2 Reyes 8:4 - Qullan Arunaca

⁴ Reyisti profeta Eliseon Giezi uywatapampiw parlascäna, reyisti juparojj mayïnwa take muspharcañanactï Eliseojj lurcäna ucanac yatiyañapataqui.

Aymar Bibliia 1986

⁴ Reyisti profeta Eliseon Giezi uywatapampiw parlascäna, reyisti juparojj mayïnwa take muspharcañanactï Eliseojj lurcäna ucanac yatiyañapataqui.

Qullan Arunaka DC

⁴ Reyisti Eliseo profetan Guehazí uywatapampiw parlaskäna, juparusti Eliseon taqi muspharkañ luräwinakapat yatiyañapatakiw mayitayna.

2 Reyes 8:4 Jak'a apnaqawi uñst'ayäwi

2 Reyes 2:14

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

2 Reyes 2:24

Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.

2 Reyes 4:12

Giezi sat uywataparusti sänwa: —Jawsanim sunamita utani warmiru —sasa. Cunapachatï uywatajj jawsanïna ucqhasti uca warmejj jupan nayrakataparuw jutäna.

2 Reyes 4:25

Uqhamaw uca warmejj sarawayäna, ucatjja Carmelo sat kolluruwa purïna, cawquinccäntejj profetajj ucaru. Cunapachatï Eliseojj jayat jutir uñjäna ucqhasti, Giezi sat uywataparojj sänwa: —Uñjam, sunamita warmiraquisä.

2 Reyes 5:14

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

2 Reyes 6:32

Eliseosti utapanjja chuyman awquinacampiw konuscäna. Uccañcamasti reyejj jakenacapata mayni jakeparuw qhitanïna. Ucampis janirara reyin qhitapajj purincäna ucqhasti, Eliseojj uca awquinacarojj sänwa: —Uñjapjjam, cunjämsa uca jake jiwayirejj mayniru qhitani p'ekejja apakañapataqui. Ucampis ist'apjjeta: cunapachatï qhitapajj purincani ucqhasti puncu jist'antapjjam jan mantayanipjjamti, jupan khepapatsti reyin jutatapaw ist'asiraqui —sasa.

2 Reyes 6:6

Profetasti jisct'änwa: —¿Cawqharusa jalanti? —sasa. Maynisti uñacht'ayänwa cawqharutejj jalantcäna ucqha. Ucatsti Eliseojj mä lawa c'utsusinwa ucqhar jakontäna, ucatjja hacharuwa umapataru tuysuyanïna.

2 Reyes 7:1

Eliseosti ucjjarojj sänwa: —Ist'am Tatitun arupa. Tatitusti aqham siwa: ‘Kharürusti aca pachpa horasanwa Samaria marca mantañana pakallk kilo jac'uw alasiñajj utjani mä sapa kollketaquiqui, uqhamarac tunca pheskan kilo cebadasti mä sapa kollketaquiquiraquiw alasiñajj utjaraquini’ sasa.

2 Reyes 7:10

Ucatsti sarasinjja, marcan uñjirinacaparuwa jawsapjjäna, ucatsti sapjjänwa: “Sirionacan campamentoparuwa sarapjjta, ucatsti janipuniw qhitirus jicjjatapcti, ni qhitirus parlasiri ist'apcaracti. Ucansti caballonaca, asnonaca chint'ataquiwa ucancasipcatayna, uqhamarac carpanacajja cunjämtejj ucht'asipcäna uqhampacharaquiw ucancascatayna” sasa.

2 Reyes 7:3

Uccañcamasti leprampi usuntata pusi chachanacawa jupanaccama parlasipjjäna marcaru mantañ puncuna, aqham sasa: —¿Cunsa lurasctan aca chekana kont'ata jiwaña suyasinjja?

2 Reyes 8:3

Uca pakallk mara pasatatsti uca warmejj filisteonacan orakepatjja cutt'anjjänwa, ucatsti reyin ucaruw saräna utapa orakenacapa cutt'ayasjjañataqui.

Mateo 2:8

Ucatwa jupanacarojj Belenar qhitäna, saraquïnwa: —Sarapjjam, jisct'apjjaraquim cawqhantï uca wawajj nasqui uca. Jicjjatasinsti nayar yatiyapjjaraquita, ucat nayan yupaychir sarañajjataqui —sasa.

Lucas 23:8

Jesusar uñjasajj Herodesajj wal cusisïna, jupasti walpun jupar uñjañ munäna. Jupasti yakhanacatwa jupjjat parlirjja ist'atayna, ucat jupajj suyascänwa mä milagro lurir uñjañataqui.

Lucas 9:9

Herodesasti saraquïnwa: —Naya quicpaw Juanan p'ekep apakerejj qhitta. Uqhamasti ¿qhitëjjaracpach acasti, cunaymanracs jakejj jupjjatjja parlapjjejjä? —sasa. Herodesasti Jesusarojj wal uñjañ munäna.

Juan 9:27

Jupasti ucjjarojj saraquïnwa: —Niya sapjjsmawa, jumanacajj janiw ist'apquistati. ¿Cunatsa wasitamp parlayañ munapjjesta? ¿Jumanacajj arcañjj munapjjaractacha? —sasa.

Hechos 24:24

Mä kawkha uru pasatatsti Félix marca apnakerejj wasitatwa juti Drusila warmipampi cuna. Uca warmisti judía warmiraquïnwa. Ucatsti Pabloruw jawsayani Jesucristor iyawsañjjata parlt'añapataqui.