2 Reyes 8:6 - Qullan Arunaca

⁶ Reyisti warmirojj jisct'änwa, ucatsti jupajj take jacäwipwa yatiyäna. Ucjjarojja reyejj wali suma uñt'ata oficialaparojj sänwa: “Jumajj cutt'ayanjjam aca warmiru take cunanacapatï jupancqui ucanaca, uqhamarac take cunanactejj orakenacapajj achcäna ucanaca, jupajj mistcäna ucqhata jichhacama” sasa.

Aymar Bibliia 1986

⁶ Reyisti warmirojj jisct'änwa, ucatsti jupajj take jacäwipwa yatiyäna. Ucjjarojja reyejj wali suma uñt'ata oficialaparojj sänwa: “Jumajj cutt'ayanjjam aca warmiru take cunanacapatï jupancqui ucanaca, uqhamarac take cunanactejj orakenacapajj achcäna ucanaca, jupajj mistcäna ucqhata jichhacama” sasa.

Qullan Arunaka DC

⁶ Reyisti warmiruw jiskt'äna, warmisti sarnaqäwipat reyir yatiyarakïna. Ukxarusti, reyix mayni yanapiripar jawsasin säna: “Aka warmir kunanakatix jupankkän ukanak taqpach kutt'ayxapxam, jupan sarxatat jichhürkam kunanaktix uraqinakapan achkatayna uka achunaksa kutt'ayxapxarakim” sasa.

2 Reyes 8:6 Jak'a apnaqawi uñst'ayäwi

Génesis 37:36

Egiptor purisinsti, madianita jakenacajj Josearojj Potifar sat oficialaruw alj-jjapjjäna, jupasti Egiptonquir faraón reyin guardiapan capitanapänwa.

2 Samuel 9:7

Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

2 Reyes 8:5

Giezi chachajj reyirojj parlascänwa cunjämtï Eliseojj mä warmin wawapar jactaycäna, uca pachpa horasanwa uca warmejj reyin ucar purinïna, uta, orakenacapa cutsuyasjjañataqui. Ucatsti Giezi chachajj reyirojj sänwa: “Rey, acapï uca warmejja, uqhamarac acaraquiw uca wawapajja qhitirutejj Eliseojj jactaycäna ucajja” sasa.

2 Reyes 8:7

Eliseosti ucatjja Damasco marcaruwa saräna. Uca urunacansti Siria marcana Ben-adad sat reyipaw usutäscäna, ucatwa yatiyapjjäna profetan purinitapa.

2 Reyes 9:32

Jehú capitanajj ventanar uñtasinjja sänwa: —¿Qhitis nayampejja? —sasa. Ucatjja palacionquiri paya, jan ucajj quimsa oficialanacawa jupataqui alt'asinipjjäna.

1 Crónicas 28:1

Davidajj Jerusalén marcanjja Israelanquiri jilïri chachanacaruwa tantacht'äna, tribunacan jilïrinacaparu, reyin sirvirinacapäpqui uca take soldadonacan jilïrinacaparu, batallonanacan comandantenacaparu, compañíanacan jilïrinacaparu, take orakenacapa, uywanacapa, reyin wawanacapa uñjirinacarusa wali aytata chachanacaru, ejerciton take aytata oficialanacaparusa.

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Deuteronomio 22:2

Ucampisa uywanitejj juman jan marca masimäqui ni jumas uñt'caractati, ucapachajj uca uywjja utamaruw irpjjäta, ucatsti marca masiman tumpasiñapcamaw ucancani, ucapachasti jumajj catuyjjaraquïtawa.

Jueces 11:13

Amonitanacan reyipajj Jeften yatiyirinacaparojj saraquïnwa: “Jumanaca israelitanacasti Egiptota mistunisajj nanacan orakenacajj aparapjjistajja Arnón sat jawirat kalltasina, Jaboc, Jordán sat jawiranaccama. Jichhasti sumataquiy uca orakenac cutt'ayjjapjjeta” sasa.