2 Samuel 24:19 - Qullan Arunaca

¹⁹ Uqhamasti Davidajj cuntejj Gad chachajj Tatitun arsutapat siscatayna uca luririw sararaquïna.

Aymar Bibliia 1986

¹⁹ Uqhamasti Davidajj cuntejj Gad chachajj Tatitun arsutapat siscatayna uca luririw sararaquïna.

Qullan Arunaka DC

¹⁹ Davidasti sarawayänwa, Tatitux Gad profeta tuqi arskatayna ukarjam lurañataki.

2 Samuel 24:19 Jak'a apnaqawi uñst'ayäwi

Génesis 6:22

Noesti cunjämtejj Diosajj siscatayna uqhamwa take cunsa luräna.

2 Samuel 24:18

Uca pachpa uruw Gad sat chachajj Davidan ucar saräna, ucatsti saraquïna mä altar sayt'ayañapataqui cawqhantejj Arauna jebuseo jakejj trigo jawk'cäna uca chekaru.

2 Samuel 24:20

Arauna jakejj jayatacwa uñch'uquiscäna, ucatwa uñjäna reyimpiru, uqhamaraqui sirvirinacapampiru jupa tokeru jutasipquiri.

1 Crónicas 21:19

Ucatjja Davidajj saränwa cuntï Gad chachajj siscäna uc luriri Tatitun sutiparu.

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Nehemías 9:26

“Ucampis jupanacajj jan ist'asirinacäpjjänwa, juma contraw tucupjjäna, uqhamarac leyimarusa jisc'achapjjaraquïnwa. Ucjjarusti jiwayapjjänwa profetanacamarojja jupanacar juchañchatapata jumar cutt'anjjañapataqui, ucatjja jach'a juchanacwa juma nayrakatan lurapjjäna.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.