2 Timoteo 1:12 - Qullan Arunaca

¹² Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

Aymar Bibliia 1986

¹² Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

Qullan Arunaka DC

¹² Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:12 Jak'a apnaqawi uñst'ayäwi

Salmos 25:2

Diosajjay, jumaruw take chuymamp alcatsma: janiquiy p'enk tucuñar jalantañajj munamti, janirac timanacajjas nayat larusipjjetpati;

Salmos 31:5

Amparamaruw ajayojj catuysma: Tatay, cheka Diosay, khespiyasiquitaya.

Salmos 56:9

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Salmos 9:10

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Isaías 12:2

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Isaías 50:7

Tatituw nayarojj yanapasquitu, ucatwa jaken jan wali arunacapajj jan chuyma ust'ayquituti, ucatracwa nayajj mä karkar uñtata suma sayt'astjja, yatiractwa nayajj janiw cuna p'enksa pascäti.

Isaías 54:4

Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Nahúm 1:7

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Mateo 12:21

Takpacha marcanacaraquiw juparojj iyawsas suyt'apjjani.”

Mateo 24:36

“Ucampis cuna horasäcanitejj jan ucajj cuna urücanitejj ucjja janiw qhitis yatquiti, ni alajjpachanquir angelanacasa ni Diosan Yokapasa, jan ucasti Dios Awqui sapaquiw yati.

Mateo 7:22

Cunapachatejj uca urojj purincani ucapachajja, waljaniraquiw sapjjaraquitani: ‘Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta’ sasa.

Lucas 10:12

Sapjjsmawa, taripäwi urun mutuña catokañapajj aca marcanjja Sodoma marcanquir jakenacat sipansa juc'amp jach'äniwa.

Lucas 23:46

Ucatwa Jesusajj jach'at art'asïna: —¡Awquiy, amparamaruw ajayojj-jja catuyasjjsma! —sasa. Uc arsusinwa jiwawayjjäna.

Juan 17:15

Janiw maycsmati acapachat apsuñamataqui, jan ucasti maysmawa Supayat imañamataqui.

Juan 6:44

Janiw qhitis nayaru jutcaspati, janitejj qhitanquitu uca Awquejj apancaspa ucajja. Nayasti khepa urunjja jacatatayäwa.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Hechos 13:50

Ucampis judionacajj mä kawkha asquit uñt'at warminacaru, uqhamarac uca marcan wali aytat chachanacampiruw parlapjje. Jupanacarusti Pablo uqhamarac Bernabé contra sayt'apjjañapataquiw amtayapjjaraqui uca marcat jaksuñcama.

Hechos 21:13

Ucampis Pablojj sänwa: —¿Cunats jachapjjta? Uqham jachasajj nayaruw llaquisiyapjjesta. Nayasti waquicht'ataquïsctwa Jerusalén marcan ñach'antayasiñataquisa, uqhamarac Tatit laycu jiwañataquisa —sasa.

Hechos 7:59

Estebanajj kalamp c'upjatäcäns ucqhajja, aqham sasaw oracionan mayisïna: “Tatit Jesús, ¡ajayojj catokt'asjjeta!”

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Romanos 9:33

Ucasti kellkataraquiwa: “Acajjaya nayajj lanctañ kalwa Sionarojj uscta, tincuñ jach'a kalaraquiwa; jupar iyawsirejja janiraquiw p'enkachatäcaniti” sasa.

1 Corintios 1:8

Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.

1 Corintios 3:13

Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

Filipenses 1:20

Cuntejj muncta, suycaracta ucajja jan nayan p'enkasiñajj utjañapataquiwa; ucat sipana take iyawsañampi Diosan arunacapat parlt'añajjataquiwa, uqhamat jichhajj nayan Cristojj juc'ampi jach'ar aptatäñapataqui, jiwatäcasasa jan ucajj jacascasasa.

