2 Reyes 9:17 - Qullan Arunaca

¹⁷ Jezreel marcana torrepan uñch'uquiripajja Jehú capitanan tamaparu jac'achasiniri uñjasinjja, jach'atwa art'äna: —¡Jakenacaw juti! —sasa. Ucatsti Joram reyejj sänwa: —Mä chacharu caballjjat qhitapjjam jisct'aniñapataqui, jiwasampiti jan ucajj jiwasamp nuwasiricha uc yatiniñapataqui —sasa.

Aymar Bibliia 1986

¹⁷ Jezreel marcana torrepan uñch'uquiripajja Jehú capitanan tamaparu jac'achasiniri uñjasinjja, jach'atwa art'äna: —¡Jakenacaw juti! —sasa. Ucatsti Joram reyejj sänwa: —Mä chacharu caballjjat qhitapjjam jisct'aniñapataqui, jiwasampiti jan ucajj jiwasamp nuwasiricha uc yatiniñapataqui —sasa.

Qullan Arunaka DC

¹⁷ Jezreel markan pukarapat uñch'ukir jaqisti, Jehú capitanan tamapar jak'achasinir uñjasinxa, jach'at art'äna: —¡Jaqinakaw juti! —sasa. Ukat Joram reyix säna: —Uka jaqinakar jikxatir caballot mä chachar khithapxam, jupanakax sumankañampiti jutapxi, janicha uk jiskt'aniñapataki —sasa.

2 Reyes 9:17 Jak'a apnaqawi uñst'ayäwi

2 Samuel 13:34

Absalonan jaltañapcamasti, cawquïri waynatejj uñch'uquirit uscutäcän ucasti, Horonaim thaquinjama, kollu thiyanjama walja jakenacaru sarakasinquirwa uñjäna. Ucatwa uñch'uquirejj jach'a reyiru yatiyiri sararaquïna walja jakenacaru Horonaim thaquinjama sarakasinquiri uñjasina.

2 Samuel 18:24

Uccañcamasti Davidajj marcar mantañäquis uca pä puncu taypin konuscäna, uñch'uquiripasti azotea patjjaruw misturaquitayna, perka puncu patjjana. Uñatatasinsti uñch'uquirejj mä jakeru jalasinquir uñjäna,

1 Reyes 2:15

Adoniasajj sänwa —Jumajj yattawa, reyïñajja nayaruw wact'itäna, uqhamaraquiw take Israel marcpachasa suyascaraquïna nayana reyïñajja. Ucampis reyïñajja jilajjaru churatäjjewa, uqhamjja Tatituwa wact'ayäna jupan reyïñapataqui.

2 Reyes 7:14

Uqhamasti pä carro caballonacampi waquicht'asinjja, reyejj sirionacan campamentoparuwa qhitäna, jupanacajj uñjanipjjañapataqui.

2 Reyes 9:11

Ucatsti cunapachatï Jehú capitanajj reyin oficialanacapan ucar saräna ucqhasti, jupanacajj jisct'apjjänwa: —¿Cunas pasi? ¿Cunataquis uca lokhe jakejj jumamp jiquisiri jutejja? —sasa. Ucjjarusti Jehú capitanajj sänwa: —Jumanacajj juparojj uñt'apjjtawa, uqhamarac cunjäm parlirïtapsa yatipjjaractawa —sasa.

2 Reyes 9:16

Ucatsti nuwasiñ carropar sarjjatawayasawa Jezreel marcaru saräna, cawquintejj Joram reyejj iquiñancascäna ucaru. Judá marcan Ocozías reyipas uqhamaraquiw uñjiri saräna Joram reyin ucaru.

2 Reyes 9:18

Caballjjat sarqui uca chachasti Jehú capitanaru jicjjatasinjja sänwa: —Reyiw qhitanitu jumanacajj jupampïpjjtati, jan ucajj jupamp nuwasirïpjjtacha uca jisct'iriwa jutta —sasa. Jehú capitanasti ucjjarojj sänwa: —Uca toketjja janiw cuna lurañamasa utjctamti. ¡Nayar jakcattasa arquita! —sasa. Ucatjja uñch'uquirejja yatiyänwa: —Yatiyiristi jupanacan ucaruw puri, ucampis cutt'anitapajja janiw uñjascjjeti —sasa.

2 Reyes 9:19

Ucjjarusti reyejj yakha chacharuwa caballota qhitaraqui, uca chachasti jupanacan ucar purisinsti siwa: —Reyiw qhitanitu jupampïpjjtati, jan ucajj jupamp nuwasirïpjjtacha uc jisct'iriwa jutta —sasa. Ucjjarusti Jehú capitanajj sänwa: —Uca toketjja janiw cuna lurañamas utjctamti. ¡Nayar jakcattasa arquita! —sasa.

Isaías 56:10

marcajjar uñjirinacasti juyqhur tucutäpjjewa, janiw cunanacatsa amuyasipquiti. Take jupanacasti amutu anunacjamäpjjewa, janiraquiw wajt'asiñsa yatipquiti; sapürus liwirtasaquiw iquirasipqui, jupanacajj iquiñacpinwa wal munasipqui;

Isaías 62:6

Jerusalén, perkanacamarusti uñjirinac uchta, jupanacasti uruy arumaw sapjjaraqui: “Tatitur arnakasirinacajj jan amuct'apjjamti,

1 Samuel 16:4

Samuelosti cuntejj Tatitojj siscatayna ucanacwa luraraquïna. Cunapachatejj Belenar purcän ucqhasti, marcatjja jilïri jakenacaw mistunipjjäna jupar catokañataqui, mä juc'a ajjsarapjjaraquïnwa, jisct'apjjaraquïnwa: —¿Sumancaña munasati juttajja? —sasa.

1 Samuel 17:22

Davidasti cunanactejj apcäna ucanacjja, armanaca, yakha yänacampi uñjiri jakeruw jaytt'awayi, uqhamarac uca filanac taypiruw jalantawayi, cunjämäsquis jilanacapajj ucanac yatiñataqui.