2 Reyes 9:22 - Qullan Arunaca

²² Joram reyejj Jehú capitanar uñjasinjja sänwa: —¿Jehú, jumajj nayampïtati, jan ucajj nayamp nuwasirïtacha? —sasa. Ucjjarusti Jehú capitanajj sänwa: —¿Cuna sumancañaraqui jumampi utjaspasti Jezabel taycamajj jan walinacana sarnakascaqui yakha chachanacampi, uqhamarac walja laykasiñanacapampisa ucqhajja? —sasa.

Aymar Bibliia 1986

²² Joram reyejj Jehú capitanar uñjasinjja sänwa: —¿Jehú, jumajj nayampïtati, jan ucajj nayamp nuwasirïtacha? —sasa. Ucjjarusti Jehú capitanajj sänwa: —¿Cuna sumancañaraqui jumampi utjaspasti Jezabel taycamajj jan walinacana sarnakascaqui yakha chachanacampi, uqhamarac walja laykasiñanacapampisa ucqhajja? —sasa.

Qullan Arunaka DC

²² Joram reyisti Jehú capitanar uñjasinxa, sänwa: —Jehú, ¿jumax sumankañ amtampit jutta? —sasa. Jehú chachax ukxaruw säna: —¿Kuna sumankañarak jumamp utjaspa, Jezabel taykaman idolonakar yupaychkipana, layqasiñanakapamp sarnaqaskakipansti? —sasa.

2 Reyes 9:22 Jak'a apnaqawi uñst'ayäwi

1 Reyes 18:19

Jichhasti jakenacaru qhitam, ucatsti take israelitanacaru tantachpan Carmelo sat kolluna, Baal diosan pusi pataca pheska tuncani profetanacaparu, uqhamarac Asera diosan pusi pataca profetanacaparusa, qhitinacarutejj Jezabelajj mank'ayqui ucanacaru.

1 Reyes 18:4

Cunapachatï Jezabel warmejj Tatitun profetanacaparu jiwayaña kalltäna ucqhajja, jupajj pataca profetanacaruw apthapïna, ucatjja payaruw jaljäna pheska tuncacama, pä puturuwa imantäna, ucatsti churänwa mank'aña jupanacataqui.

1 Reyes 21:25

(Acab reyjama jan walinaca Tatitun nayrakatapana lurirejja janiw qhitis utjcänti Jezabel warmipana amtayatap laycu.

2 Reyes 9:18

Caballjjat sarqui uca chachasti Jehú capitanaru jicjjatasinjja sänwa: —Reyiw qhitanitu jumanacajj jupampïpjjtati, jan ucajj jupamp nuwasirïpjjtacha uca jisct'iriwa jutta —sasa. Jehú capitanasti ucjjarojj sänwa: —Uca toketjja janiw cuna lurañamasa utjctamti. ¡Nayar jakcattasa arquita! —sasa. Ucatjja uñch'uquirejja yatiyänwa: —Yatiyiristi jupanacan ucaruw puri, ucampis cutt'anitapajja janiw uñjascjjeti —sasa.

2 Crónicas 21:13

jan ucasti Israel reyinacan sarnakäwiparuwa sarnaktajja, ucatsti jumaraquiw juchanïtajja Judá orakenquiri, Jerusalenanquiri jakenacana jan Tatitump sum sarnakapjjañapataquejja, cunjämtï Acab familiajj jacapcäna uqhama. Ucjjarusti jumajj jilanacamarojj jiwarayaractawa, jupanacasti jumat sipansa juc'amp asquinacäpjjänwa.

Eclesiastés 3:8

Munasiña horasa, uñisiñ horasa. Nuwasiña horasa, sumancañ horasa.

Nahúm 3:4

Take ucanacasti jan wali sarnaker warmin juchanacap laycuwa, uca walja chachanacampi sarnaker suma uñnakt'an warmi, laykasiñanac yatichañataquis walipuniwa, jan wali sarnakañapampi laykasiñanacapampisti jisc'a marcanacaru, jach'a marcanacaruw aynacht'ayänjja.

Apocalipsis 18:23

janiraquiw jumanjja ni cuna casta lampar khanas khancjjaniti, janiraquiw ist'ascjjaniti casarasirinacan fiestapan ojjotanacapasa. Jumampi alaquipa lurir jakenacajj nayrapachajj wali munañaninacäpjjänwa acapachanjja, take marcanacarusti laykasitanacamampiraquiw sallkjäyätajja. ”

Apocalipsis 18:3

Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.

1 Samuel 16:4

Samuelosti cuntejj Tatitojj siscatayna ucanacwa luraraquïna. Cunapachatejj Belenar purcän ucqhasti, marcatjja jilïri jakenacaw mistunipjjäna jupar catokañataqui, mä juc'a ajjsarapjjaraquïnwa, jisct'apjjaraquïnwa: —¿Sumancaña munasati juttajja? —sasa.