2 Reyes 6:5 - Qullan Arunaca

⁵ Ucampis cunapachatï maynejj mä koka c'uthascäna ucqhajja, hachapwa umar jalantayi, ucatjja jach'atwa art'äna: —¡Ay, yatichiri! ¡Uca hachajj mayt'ataquiwa! —sasa.

Aymar Bibliia 1986

⁵ Ucampis cunapachatï maynejj mä koka c'uthascäna ucqhajja, hachapwa umar jalantayi, ucatjja jach'atwa art'äna: —¡Ay, yatichiri! ¡Uca hachajj mayt'ataquiwa! —sasa.

Qullan Arunaka DC

⁵ Ukampis profetanakat maynïrix mä quqa k'uthaskasaw akatjamat hachap umar jalantayasïna, ukat jach'at art'äna: —¡Ay, yatichiri! ¡Uka hachax janiw nayankkiti, mayt'atakiwa! —sasa.

2 Reyes 6:5 Jak'a apnaqawi uñst'ayäwi

2 Reyes 3:10

Ucatsti Israelan reyipajj sänwa: —¡Ay!, amuyatatjja Tatitjamaquiwa jiwas quimsa reyirojj apanistu moabit jakenacan amparapar catuyañataqui —sasa.

2 Reyes 4:7

Ucjjarusti warmejj profetan ucar sarasinwa yatiyanïna, ucatsti profetajj juparojj sänwa: —Jichhasti saram uca aceite aljiri, ucatjja manuma phokjjam, ucat jilt'äqui ucampisti jumana, wawanacamana jacapjjañamataquïniwa —sasa.

2 Reyes 6:15

Eliseon uywatapajj alwata sartasinjja ankaruw mistüna, ucatsti uñjänwa ejercitompi marcar muyuntata, caballeriampi, nuwasiñ carronacampi; ucat jupajj Eliseoru yatiyiriw saräna, aqham sasa: —¡Jichhasti yatichiri! ¿Cuns camachañäni? —sasa.

2 Reyes 6:4

Ucatjja Eliseojj jupanacamp chicaw Jordán jawircama saräna, ucansti kokanacwa c'utsuñar uchasipjjäna.

2 Reyes 6:6

Profetasti jisct'änwa: —¿Cawqharusa jalanti? —sasa. Maynisti uñacht'ayänwa cawqharutejj jalantcäna ucqha. Ucatsti Eliseojj mä lawa c'utsusinwa ucqhar jakontäna, ucatjja hacharuwa umapataru tuysuyanïna.

Salmos 37:21

Ñankha lurir jakejj mayt'asiñac yati, janiw cutiyañ yatquiti, asqui jakesti qhuyapt'ayasiriwa, suma chuymaniraquiwa.

Eclesiastés 10:10

Hachatejj muthuchatäjjchi, janiraqui arïcchi ucajja, ch'amamp phat'añaw waquisi. Asquiwa take cunas suma yatiñ cancañampi lurañajja.

Isaías 10:34

Mä hachampiraquiw walja ch'uminacjja tincjayi, Libanonquir suma kokanacasti k'alaraquiw liwirtjje.

Apocalipsis 18:10

Jayaruraquiw jithektjjapjjani, uca mutuñapar ajjsarasa, ucatsti sapjjaraquiniwa: “¡Ay! ¡Babilonia jach'a marca, cunaruraqui purtasti! ¡Janc'aquiraquis mutuyäwimajj purinejjä!” sasa.

Apocalipsis 18:16

Sapjjaraquiniwa: “¡Ay! ¡Jan cunani jach'a marca, cunaruraqui purt'astajja! Mä suma warmiru uñtatapunïnwa, suma lino isinacampi isthapita, suma wila color isinacani, korimpi, suma kalanacampi, perlanacampi c'achacht'ata.

Apocalipsis 18:19

Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!