2 Samuel 2:23 - Qullan Arunaca

²³ Cunjämatejj Asael jakejj jan antutañ muncänjja, Abnerasti puracapat lanza puntapampiw chhokhontäna, khepäjjaru junsuñcama, ucat Asael jakejj ucqharpachaw jiwata uñjasïna. Take qhitinacatejj uca chekaru purinipcäna ucanacajja, cawqhantejj Asaelajj jiwcatayna ucanacasti sayt'asipjjänwa jupar uñjañataqui.

Aymar Bibliia 1986

²³ Cunjämatejj Asael jakejj jan antutañ muncänjja, Abnerasti puracapat lanza puntapampiw chhokhontäna, khepäjjaru junsuñcama, ucat Asael jakejj ucqharpachaw jiwata uñjasïna. Take qhitinacatejj uca chekaru purinipcäna ucanacajja, cawqhantejj Asaelajj jiwcatayna ucanacasti sayt'asipjjänwa jupar uñjañataqui.

Qullan Arunaka DC

²³ Ukampis Asaelax arktaskakïnwa, ukat Abnerax Asaelan purakapat lanzamp chhuqhuntäna, jikhanïxat junstayañkama, Asaelasti ukkharpachaw jiwat jaqutattäna. Ukatsti taqi khitinakatix uka chiqaru purinipkäna ukanakasti, jupar uñjañatakiw sayt'asipxäna.

2 Samuel 2:23 Jak'a apnaqawi uñst'ayäwi

2 Samuel 2:24

Ucampisa Joab, uqhamaraqui Abisai jakempejja Abnerarojj arctasipcaquïnwa. Inti jalanta ucqharusti Ama sat kollu pataruw puripjjäna, Gía uñcatasina, Gabaón tokeru sarañäquis uca wasara tokena.

2 Samuel 20:10

Amasasti janiw amuyascänti Joab jakejj espada ayt'atätapa. Acatjamat Joab jakejj uca espadampejj Amasarojj puracapat chhokhunti, take jiphillanacapasti orakeruw warstaniraquïna. Jan Joab jaken jawk'atatcataquiw jupajj jiwawayjjäna. Ucat Joab jakejj Abisai jilapampejj Bicri jaken yokapa Sebarojj arctasipcaquïnwa.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Samuel 3:30

Joab, uqhamaraqui Abisai jakempisti Abnerarojj jiwayapjjänwa guerrana, Abnerajj uca paninin jilaparu Gabaón chekan jiwayatap laycu.

2 Samuel 4:6

Uta uñjiristi trigo k'omachascaraquïna, ucampisa jupajj icj- jjaraquitaynawa, uqhamatwa Recab, uqhamaraqui Baana jilapampejj jan qhitin uñjcata mantapjjäna.

2 Samuel 5:6

Rey Davidampi, jakenacapampisti Jerusalenaruw sarantawayapjjäna, jebuseo jakenacar nuwantañataqui, jupanacasti ucsa tokenacanwa jacapjjäna. Ucampisa jebuseonacajj amuyapjjaraquïnwa, Davidajj janis uca marcar mantcaspa uqhama, ucatsti sapjjaraquïnwa: “Janiw jumajj acar mantancasmati, juyqhunacampi, cojonacampiquiw jumarojj jarct'apjjätamjja, jan mantaniñamataqui” sasa.