2 Reyes 8:13 - Qullan Arunaca

¹³ Ucjjarusti Hazael chachajj sänwa: —¡Nayasti janiw cunäctsa, jan ucasti mä anjamaquïtwa! ¿Cunjämaraqui ucsti luririststi? —sasa. Ucjjarusti Eliseojj saraquïnwa: —Tatituw nayar yatiyitu jumana Siria marcana reyïñama —sasa.

Aymar Bibliia 1986

¹³ Ucjjarusti Hazael chachajj sänwa: —¡Nayasti janiw cunäctsa, jan ucasti mä anjamaquïtwa! ¿Cunjämaraqui ucsti luririststi? —sasa. Ucjjarusti Eliseojj saraquïnwa: —Tatituw nayar yatiyitu jumana Siria marcana reyïñama —sasa.

Qullan Arunaka DC

¹³ Hazael chachasti sänwa: —¿Kamisarak ukanak luririststi? ¡Nayax mä jan yäqat anur uñtatakïtwa! —sasa. Eliseosti sarakïnwa: —Tatituw nayar yatiyitu, jumax Siria markan reyipäyätawa —sasa.

2 Reyes 8:13 Jak'a apnaqawi uñst'ayäwi

2 Samuel 9:8

Mefi-bosetasti uca arunac ist'asinjja orakeruw p'ekep alt'asïna ucat saraquïnwa: —¿Cunatarac juma, juma jach'a reyisti, naya sirvirimat amtasista? Nayajj mä jiwat anumpi sastwa —sasa.

1 Reyes 19:15

Ucatsti Tatitojj sänwa: “Sarjjam, cutt'jjam cawquinjamtejj Damasco wasararu jutctajja ucanjama. Sarjjam, ucatsti Hazael chacharu utt'ayanim Siria marcan reyipata.

2 Reyes 13:22

Siria marcanquir Hazael reyejj Israel marcaruw t'akhesiyäna, Joacaz reyejj jacascäna ucqhajja.

2 Reyes 8:10

Eliseosti ucjjarojj sänwa: —Saram, ucatsti sanim: ‘Usupatjja waliptaniwa’ sasa, ucampis Tatitojj yatiyituwa: ‘Cunjämatsa jiwapuniniwa’ —sasa.

Salmos 22:16

Jan wali jakenacajj anunacjamaw muyuntitu, ñankha lurir tama jakew uyuchrantitu: amparanacajjamp cayunacajjamp chhojjriñchapjjetu,

Salmos 22:20

Espadamp jiwañat khespiyita, anunacan amparapat jacañajjar khespiyam;

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Miqueas 2:1

“¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!

Mateo 7:6

“Janiraqui kollanäquis uca yänacjja anunacarojj churapjjamti, ucatarac uca anunacasti jumanacar cutcatapjjeristam jisc'a jisc'a tucjañataqui. Janiraqui perlanacamsa qhuchinacarojj warjjaruyapjjamti, taquisipjjañapataqui.

Filipenses 3:2

Amuyasipjjam qhitinacatejj anunacjam sarnakapqui ucanacata, jan walinac lurapquis ucanacatsa; amuyasipjjam circuncisionan janchi qharekapqui ucanacata.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.

1 Samuel 17:43

jan ucasti sänwa: —¿Nayasti anütti juman lawa ayt'ata nayampi nuwasiri jutañamataquejja? —sasa. Ucat Davidarojj uca filisteo chachajj diosapan sutiparuw maldicïna.