2 Reyes 8:10 - Qullan Arunaca

¹⁰ Eliseosti ucjjarojj sänwa: —Saram, ucatsti sanim: ‘Usupatjja waliptaniwa’ sasa, ucampis Tatitojj yatiyituwa: ‘Cunjämatsa jiwapuniniwa’ —sasa.

Aymar Bibliia 1986

¹⁰ Eliseosti ucjjarojj sänwa: —Saram, ucatsti sanim: “Usupatjja waliptaniwa” sasa, ucampis Tatitojj yatiyituwa: “Cunjämatsa jiwapuniniwa” —sasa.

Qullan Arunaka DC

¹⁰ Eliseosti ukxarux sänwa: —Saram, ukatsti sanim: “Usupat waliptaniwa” sasa, ukampis Tatitux yatiyituwa: “Kunjämatsa jiwapuniniwa” —sasa.

2 Reyes 8:10 Jak'a apnaqawi uñst'ayäwi

Génesis 2:17

ucampisa asqui uqhamarac ñankha yatiñ churir kokatjja janiw mank'ätati. Uca kokan achunacapjja jan mank'amti, mank'äta ucapachasti chekpachan jiwäta” sasa.

Génesis 41:39

Josearusti saraquïnwa: —Janiw jumjam ch'iqhi, yatiñani jakejj utjquiti, Diosaraquiw jumarojj take acanac yatiytam.

1 Reyes 22:15

Ucatsti jupajj reyin nayrakataparuw saräna, reyejj juparojj jisct'änwa: —Micaías, ¿nuwantir sarapjjeristti Galaadanquir Ramot marcarojja, janicha? —sasa. Ucjjarusti Micaiasajj sänwa: —Nuwasir sarascaquim, ucatsti atipjätawa, Tatitusti jumaruw catuyätamjja —sasa.

2 Reyes 1:16

ucatsti aqham sänwa: —Aqham siwa Tatitojja: ‘Juman qhitanaca qhitasitamata Ecronanquir Baal-zebub sat diosaru jisct'asiri, janis Israel marcanjja Diosajj jisct'asiñataqui utjcaspa uqhama, ucatwa iquiñamatjja jan sartcjjätati, jan ucasti jiwjjätawa’ —sasa.

2 Reyes 1:4

Ucatsti sapjjaraquim: Naya Tatituwa Ocoziasarojj aqham sista: ‘Janiw iquiñamat sartcjjätati, jan ucasti jiwjjätawa’ ” sasa. Eliasasti sarasinjja uqhamwa luräna.

Jeremías 38:21

Tatitusti nayarojj yatiyaraquituwa cunatejj jumarojj pascätam ucanacata, juma jach'a reyejj janitejj jayscäta ucapachajja.

Ezequiel 11:25

Nayasti take ucanacjja cawquïrinacatejj uqham jaya marcaru apanucuyatäpcän ucanacaruw yatiyaraquïyäta, cuntejj Tatitojj uñacht'ayquitänjja take ucanaca.

Ezequiel 18:13

Kollkepsa walja ganancianac jicjjatañataqui mayt'ani, uqhamaraqui walja interesanac mayiraquini; uca jakesti jiwaniwa, janiw jaccaniti. Take ucanaca, cuntejj nayajj ajjtascta ucanaca luratapatsti jiwaniwa, jiwatapatsti jupa pachparaquiw juchanïscani.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Amós 7:1

Acwa Dios Tatitojj uñacht'ayitu: Uñjtwa juparu t'ijut'ijunac lurasquiri cunapachatï khepa sata yapojj alinokascäna ucqha, ucasti lurasiwa reyin cosechapa apthapitat kheparu.

Amós 7:4

Acwa Dios Tatitojj uñacht'ayitu: Uñjtwa mutuyäwita apayaniri mä nina sanc'a, ucasti k'al pharsuyaraquïna jach'a kotjja mankhatpacha, uqhamaraqui yapunacsa tucjaraquïnwa.

Amós 7:7

Acwa Tatitojj uñacht'ayaraquitu: Jupasti mä uyu perka jac'ancascänwa, mä albañil plomada apt'ata.

Amós 8:1

Tatitojj aqhamwa uñacht'ayitu. Utjänwa mä canastan pokorat achunaca.

Zacarías 1:20

Ucjjarusti Tatitojj uñjayaraquituwa pusi herreronacaru.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.