2 Samuel 19:43 - Qullan Arunaca

⁴³ Israelitanacasti ucjjarojj sapjjaraquïnwa: —Nanacajj jumanacat sipansa reyjjarojj tunca cuti derechonïpjjtwa. Uqhamarusa, nanacajj tribunacjamajja, jumanacan jilïri jilamjamäpjjtwa. Uqhamasti, ¿cunatsa nanacarojj jisc'achapjjesta? ¿Janit nanacasti nayrakata mayipctsti reyin cuttanjjañapataquisti? Ucampis Judá orakenquirinacajj juc'ampi jach'atwa arsusisipcaquïna, israelitanacat sipansa.

Aymar Bibliia 1986

⁴³ Israelitanacasti ucjjarojj sapjjaraquïnwa: —Nanacajj jumanacat sipansa reyjjarojj tunca cuti derechonïpjjtwa. Uqhamarusa, nanacajj tribunacjamajja, jumanacan jilïri jilamjamäpjjtwa. Uqhamasti, ¿cunatsa nanacarojj jisc'achapjjesta? ¿Janit nanacasti nayrakata mayipctsti reyin cuttanjjañapataquisti? Ucampis Judá orakenquirinacajj juc'ampi jach'atwa arsusisipcaquïna, israelitanacat sipansa.

Qullan Arunaka DC

⁴³ 43 (44) Israelitanakasti sasipkakïnwa: —¡Nanakax David reyitxa, jumanakat sipan tunka kutiw jupat arsuñax wakt'apxitu. Ukat juk'ampi, nanakaw nayraqat reyir mayipxta kuttanxañapataki. Ukhamasti, ¿kunatarak nanakar jisk'achañ chuymampi uñjapxistasti? —sasa. Ukampisa, Judá markankir jaqinakax israelitanakat sipan, qhuruchasiñampiw arsusisipkakïna.

2 Samuel 19:43 Jak'a apnaqawi uñst'ayäwi

2 Samuel 19:14

Uqhamaw Judá marcanquir jakenacarojj amuyt'ayäna, take jupanacajj mä sapa jakequïcaspasa uqhamaw mayaqui Davidarojj palacioparu uqhamaraqui jilïrinacaparusa cuttayanjjapjjäna.

2 Samuel 19:9

Israelita jakenacasti takeniw utanacaparu jaltjjapjjatayna. Take Israel marcansti, jakenacajj ch'ajjwapjjaraquïnwa, sapjjaraquïnwa: “David reyiw uñisirinacasan apnakatäñatjja khespiyistu; uca uñisirinacasti filisteo jakenacänwa, ucampisa Absalón wawapa laycuw marcat jaltjjänjja.

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

2 Samuel 20:6

Ucatwa Davidajj Abisai jakeru saraquïna: —Seba jakejj Absalonat sipansa juc'ampi jan walinacwa luristani. Uqhamasti jumajj jichhajj soldadonacajjan jilïripäyätawa, ucatsti arctam, inampisa jupajj mä jach'a perkanacampi muyuntayata marcanacaru imantasjjaspa, ucat jiwasajj jan catuñ puedcjjsnati —sasa.

2 Samuel 5:1

Uca khepatsti Israelan take tribunacapajj Hebronarcamaw sarapjjäna, Davidampi parlañataqui, sapjjaraquïnwa: “Nanacajj juman quipca familiamäpjjtwa.

1 Reyes 12:16

Cunapachatï take Israel marcpachajj uñjapjjäna reyin jan jupanacar ist'atapjja, sapjjänwa: “¡Janiw cuna lurañanacasas utjquistuti! ¡Janiw cuna herenciasa jiwasajj jaljasctanti Isaí chachan yokapampejja! ¡Israelita jakenaca utasarcama sarjjañäni! ¡Davidaqui familiaparu uñjascpan!” sasa. Ucat ucspachawa israelita jakenacajj utanacapar sarjjapjjäna.

Proverbios 13:10

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Proverbios 15:1

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 18:19

Chuyma usuchjat jilatajja, jach'a perkanacampi muyuntayat marcjamäjjewa, janiraquiw cun ist'añsa munquiti. Jila pura ch'ajjwañanacasti, cunjämatï mä palacion rejanacapajj jan pascaya wali uchantatäquejja uqhamaw jaljtayaraqui.

Romanos 12:21

Jan ñankhampejj atipjayasimti, ucatsipan ñankharojj asquimpi atipjam.

Gálatas 5:15

Ucampis jumanacatejj achjasipjjäta mank'antasipjjaraquïta maynit maynicama ucajja, acatjja amuyasipjjam, jan jumanaccama tucjasipjjañamataqui.

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Gálatas 5:26

Janiw jach'a jach'a tucuñasäquiti, uqhamat maynimp maynimp jan walt'ayasiñataqui, jiwascamas janiraquiw envidiäsiñasäquiti.

Filipenses 2:3

Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.

Santiago 1:20

Colerat jakesti janiw cunatejj Diosataquejj sumäqui ucjja lurquiti.

Jueces 8:1

Efraín sat tribunquirinacasti wali colerasisajj Gedeonaruw juchañchapjjäna, jupanacarojja madianitanacampi nuwasiñataquejj jan yatiyatapata.

Jueces 9:23

Ucampis Diosajja, Abimelec chachampiru, uqhamarac Siquem marcanquirinacampirojj mä ñankha ajaywa uchäna, uqhamata take Siquem marcanquirinacajj Abimelec contra sayt'apjjañapataqui.