2 Samuel 19:39 - Qullan Arunaca

³⁹ Take jakenacaraquiw Jordán jawirjja maqhatanjjapjjäna. Cunapachatejj reyejj maqhatanjjaraquïn ucapachajja Barzilai jakerojj jamp'att'asaw qhitanucjjäna. Uqhamasti Barzilai jakejj cawqhantejj jacascän uca chekaruw cuttawayjjäna.

Aymar Bibliia 1986

³⁹ Take jakenacaraquiw Jordán jawirjja maqhatanjjapjjäna. Cunapachatejj reyejj maqhatanjjaraquïn ucapachajja Barzilai jakerojj jamp'att'asaw qhitanucjjäna. Uqhamasti Barzilai jakejj cawqhantejj jacascän uca chekaruw cuttawayjjäna.

Qullan Arunaka DC

³⁹ 39 (40) Ukatsti jaqinakax taqpachaniw Jordán jawir makhatxapxäna, reyisti makhatarakïnwa, jamp'att'asaw Barzilai jaqirux khithanukxäna. Barzilai jaqisti utjäwiparuw kuttawayxäna.

2 Samuel 19:39 Jak'a apnaqawi uñst'ayäwi

Génesis 14:19

Abramarusti aca arunacampiw bendiciraquïna: “Alajjpachanquir Diosaw bendicïtam, jupasti alajjpacha, acapacha luririwa.

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 31:55

Khepärmanthi alwasti, Labanajj sartasisinjja allchhinacaparu, phuchanacaparu jamp'att'asinjja, bendiciwayänwa, ucat orakepar cuttawayjjaraquïna.

Génesis 45:15

Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

Génesis 47:10

Ucjjarusti Jacobojj faraonar suma arunac churasinwa mistuwayjjäna, ucatsti sarjjänwa.

Génesis 47:7

Joseasti awquiparojj faraonan ucaruw irparaquïna, uñt'ayañataqui. Jacobosti wali suma arunacampiw faraonarojj aruntaraquïna.

2 Samuel 13:25

Ucampisa reyejj saraquïnwa: —Janiw, munat wawajja, takeni nanacajj sarapquiristti, inampis jumarojj sinti gastasiyapjjerisma —sasa. Absalonasti reyin jutañapataquejj sascaquïnwa; ucampis reyejj janiw sarañ muncänti, uqhamaraqui bendicionapsa churaraquïnwa.

2 Samuel 14:33

Uqhamasti Joab chachajj reyin ucwa saräna, cuntejj Absalonajj siscän ucwa yatiyaraquïna, ucatwa reyejj Absalonarojj jawsayaniraquïna. Absalonasti reyin nayrakataparu purinisinsti orakcamaw p'ekepa alt'asïna. Reyisti jamp'att'asaraquiw catokäna.

2 Samuel 19:38

Reyisti saraquïnwa: —Quimam waynajj nayampi chica sarpan; juparojj cunjämarutejj jumajj muncäta uqhamaruw uñjaraquï. Take cuntejj mayquitäta ucsa churaraquïmawa —sasa.

2 Samuel 6:18

Uca sacrificionaca loktañ tucuyjjasinsti take marcpacharuw, take ch'amani Tatitun sutipjjaru bendiciraquïna.

2 Samuel 6:20

Uqhamaraquiw Davidas utaparu cuttanjjaraquïna familiaparu bendiciñataqui, ucampisa Saúl reyin phuchapa Mical warmejja, catokeriw mistunïna, ucatsti saraquïnwa: —¡Israel marcan reyipajj jichhürojj ucqha sumsa lurejjä, uywatanacapan esclavanacap nayrakatanjja, mä jan p'enkan jaker uñtatas tucujjä! —sasa.

1 Reyes 19:20

Eliseosti ucspachawa yuntanaca apanucusina Eliasan khepapa jaläna, aqham sasa: —Awquejjar taycajjaru jamp'att'iri sarä, ucatsti nayajj arcascämawa —sasa. —Eliasasti sänwa —Sarascaquim—, ucampis amtasïtawa cuntï jumampi lurcta ucjja —sasa.

Números 24:25

Uca khepatsti Balaamajj sarjjänwa, utaparuw cuttawayjjäna. Balac reyejj uqhamaraquiw thaquinjam sarawayjjäna.

Lucas 2:34

Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Hechos 20:37

Takeniraquiw jacht'asisa Pablorojj khomantapjjäna jamp'att'apjjaraquïna.

1 Tesalonicenses 5:26

Aruntarapipjjeta takpach jilatanacaru mä asqui jamp'att'ampi.

Rut 1:14

Jupanacasti wasitat juc'ampi jachapjjäna. Ucatsti, Orfajj taycch'iparojj ajanupat jamp'att'asaw cutt'awayjjäna. Ucampis Rut warmejj Noemí taycch'ipamp chicaw kheparjjäna.

1 Samuel 24:22

Davidasti Saúl reyitaquejj juramento lurarapïna, ucatsti reyejj palacioparuw cuttanjjäna. Davidasti jakenacapampejja cawqhanccäntejj uca jach'a imantasiñaruw cuttawayjjäna.