2 Timoteo 2:19 - Qullan Arunaca

¹⁹ Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

Aymar Bibliia 1986

¹⁹ Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

Qullan Arunaka DC

¹⁹ Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

2 Timoteo 2:19 Jak'a apnaqawi uñst'ayäwi

Job 28:28

Diosasti jakenacarojj sänwa: ‘Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja’ ” sasa.

Salmos 1:6

Tatituw asqui jakenacan sarnakäwip yati, ñankha lurir jakenacan thaquipasti aynacht'añaruw puriyi.

Salmos 112:6

Asqui jakejj janipuniw cunapachas aynacht'caniti. Asqui jakejj aytatapunïniwa.

Salmos 34:14

ñankha lurañat jithektasim, asquïc ucpun luram, sumancañ thakam, khepap arcaraquim.

Salmos 37:18

Tatituw asqui jaken jacañ urunacap imasqui, catokäwipasti wiñayataquïniwa;

Salmos 97:10

Tatitojj ñankhar uñisir jakenacarojj munasiwa, asqui arquirinacapan jacañaparojj imiwa, ñankha lurir jakenacan amparapat khespiyaraqui.

Proverbios 10:25

Cunjämatejj jach'a tutucajja mäqui pasawayejja, uqhamawa jucharar jakejj mäqui chhaktawayjje, ucampis asqui jakejj wiñayataquiwa jacasqui.

Proverbios 3:7

Jan amuyasimti sinti yatiñanïtama; Tatitur ajjsartam, take ñankhatsa jithektam,

Isaías 14:32

¿Camsaracsna jichhasti uca marcat qhitanitanacarusti? Tatituw Sionarojj ch'am churi sum sayt'asiñapataqui, marcapan llaquitanacasti ucanwa samarañ jicjjatapjjani.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Isaías 63:19

Janis jumajj cunapachas apnakapquitasamän uqhamäpjjtwa, janis cunapachas sutimjja apapquiriscäyät uqhama.

Isaías 65:15

Nayan ajllitanacajjasti sutinacamwa aytasipjjaraquini, mayninacaru ñankhachañataqui, uqhamaraqui jiwañap munañataquisa, ucampis sirvirinacajjarojj yakha sutinacampiw suticht'äjja.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Nahúm 1:7

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Hageo 2:23

Ucürusti, nayan uywatajja Zorobabel, naya quipcanjama munañanïña churäma, nayarjama naya quipcaw ajllissma uca laycu. Naya take ch'amani Tatituw ucjja arsta.”

Zacarías 3:9

Nayasti Josué chachan nayrakataparojj uchtwa mä kala pakallko esquinani, naya quipcaw ucarojj mä aru kellkäjja. Ucatsti, mä urunacwa aca marcan juchapjja apakäjja.

Números 16:5

ucatsti Coré jakempiru, arquirinacapampirojj sänwa: —Arumanthiw Tatitojj yatiyani qhitis jupanqui, qhitiraquisa jupar catuyata, qhitisa juparu ofrendanac churaspa ucanaca, cawquïrirutejj jupajj ajlliscani, ucaquiw ofrendjja loktaraquini.

Números 6:27

“Uqhamwa jupanacajj sutejja israelitanacar arsupjjani, ucatsti nayajj jupanacarojj bendiciraquïwa.”

Mateo 24:24

Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Mateo 28:19

Take acapachanquir jakenacar yatiyir sarapjjam, nayar arquir tucuyapjjam; bautisapjjam Dios Awquina, Dios Yokana, Dios Kollan Ajayun sutiparu.

Mateo 7:23

Ucapachasti nayajj jupanacarojj saraquïwa: ‘Janipuniw jumanacarojj uñt'apcsmati, nayat jithektapjjet jan wali luririnaca’ sasa.

Mateo 7:25

Jallu purintatapatsti jawiranacaw wal sarti, ucamp chicasti waliraquiw thayajj thayt'ani uca utarojja, ucampis janiw tincuyquiti karka patancatap laycojja.

Marcos 12:16

Jupanacasti kollk apanipjjänwa. Jesusasti uñjjatasinjja jupanacaruw jisct'araqui: —Aca kollken utjqui uca ajanus, sutipas ¿qhitinquisa? —sasa. Jupanacasti —Cesaranquiwa —sapjjänwa.

Marcos 13:22

C'ari cristonacampi, c'ari profetanacampiw sartani. Ucatsti unañchanacamp, muspharcañanacamp lurapjjani, jakenacar pantjayañataqui. Waquisin ucqhajj Diosan ajllitanacaparus pantasiyañ munapjjani.

Lucas 13:27

Ucampis jupajj sapjjätamwa: ‘Niya sapjjsmawa, janiw uñt'apcsmati cawquinquirïsipcstajja. Jithektapjjet nayata take jan wal luririnaca’ sasa.

