2 Reyes 8:7 - Qullan Arunaca

⁷ Eliseosti ucatjja Damasco marcaruwa saräna. Uca urunacansti Siria marcana Ben-adad sat reyipaw usutäscäna, ucatwa yatiyapjjäna profetan purinitapa.

Aymar Bibliia 1986

⁷ Eliseosti ucatjja Damasco marcaruwa saräna. Uca urunacansti Siria marcana Ben-adad sat reyipaw usutäscäna, ucatwa yatiyapjjäna profetan purinitapa.

Qullan Arunaka DC

⁷ Uka qhipatsti, Eliseox Damasco markaruw sarxäna. Uka urunakansti Siria markan Ben-adad sat reyipax usutaw jikxatasïna, juparusti profetan purinitap yatiyapxäna.

2 Reyes 8:7 Jak'a apnaqawi uñst'ayäwi

Génesis 14:15

Arumasti, Abramampi jakenacapampejj acatjamatwa reyinacarojj nuwantapjjäna, ucatsti Hoba sisqui ucacamaw arctapjjäna, Damasco marcat amstäjjanquiwa,

1 Reyes 11:24

Jupasti mä kawkha chachanacwa tantachäna, ucatsti jupajj mä tama lunthatanacan p'ekechiripänwa. Cunapachatï Davidajj jakenacar jiwaraycäna ucqhajja, Rezón chachajj Damasco marcaruwa sarjjäna, ucansti reyitwa utt'asjjäna.

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

1 Reyes 15:18

Ucatsti Asajj Tatitun templopana, uqhamarac reyin palaciopan imatäqui ucan take korinaca, kollkenacwa apjjarüna, ucatsti yanapirinacap tokewa apayäna Siria ucan Ben-adad reyipan ucaru, jupasti Tabrimón chachan yokapänwa, uqhamarac Hezión ucan allchhiparaqui, jupasti Damasco marcanwa jacäna. Uqhamaraquiw aca yatiyäwi apayäna:

1 Reyes 20:1

Siria marcanquir Ben-adad reyisti, take ejercitopwa tantacht'äna, uqhamarac quimsa tunca payan reyinacampi jupar jakcattata, caballeriapampi, uqhamarac nuwasiñataqui carronacapampi, ucatjja Samaria marcaru sarasinjja muyuntasinwa nuwantapjjäna.

1 Reyes 20:34

Ucatsti Ben-adadajj sänwa: —Nayajj cuttayjjämawa awquejjajj jumanquirita marcanaca apakcäna ucanacjja; ucatsti jumajj Damasco marcanjja negocio luraraquisma, cunjämatï awquejjajj Samariana lurcäna uqhama —sasa. Ucjjarusti Acab reyejj sänwa: —Nayasti arstwa juman sarjjañamataqui —sasa. Uqhamatwa Acab reyejj Ben-adadampejj suma parlt'äwiru mantäna, ucatsti qhitjjaraquïnwa.

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

2 Reyes 2:15

Ucatjja Jericó marcanquir profetanacajj jupa nayrakatanccäna ucanacasti jupar uñjasinjja sapjjänwa: “¡Eliasan ajayupawa jichhajj Eliseompejja!” sasa. Ucatjja jupar jicjjatiriw sarapjjäna, ucatsti jupataqui alt'asisinjja,

2 Reyes 5:20

Eliseo profetan Giezi sat uywatapasti aqham sasaw lup'isïna: “Uywirejjajja Sirianquiri Naamanarojja sarayjjaquiwa, cuntejj jupajj apancäna ucatjja jan cunsa catokasa. Nayajj juramentwa lurta jupar mäqui jicjjatir sarañajjataqui, ucatsti cunsa jupatjja catokapunïwa” sasa.

2 Reyes 6:12

Jupanacat maynïristi sänwa: —Janiw qhitisa, jach'a rey. Ucampis Israelancqui uca Eliseo profetawa Israel reyiru yatiyi, cuntï juma reyejj siscta ucanaca, uqhamarac iquiñama mankhena siscta ucanacsa.

2 Reyes 6:24

Uca khepatsti Siria marcana Ben-adad reyejja take ejercitopwa tantacht'äna, ucatsti Samaria marcaru sarasinwa nuwañataqui muyuntäna.

2 Reyes 8:6

Reyisti warmirojj jisct'änwa, ucatsti jupajj take jacäwipwa yatiyäna. Ucjjarojja reyejj wali suma uñt'ata oficialaparojj sänwa: “Jumajj cutt'ayanjjam aca warmiru take cunanacapatï jupancqui ucanaca, uqhamarac take cunanactejj orakenacapajj achcäna ucanaca, jupajj mistcäna ucqhata jichhacama” sasa.

Isaías 7:8

Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’

Jeremías 40:5

Cuttjjaña munsta ucapachasti Gedaliasan ucaru cuttjjam, qhititejj Ahicam sat jakena yokapäqui, Safán jakena allchhipäcaraqui ucaru. Babilonianquiri reyisti juparuw Judá orakenquir marcanaca apnakañapataqui utt'ayaraqui, jupampi jacam uqhamaraqui marcamampi. Cawquirus sarjjañ munta ucaru sarascaquim” sasa. Comandantesti janc'aquiw Jeremiasarojj mä wajjt'äwi churaraquïna, uqhamaraqui cunanacatejj munasqui jacañataquejj ucanacsa, ucatsti qhitanucjjänwa.

Hechos 17:6

Uca utan jan jicjjatasinsti, Jasonaruquiw catuntasin katatjjapjjäna, mä kawkha jilatanacampir cuna, marca jilïrinac nayrakataru. Ucatsti jach'at irsupjjäna. “¡Aca jakenacajj take chekanwa jakenacar pejjtupjje. Jichhasti acaruraquiw jutapjje.

Deuteronomio 33:1

Janïra jiwcasinjja, Diosan wawap Moisesajj aca bendicionanacwa Israel marcar churäna,

Jueces 16:2

Cunapachatejj Gaza marcanquirinacajj Sansón chachan ucancatapa yatisinjja, marcaru muyuntasina marca puncjja uru jornälpacharaquiwa uñch'uquipjjäna. Ucat arumarusti sarapjjaraquïnwa samart'iri. Jupanacasti amtapjjänwa arumarji alwa khantati jiwayaña.