2 Samuel 6:5 - Qullan Arunaca

⁵ Ucañcamasti Davidampi take israelitanacampisti, Diosan nayräjjapa sarapjjaraquïna, take ch'amanacapampi k'ocht'asisa, uqhamarac thokt'asisa, arpanacajj toct'apcäna ucarjama, salterionaca, panderonaca, castañuelas, uqhamarac platillos sata ucanacat toct'asisa.

Aymar Bibliia 1986

⁵ Ucañcamasti Davidampi take israelitanacampisti, Diosan nayräjjapa sarapjjaraquïna, take ch'amanacapampi k'ocht'asisa, uqhamarac thokt'asisa, arpanacajj toct'apcäna ucarjama, salterionaca, panderonaca, castañuelas, uqhamarac platillos sata ucanacat toct'asisa.

Qullan Arunaka DC

⁵ Ukchañkamasti Davidampi taqpach israelitanakampix, wali kusisitaw Diosan nayräxap sarapxarakïna, taqi ch'amapamp q'ucht'asisa, thuqt'asisa, arpanakampi, salterionakampi, panderonakampi, castañuelanakampi, platillonakampi kusist'asisa.

2 Samuel 6:5 Jak'a apnaqawi uñst'ayäwi

2 Reyes 3:15

¡Uqhamajj sarapjjam mä musicor irptanipjjam! —sasa. Ucatsti cunapachatï musicojj tocascäna ucqhajja, Tatitun ch'amapaw Eliseo profetjjaru jutäna,

1 Crónicas 13:8

Uccañcamasti Davidampi, take Israel marcampejja sarasipcänwa k'ocht'asisa, thokt'asisa take ch'amanacapampi, arpa toct'at musicapampi, salterionacampi, panderonacampi, platillonacampi, trompetanacampiraqui.

1 Crónicas 15:28

Take Israel marcawa Tatituna sumancäwiru mantat arcapa apapjjäna, cusisiñatsti jach'at arnakasipjjäna, uqhamaraquiw toct'asïna wajjranaca, trompetanaca, platillonaca, ucatjja salterionacana, arpanacana tocasitapampiraqui.

2 Crónicas 20:28

Cunapachatï Jerusalenaru puripjjäna ucqhasti, Tatitun temploparuwa sarapjjäna salterionacampi, cítara, uqhamarac trompetanacan tocañanacapampi.

Salmos 47:5

Diosajj cusisiñat art'asiñ taypin konuñapar maqhati, Tatitojj trompetanacan phust'asitap taypin maqhataraqui.

Daniel (hebreo) 3:10

Juma, jach'a reyejj, arsuractawa, take jakenacajj uca korit lurata c'ari diosa nayrakataru quillt'asiñapa cunapachatejj uca instrumentonacajj toct'ascani ucapachajja,

Daniel (hebreo) 3:15

¿Jichhajj jumanacajj quillt'asipjjätati musican toct'asitapa ist'asinjja cuntejj nayajj luraycta uca nayrakatarojja? Jumanacatejj uca diosar jan quillt'asipcäta ucapachasti jichpachaw mä naqhasquiri hornoru jakontata uñjasipjjäta, uqhamasti ¿cawquïri diosas take ucanacatjja khespiyaspa? —sasa.

Daniel (hebreo) 3:5

Cunapachatejj jumanacajj trompetan phust'asitapa ist'apjjäta, cítara sisqui ucan toct'asitapsa, pinquilluna, lira sisqui ucana, salteriona, uqhamaraqui yakha instrumentonacan toct'asitapa ist'apjjäta ucapachasti takeniw quillt'asipjjäta, uca korit lurata c'ari diosa nayrakatana cuntejj Nabucodonosor reyejj luraycatayna uca nayräjjana.

Daniel (hebreo) 3:7

Uqhamaw uca chekana tantacht'atäsipcän uca jakenacajj, instrumentonacan toct'asitapa ist'asinsti takeniw uca c'ari diosa nayrakataru quillt'asipjjäna ucat yupaychapjjaraquïna.

Amós 5:23

¡K'ochunacamjja nayat jithekayapjjeta; janiw ist'añ muncti arpanaca tocatanacamsa!

Amós 6:5

Pinquillu phust'asaw cunayman k'ochupjje; David quipcaquiraquiw tocañ instrumentonacsa lurapjjaraqui;

1 Samuel 10:5

Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.

1 Samuel 16:16

Ucampisa jumajj sirvirinacamaru saraquim, qhititejj arpa tocañ yatqui uca thakapjjañapataqui, uqhamat cunapachatejj jumaru uca ñankha ajayojj t'akhesiycätam ucqhajj, uca arpa toquirejj toct'añapataqui, uqhamat jumajj sumaqui jicjjatasïta.