2 Samuel 23:19 - Qullan Arunaca

¹⁹ Uqhamwa jupajj uca quimsa tuncani taypinjja juc'ampi jach'añchäwi catokaraquïna, takenit sipansa, uqhamatwa jach'a jilïripa tucuraquïna. Ucampisa janiw cawquïri quimsa wali suma soldadonacatejj utjcän ucanacampejj chicachascänti.

Aymar Bibliia 1986

¹⁹ Uqhamwa jupajj uca quimsa tuncani taypinjja juc'ampi jach'añchäwi catokaraquïna, takenit sipansa, uqhamatwa jach'a jilïripa tucuraquïna. Ucampisa janiw cawquïri quimsa wali suma soldadonacatejj utjcän ucanacampejj chicachascänti.

Qullan Arunaka DC

¹⁹ ukatsti taqinit sipansa, jupaw jach'añchäwinak katuqäna, jupanakan jach'a jilïripaw tukurakïna, ukampis janiw uka kimsani jan axsarir chachanakjamäkänti.

2 Samuel 23:19 Jak'a apnaqawi uñst'ayäwi

2 Samuel 23:13

Mä cutejja, cosecha horasana, quimsa tunca jach'a jilïrinacatjja, quimsaniw Davidampi jiquisiri sarapjjäna, Adulam sisqui uca putuna. Filisteo ejercitosti Refaim valle sisqui uca chekaruw purintapjjaraquïna.

2 Samuel 23:16

Uqhamasti uca quimsa wali suma chachanacajj, filisteonacan taypiparu mantasinsti Belén puncunquir uma phuch'utjja umwa apsunipjjäna, Davidan umt'añapataqui. Ucampisa jupajj janiw umt'añ muncänti, jan ucasti Tatitutaqui mä ofrendäcaspas uqhamwa waratatäna,

2 Samuel 23:18

Abisai jakesti, cawquïritejj Joab chachan jilapäna, uqhamaraqui Sarvia sisqui uca jaken yokaparaquïna, ucasti quimsa tuncanjjaru jilïriraquïnwa. Mä cutisti quimsa pataca jakenacaruw nuwantaraquïna, lanzapampisti jiwarayaraquïnwa.

2 Samuel 23:20

Joiada jaken yokapa, Benaía satäqui cawquïritejj Cabseel sisqui uca chekan utjcän ucasti mä suma jakeraquïnwa, janiraquiwa cunsa ajjsarirïcänti, jupajj wali suma jach'a luräwinacwa luraraquïna. Juparaquiw Moab marcanquiri Ariel sat jaken pani yokanacaparojj jiwarayänjja. Mä urusti cunapachatejj wali qhunuscän ucapachasti jupajj mä jach'a p'iyaruw sarakascäna, ucansti mä leonaruw jiwt'ayaraquïna.

2 Samuel 23:9

Ucjjarusti Dodo sat jaken Eleazar yokapa, ahohita sataraqui, jupasti quimsanitjja sinti suma soldadopunïnwa. Davidampi chicaraquiw Pasdamim sisqui uca chekancäna, cunapachatejj filisteonacajj uca chekaru nuwasiñataqui tantacht'asipcän ucapacha, israelitanacasti ucapachajj sarjjapjjaraquïnwa.

1 Crónicas 11:25

ucatsti jupajj juc'amp jach'achatänwa jupanacat sipana, ucampis janiw nayrïri quimsïrjamäcänti. Ucatjja Davidajj jupan guardiapana jilïripatwa uchäna.

Mateo 13:23

Ucampis suma lak'aru purir jathajja acamp sasiwa: Diosan arunacapa ist'asinjja amuyt'apjjewa, ucatsti mä sumwa achupjjaraqui, mayat patacaru sojjta tuncaru uqhamaraqui quimsa tuncarusa.”

Mateo 13:8

Ucampis ucat ucjjar jathajja wali suma lak'awjaruw puri, ucatsti wali sum achuraqui, mayasti patacaruw achu, chicatanacasti sojjta tuncaru, quimsa tuncaruraqui.

1 Corintios 15:41

Intin khanapajj mayjawa phajjsin khanapat sipansa, warawaranacan c'ajatapas mayjaraquiwa. Pachpa warawaranac taypitsa utjaraquiwa yakha casta c'ajiri warawaranacajja.