Lucas 6:48

mankha allsusin mä karka patjjar utacht'asir jakemp sasiwa. Cunapachatï may jawirajj wal sartani ucqhajja, umajj ch'amampiw uca utarojj jakcatti, ucatsti janiraquiw onjjtayquiti karkjjancatap laycu.

Juan 10:14

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.

Juan 3:33

Ucampis cawquïritejj iyawsqui ucajja: “Chekaw” siwa Diosan arsutaparojja.

Hechos 11:26

Ucansti iglesiampejj mä maraw ucancäna, walja jakenacar yatichasa. Uca Antioquianwa iyawsirinacarojj nayrakatajj: “Cristor arquirinaca” sasa sutichapjje.

Hechos 15:17

Uqhamatwa maynïr jakenacajj takpachan Tatiturojj thakapjjani, cawquïr marcanacantejj sutejjajj aytatäqui uca marcanquir jakenacasa.

Hechos 9:14

Jichhas jupajj ucaruw jutascaraqui, jach'a sacerdotenacan arsutanacapampi, Tatitun take arquirinacapar catuntañataqui —sasa.

Romanos 11:2

Diosajj nayratpachwa israelitanacarojj jupanquirinacat uñt'asi, jichhasti janiw jupanacarojj apanucquiti. ¿Janit yatipcta cuntejj kellkatan Eliasan sarnakäwipat parlquis ucjja, cunjämtejj Eliasajj oracionapanjj israelitanacarus juchañchcataynas ucjja? Jupasti sänwa:

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

Romanos 15:20

Uqhamwa khespiyasiñan utjatapjja nayajj khanañchañar uchasta, cawquintejj ni mä cuti Criston sutipajj arsutäcänsa uca chekanacana, uqhamat jan yakhan kalltatapjjaru lurañataqui.

Romanos 15:9

Cristojj jutaraquiw qhitinacatejj jan judiöpquis ucanacajj Diosar yupaychapjjañapataqui jupan qhuyapayasiñap laycu, cunjämatejj kellkatäqui ucarjama: “Uca laycuw yakha marcanac taypinsa yupaychäma, k'ochuraquïwa sutim jach'añchañataqui” sasa.

Romanos 8:28

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Romanos 9:11

Janïra jupanac nasquipanwa, janiraqui walsa jan walsa lurcän ucapachaw Diosajj Rebecarojj aqham säna: “Jilïri wawamajja sullca wawaman sirviripäniwa” sasa. Acasti cunatejj kellkatäqui ucampejj phokhasiraquiwa: “Wal munäyät Jacoborojja, ucampis uñisïyätwa Esaurojja” satampi. Uqhamatwa Diosan munañaparjam ajllisiñajj phokhasjje jupan amtataparjama, qhitinacarutejj jawsqui ucanacan luratanacap jan yäkasa.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

1 Corintios 8:3

Ucampis maynitejj Diosar munchejja, Diosajj juparojj uñt'araquiwa.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Gálatas 4:9

Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Efesios 3:15

Jupataracwa take familiajj sutipjja catokapjje, alajjpachanquirinacasa aca orakenquirinacasa.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

1 Timoteo 6:19

Uqhamatwa yänacapajj utjani khepüru sum sayt'añapataqui, uqhamata wiñay jacaña catokapjjañapataqui.

Hebreos 11:10

Abrahamajj suyt'ascaraquïnwa suma utt'ayata marca, uca marcan luriripajja Diosawa.

2 Pedro 3:14

Ucatpï munat jilatanaca, acanac suyt'casajja take cunsa ascpun lurapjjam, uqhamata Diosajj jumanacar sumana jicjjatañapataqui, jan juchani ni cuna k'añunsa.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.

Apocalipsis 17:8

Uca ajjsarcañ animal uñjctas ucajj nayrapachajj jaccäna ucawa, jichhasti ucajj janiw jaccjjeti. Ucampis aca orak mankhatwa mistunini janïra jiwañaru sarcasajja. Qhitinacatejj oraken jacasipqui ucat janiraqui sutinacapajj jacañ librona kellkatäquiti aca orake kalltäwitpacha ucanacajja, uca ajjsarcañ animal uñjasajj wali sustjasipjjani. Uca ajjsarcañ animalasti nayraw utjäna, jichhasti janiw utjcjjeti, ucampis ucapachajj uñstaniniwa.

Apocalipsis 2:13

‘Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.

Apocalipsis 21:14

Uca marcan perkanacapasti tunca payani jach'a kalanacat cimientonïnwa, Corderon tunca payani apostolonacapan sutinacapampi kellkata.

Apocalipsis 22:4

Ajanuy ajanuwa uñcatapjjani, paranacaparusti sutipwa apapjjaraquini.

Apocalipsis 3:8

‘Nayajj yattwa take luratanacamjja. Juma nayrakatarusti mä jist'arat puncwa uchta, ucsti janiw qhitis jist'antcaspati; pisi ch'amäcsta ucasa, arunacajj ist'istawa, janiraquiw cunapachas jan uñt'ir tucquistati.