2 Reyes 6:8 - Qullan Arunaca

⁸ Siria marcanquir reyisti Israel marcampiwa guerrancäna, ucatsti oficialanacapampi mä suma parlt'asïwipansti, amtänwa cawqha chekarus campamentopajj utjnoktcani uca.

Aymar Bibliia 1986

⁸ Siria marcanquir reyisti Israel marcampiwa guerrancäna, ucatsti oficialanacapampi mä suma parlt'asïwipansti, amtänwa cawqha chekarus campamentopajj utjnoktcani uca.

Qullan Arunaka DC

⁸ Mä kutix, Siria marka apnaqir reyix, Israel markampi ch'axwankasin, jupax yanapirinakapar tantachäna, ukatsti kawkha chiqanakantix utjnuqtapkani uka amuyt'äwip jupanakar säna.

2 Reyes 6:8 Jak'a apnaqawi uñst'ayäwi

1 Reyes 20:1

Siria marcanquir Ben-adad reyisti, take ejercitopwa tantacht'äna, uqhamarac quimsa tunca payan reyinacampi jupar jakcattata, caballeriapampi, uqhamarac nuwasiñataqui carronacapampi, ucatjja Samaria marcaru sarasinjja muyuntasinwa nuwantapjjäna.

1 Reyes 20:23

Siria marcanquir reyirusti oficialanacapajj sapjjänwa: —Israelitanacan diosanacapasti kollunacanquir diosanacawa, ucatwa jiwasarojj atipjapjjestojja. Ucampis jiwasatejj pampana jupanacampejj nuwasiñäni ucajja, chekpachanwa atipjañäni.

1 Reyes 20:34

Ucatsti Ben-adadajj sänwa: —Nayajj cuttayjjämawa awquejjajj jumanquirita marcanaca apakcäna ucanacjja; ucatsti jumajj Damasco marcanjja negocio luraraquisma, cunjämatï awquejjajj Samariana lurcäna uqhama —sasa. Ucjjarusti Acab reyejj sänwa: —Nayasti arstwa juman sarjjañamataqui —sasa. Uqhamatwa Acab reyejj Ben-adadampejj suma parlt'äwiru mantäna, ucatsti qhitjjaraquïnwa.

1 Reyes 22:1

Quimsa marawa pasjjäna ucansti janiw guerrajj sirionacampi, israelitanacampi utjcjjänti.

1 Reyes 22:31

Ucampis Sirianquir reyejja nuwasiñatac carronacjjaru quimsa tunca payan capitananacaparojj sataynawa: “Janiwa qhitirus nuwjapjjätati, jan ucasti Israelan reyiparuquiwa nuwapjjäta” sasa.

2 Reyes 6:24

Uca khepatsti Siria marcana Ben-adad reyejja take ejercitopwa tantacht'äna, ucatsti Samaria marcaru sarasinwa nuwañataqui muyuntäna.

2 Reyes 6:7

—Eliseosti apsupjjam —sänwa. Maynisti amparampi loktasinwa hacha apsjjäna.

2 Reyes 6:9

Ucatsti Eliseojj qhitänwa Israelan reyipar saniñapataqui: “Jan uca chekanjama sarapjjañapataqui, sirionacajj uca chekaru sarapjjatap laycu” sasa.

Proverbios 20:18

Suma amtäwinacajja suma ewjja arunacampiwa wact'ayasi; uqhamarac guerran nuwasiñataquisa wali yatiñampi sarañawa.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Isaías 8:10

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”