjja khepa urunacäjjatapa.

Judas 1:17

Ucampis munat jilatanaca, amtasipjjam jumanacajj nayratpach Tatit Jesucristosan apostolonacapajj sapcäyätam ucanaca.

Judas 1:18

Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.