2 Reyes 6:10 - Qullan Arunaca

¹⁰ Uqhamatwa Israelan reyipajj ejercitopa qhitäna, cawqharutejj profetajj siscäna qhitañapataqui ucqharu amuyasiñapataqui, uqhamawa walja cutina khespiyasïna.

Aymar Bibliia 1986

¹⁰ Uqhamatwa Israelan reyipajj ejercitopa qhitäna, cawqharutejj profetajj siscäna qhitañapataqui ucqharu amuyasiñapataqui, uqhamawa walja cutina khespiyasïna.

Qullan Arunaka DC

¹⁰ Ukhamat Israelan reyipax ejercitopar khithäna, kawkharutix profetax amuyasiñapatak siskatayna ukkharu, ukhamat reyix walja kuti qhispiyasïna.

2 Reyes 6:10 Jak'a apnaqawi uñst'ayäwi

1 Reyes 20:15

Ucatsti Acab reyejj uñaränwa provincianacana gobernadoranacaru yanapapqui uca waynanacaru, jupanacasti pä pataca quimsa tunca payanïpjjänwa, uqhamaraquiw uñarpayaraquïna israelitana take ejercitoparu, ucasti pakallk waranka jakenacanïnwa.

2 Reyes 13:14

Eliseojj wali usuntata jiwañampïnwa, ucatsti jupan ucarojj Israelan reyipaw uñjir jutäna, jacht'asisaw khomantäna, aqham sasa: —¡Awquejja, awquejja, jumasti Israel marcataquejja wali ch'aman ejercitjamäyätawa! —sasa.

2 Reyes 2:12

Uqham uñjasinsti Eliseojj art'änwa: “¡Awquejja, awquejja, jumajj Israel marcataquejj mä wali ch'aman ejercitjamäyätawa! ” sasa. Uca pasatatsti Eliasarojj janiw mayampis uñjcjjänti. Ucatsti Eliseojj isipa catusinjja payaruw ch'iyjäna.

2 Reyes 5:14

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

2 Reyes 6:11

Uca laycusti Siria marcan reyipajj, janiw cunjämätapsa amuycjjänti, ucatsti oficialanacaparu jawsasinjja sänwa: —¡Sapjjeta, qhitisa jiwasanac taypita Israel reyiru jakcattatajja! —sasa.

2 Reyes 6:9

Ucatsti Eliseojj qhitänwa Israelan reyipar saniñapataqui: “Jan uca chekanjama sarapjjañapataqui, sirionacajj uca chekaru sarapjjatap laycu” sasa.

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

Proverbios 27:12

Ch'iqhi jakejj jan walt'aña uñjasinjja jaltjjewa; jan amuyt'asiri jakesti mantascaquiwa, ucatsti t'akhesiwa.

Jeremías 11:18

Tatitusti yatiyaraquituwa cuna jan walinactejj uñisirinacajjajj amtapcäna ucanacjjata. Jupaw nayranacajjsa uñatatayaraquitu nayan amuyasiñajjataqui.

Mateo 2:12

Magonacasti mä samca tokwa yatipjjäna jan Herodesan ucaru cutt'añataqui, ucatwa yakha thaquinjam marcaparu cutt'awayjjapjjäna.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Hechos 27:24

Uca angelasti saraquituwa: ‘Jan ajjsaramti. Jumajj Romanquir emperadoran nayrakatapar uñstañamawa. Jumïpanracwa Diosajj jiwañat khespiyani take jumamp chic aca barcon saririnacarojja’ sasa.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.