2 Samuel 15:2 - Qullan Arunaca

² Alwat sartasisinjja, thaqui thiyaruw sayt'asïna, marca mantañawjaru, ucatsti take qhitinacatejj uca chekaru purinipcäna cuna toketsa reyina ch'ajjwanac t'akjañapataqui uqhamat cheka uñjäwi jicjjatañataqui. Ucanacarusti jisct'araquïnwa jawsasinjja: “¿Cawqui marcatsa jutapjjta?” sasa. Uca jakenacatejj: “Nayajj Israelan tribunacapanquirïtwa” sän ucapachasti.

Aymar Bibliia 1986

² Alwat sartasisinjja, thaqui thiyaruw sayt'asïna, marca mantañawjaru, ucatsti take qhitinacatejj uca chekaru purinipcäna cuna toketsa reyina ch'ajjwanac t'akjañapataqui uqhamat cheka uñjäwi jicjjatañataqui. Ucanacarusti jisct'araquïnwa jawsasinjja: “¿Cawqui marcatsa jutapjjta?” sasa. Uca jakenacatejj: “Nayajj Israelan tribunacapanquirïtwa” sän ucapachasti.

Qullan Arunaka DC

² Sapüruw wali willjtat sartasïna, ukatsti marka mantañawja thakhi thiyan sayt'asïna. Ukatsti uka chiqaru kuna ch'axwanakatsa reyimp taripayasir purinipkäna uka jaqinakarux, sapa maynir jawsasin jiskt'irïna: “¿Kawki markatsa jutta?” sasa. Uka jaqitix: “Nayax Israelan ayllupankirïtwa” säna ukapachasti,

2 Samuel 15:2 Jak'a apnaqawi uñst'ayäwi

Génesis 34:20

ucatsti jupampi, awquipampejj marca mantaña puncuruw sarapjjäna, cawqhatejj parljañanaca lurañäcänjja uca chekaru, ucatsti jakenacarojj sapjjaraquïnwa:

2 Samuel 19:8

Uqhamasti reyejj sartasinjja, marca puncuruw kont'asiraquïna. Cunapachatejj take jakenacaru yatiyatäjjana ucapachasti takeniw aruntirejj uñstanipjjäna.

2 Crónicas 10:7

Jupanacasti sapjjänwa: —Jumatejj aca jakenacaru sumampi uñjäta, mayipctam ucanacsa churañ munaraquïta, uqhamarac suma arunacampiraqui arusjjataraquïta ucajja, jupanacajj wiñayataquiw sirvipjjätam —sasa.

Job 24:14

Jake jiwayirejj, pobreru jiwayañataquejj sinti alwatwa sartasi, arumthapirusti lunthatasjjaraquiwa.

Éxodo 18:14

Ucat Moisesan awcch'ipasti, cuntejj Moisesajj israelitanacar lurcän uca uñjasinjja sänwa: —¿Cunsa aca jakenacampi lurta? ¿Cunatsa jumaqui kont'asta, ucampis take jakenacasti jornalpacha sayt'ata sayapjje? —sasa.

Éxodo 18:16

Cunapachatejj jupanaccama jan walt'ayasipqui ucqhajja, nayan ucaruw jutapjje jisct'asiñataqui, ucatsti nayawa jupanacarojj uñjta qhitisa juchani ucjja; uqhamatwa nayajj jupanacarojj yatiyaracta Diosan camachinacapa, uqhamarac yatichäwinacapsa.

Éxodo 18:26

Jupanacawa jakenacarojj take horasana jan walt'äwinacapanjja uñjapjjäna. Ucampis sinti jan walinacsti Moisesaruw yatiyapjjäna; jupanacasti cunatejj jisc'a jan walt'añanacäqui ucacwa asquichapjjäna.

Proverbios 4:16

Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

Daniel (hebreo) 11:21

“Uca khepatsti yakharaquiw apnakani. Uca jakerusti janiraquiw reyïñapas waquiscasapänti, sinti jisc'achcaya jakeraquïniwa, jan wali amtäwinacapa imantasaw sallkjañanacampi reyit utt'asini.

Mateo 27:1

Cunapachatejj niya khanjtanjjän ucqhajja, takpach judionacan jilïrinacapaw amtapjjäna, sacerdotenacan jilïrinacapampi, chuymani jilïrinacampi Jesusar jiwayañataqui.

Deuteronomio 17:8

“Cawquïri ch'ajjwanacatejj ch'amäni uñjañajj, cuna jiwayasiñjjatsa, nuwasiñjjatsa, janchi usuchjasiñjjatsa cawquïri cuna jan walinacas marcaman utjani ucqhajj sarapjjätaw cawquïri chektejj Tatitu Diosamajj ajllisqui uca chekaru,

Rut 4:1

Booz chachajj, ucatjja marca mantañaruw kont'asir saräna, cawqharutï jakenacajj tantachasipjjerïcän ucqharu. Uca horasasti cawquïr familiattejj Booz chachajj parlcäna ucaw uca chekanjama pasascäna. Ucatwa juparojj säna: —Jutam, acawjar kont'asim —sasa. Ucatsti jutasinjja Booz chachan jac'aparuw kont'asïna.