2 Reyes 7:17 - Qullan Arunaca

¹⁷ Reyisti wali suma uñt'ata yanapiriparojja sänwa: —Jumajj marcar mantañ puncwa uñjäta —sasa. Ucampis jakenacajj juparojj puncu tincuyasin taquisiwayapjjäna, uqhamaw jiwjjäna cunjämtï profetajj siscäna uqhamaru, reyejj jupar uñjiri sarcäna ucqhajja.

Aymar Bibliia 1986

¹⁷ Reyisti wali suma uñt'ata yanapiriparojja sänwa: —Jumajj marcar mantañ puncwa uñjäta —sasa. Ucampis jakenacajj juparojj puncu tincuyasin taquisiwayapjjäna, uqhamaw jiwjjäna cunjämtï profetajj siscäna uqhamaru, reyejj jupar uñjiri sarcäna ucqhajja.

Qullan Arunaka DC

¹⁷ Reyix jupan yanapiriparuw marka mantañ punku uñjañapatak satayna, ukampis jaqinakax mantañ punkun juparux takisiwayapxäna ukat uka jaqix jiwxäna, kunjämtix Eliseo profetax siskatayna, kunapachatix reyix jupar uñjir sarkatayna ukapacha.

2 Reyes 7:17 Jak'a apnaqawi uñst'ayäwi

2 Reyes 5:18

Ucampis maywa Tatitur achict'asta nayar perdonañapataqui, ucasti acawa: Cunapachatï reyejjajja Rimón sat diosan temploparu yupaychiri sarcani, ucatsti amparajjaru catt'asina, uqhamarac uca templona quillt'asiñajjäni ucqhajja, aca luratajjatjja Tatitojj perdonitpan —sasa.

2 Reyes 6:32

Eliseosti utapanjja chuyman awquinacampiw konuscäna. Uccañcamasti reyejj jakenacapata mayni jakeparuw qhitanïna. Ucampis janirara reyin qhitapajj purincäna ucqhasti, Eliseojj uca awquinacarojj sänwa: —Uñjapjjam, cunjämsa uca jake jiwayirejj mayniru qhitani p'ekejja apakañapataqui. Ucampis ist'apjjeta: cunapachatï qhitapajj purincani ucqhasti puncu jist'antapjjam jan mantayanipjjamti, jupan khepapatsti reyin jutatapaw ist'asiraqui —sasa.

2 Reyes 7:2

Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.

2 Reyes 9:33

Ucatsti Jehú capitanajj sänwa: —¡Aca aynacharu jakokanipjjam! —sasa. Jupanacasti uca warmirojja aynacharuwa jakokanipjjäna, wilapasti perkaruwa ch'itekcatäna, uqhamarac caballonacarusa, uca caballonacasti Jezabel warmirojj takjjatapjjaraquïnwa.

Isaías 25:10

Tatituw Sión kollurojj amparapampi imascani, ucampisa Moab marcarusti taquisiraquiniwa, cunjämtejj t'unanacajj taquisitajj uqhama.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

Jueces 20:43

Benjaminitanacajj israelitanacampi muyuntataw uñjasipjjäna. Ucatsti israelitanacajj arctasinjja take tucjapjjäna Menúha satata Gabaa sat marcat inti jalsu tokecama.