Filipenses 3:10

Cristoruquiw uñt'añ munta, jacatatäwipan ch'amap catokañ munaracta, t'akhesiñanacapan chekäñ munta, jiwañansti jupjamaw jiwañ munaracta,

Filipenses 3:21

Jiwasanacan jan wali janchisjja jupaw trocani, jupancquis uqham c'ajquir janchipar uñtata. Uqhamsti cawquïr ch'amapampitejj take cunsa apnakqui uca ch'amapampiw uqham tucuyani.

Filipenses 3:8

Ucat juc'ampis, take cunatejj nayan utjquitu ucanacsti chhakatäcaspas uqhamwa amuyta, Cristo Tatitojjar uñt'añajj mä jach'a asquïtap laycu. Cristo laycuw take cunsa apanucta. Take cunsa mä jan cunatac sirvir t'unäcaspas uqhamwa uñjta Cristor jicjjatañ laycu.

1 Tesalonicenses 2:16

Cunapachatejj nanacajj jan judiöpquis ucanacar Diosan arunacap parlañ munapjjtjja jupanacan khespiyasipjjañapataqui ucqhajja, janiw parlayapquituti. Uqhamatwa juc'amp juchanacapjj yapjjatasi. Ucampis jichhajj Diosan ajjsarcañ mutuyäwipawa jupanacjjar juti.

1 Tesalonicenses 5:4

Ucampis jumanacajj jilatanaca, janiw ch'amacanacancapctati Tatitun jutäwip urupajj acatjamat jumanacar catuntañapataqui, cunjämatejj mä lunthatajj acatjamat jutqui uqhama.

1 Timoteo 6:20

Timoteo, cunatejj jumaru catuyatäqui ucjja imam. Jan ist'amti ch'usa jan cunataqui asquïqui uca arunacjja, ni uca c'ari yatiñ cancañ sutinïqui ucarusa.

2 Timoteo 1:14

Jiwasanacan jacqui uca Kollan Ajayun yanapapampejj, imam cuntejj Diosajj catuyctam ucjja.

2 Timoteo 1:16

Tatitojj qhuyapayaspan Onesíforon familiapatjja, jupasti walja cutiw samarañ churitu, janiraquiw p'enkasquiti nayan presötajjata.

2 Timoteo 1:18

Tatitojj churpan qhä urunjja qhuyapayasiñap catokañapataqui. Jumajj asquiw yattajja cunjämtejj Éfeso marcanjja yanapquistän ucjja.

2 Timoteo 1:8

Jan p'enkasimti Tatitusjjat yatiyañjja, janirac nayats p'enkasistati. Jupa laycuw nayajj preso catutäscta. Ucat sipana t'akhesïwinacanjja t'akhesiraquim khespiyasiñ arunac laycu, cunjämtejj Diosajj ch'am churqui uqhamarjama.

2 Timoteo 2:9

Aca Tatitun arunacap laycuraquiw nayajj t'akhesiscta, cadenampi chinuntata jake jiwayirïquiristsa uqhama; ucampis Diosan arunacapajj janiw cadenampi chincatatäquiti.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

Hebreos 2:18

Camistejj jupa pachpa t'akhesiwayi, uqhamarac yant'at uñjasiwayquejja, ucatwa jichhajj yanapt'araquispa qhitinacatejj yant'ar puripqui ucanacarojja.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

1 Pedro 1:5

Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

1 Pedro 4:16

Ucampis maynitejj Cristor arquirïtap laycu t'akheschejja, janiw p'enkasiñapäquiti t'akhesitapatjja, jan ucasti Diosar yupaychañapawa sutip apatap laycu.

1 Pedro 4:19

Uqhamajja, Diosan munañaparjam t'akhesirinacajja, asquinac lurasipcañapaquiwa, Diosaruraquiw almanacapsa catuyasipjjañapa, qhititejj jiwasar lurirïqui ucaru, jupasti chekaparaquiwa.

Judas 1:24

Mä sapa Dios, jiwasan Khespiyirisaraqui, jupajj ch'amaniw jumanacar imañataquejja jan tincupjjañamataqui, ucatsti jan k'añuni cusisiñan phokt'ata jupan c'ajquir nayrakatapan uñstapjjañamataqui.