2 Samuel 18:14 - Qullan Arunaca

¹⁴ —Janiw jumampi tiempo pasañajjajj waquisquiti —sasaw Joab chachajj saraquïna; ucatsti quimsa flechanac aptasisinjja, jupapachpaw Absalonan chuymapat quimsa flechanacampi chhokhontäna, jacasquiriru, cunapachatejj uca encina kokat warcusisincäna ucapacha.

Aymar Bibliia 1986

¹⁴ —Janiw jumampi tiempo pasañajjajj waquisquiti —sasaw Joab chachajj saraquïna; ucatsti quimsa flechanac aptasisinjja, jupapachpaw Absalonan chuymapat quimsa flechanacampi chhokhontäna, jacasquiriru, cunapachatejj uca encina kokat warcusisincäna ucapacha.

Qullan Arunaka DC

¹⁴ Joab chachasti ukxaruw sarakïna: —¡Inamayaw jumamp parlaskta! —sasa. Ukspachaw Joabax encina quqäkis ukar saräna, kawkhantix Absalonax warkusiskän ukkharu, ukatsti kimsa mich'inak katusin Absalonan chuymapat jakaskiriruw chhuqhuntäna.

2 Samuel 18:14 Jak'a apnaqawi uñst'ayäwi

2 Samuel 12:10

Jichhajj jumajj nayarojj jisc'achistawa, Urías hitita jaken warmipa catuntasisajja, ucatsti warmt'asiractawa, ucatpï jichhajj utamatjja janipuniw jayarst'caniti jan walt'añanacajja.

2 Samuel 14:30

Ucatwa Absalonajj uywatanacaparu saraquïna: —Ist'apjjeta, Joab chachan yapunacapajj nayan yapunacajj jac'anquiwa, cebada yapuchatcamaquiraquiwa. ¡Jichhajj sarapjjam, ucatsti ninampi phichhantanipjjam! —sasa. Absalonan uywatanacapasti sarasinjja Joab chachan yapunacapjja ninampiw phichhantanipjjäna.

2 Samuel 18:15

Ucatsti Joab chachan yanapirinacapat tuncaniw Absalonaru muyuntasina jiwjayjjapjjäna.

2 Samuel 18:5

Uqhamarus reyejj Joab, Abisai, uqhamaraqui Itai jilïrinacarojj ewjjt'araquïnwa, reyi laycojj Absalonarojj suma uñjapjjañapataqui, takpach soldadonacaraquiw ist'apjjäna cuntejj reyejj jilïrinacaru siscäna ucjja, Absalonaru sum uñjapjjañapataqui.

2 Samuel 19:1

Jakenacasti uqham reyin, Absalón yokapat wali jachatap ist'asinsti, Joab chachan ucaruw sarapjjäna, sapjjaraquïnwa. Uqhamaw uca urojj nuwasïwin atipjañajj llaquisiñ ururu cutiquipstawayäna.

2 Samuel 19:11

Aca parlasïwisti take Israel marcpachanwa ist'asiraquïna, rey Davidan utapcamaraquiw puritaynajja. Ucat jupajj Sadoc, uqhamaraqui Abiatar uca sacerdotenacaruw mä ewjja apayäna, aqham sasa: “Jumanacajj Judá marcanquir jach'a jilïri jakenacampi parlapjjam, cunatsa jan jichhacama nayaru palaciojjar cuttayanjjapjjetu.

Job 20:5

Ñankha jaken cusisiñapajj juc'ataquiquiwa, uca cusist'añapasti mä juc'ataquiquiraquiwa.

Salmos 37:35

Ñankha lurir jakeruw jach'achasir uñjta, ch'ojjña kokjam jilantasquir uñjaracta;

Salmos 45:5

Mich'inacamajj wali arinacawa, marcanacajj jumaruw maqhatjjapjjtam, reyimp timasirinacajj ajjsarayasjjapjjewa.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

Jueces 4:21

Ucampis Sisarajja wali karjata purisasti icjawayjjänwa jan sartquiri. Uqham uñjasinsti Jael sat warmejj mä martillompi, utap caturi mä ch'acuru aptasinjja, Sisarajj cawqhantejj icqui ucqharojj jan toljjtayasa c'achata jac'achasisajj uca ch'acurumpiw p'ekepata lek'entäna orakcam puriyasa. Uqhamaw Sisarajj jiwäna.

Jueces 5:26

Uccañcamasti ch'eka amparapampisti mä ch'acurwa catu, cupi amparapampejj irnakarinacana martilloparaqui caturaqui, ucatsti Sisararojj ucampi p'eketa jisctasinwa p'ekepa ch'iyji, ucatjja p'eke parapataracwa uca ch'acurumpi lek'entaraqui.

Jueces 5:31

“¡Dios Tatitu, uqhama tucjatäpana jumaru take uñisirinacajja, ucampis jumaru take munirinacasti waliraqui khanapjjpan cunjämtejj intejj khanqui uqhama!” Uca khepatsti uca orakenjja samarañaw utjäna pusi tunca maranaca.