2 Reyes 5:10 - Qullan Arunaca

¹⁰ Ucampis Eliseojj mä yatiyirwa qhitäna, aqham sañapataqui “Saram Jordán jawiraru, pakallk cuti jarisim, ucatsti janchimajj k'omachatäjjaniwa” sasa.

Aymar Bibliia 1986

¹⁰ Ucampis Eliseojj mä yatiyirwa qhitäna, aqham sañapataqui “Saram Jordán jawiraru, pakallk cuti jarisim, ucatsti janchimajj k'omachatäjjaniwa” sasa.

Qullan Arunaka DC

¹⁰ Ukampis Eliseox mä jaqiruw jupar sañapatak khithäna: “Jordán jawirar saram, ukatsti paqallq kuti jariqasim, janchimasti q'umachatäxaniwa” sasa.

2 Reyes 5:10 Jak'a apnaqawi uñst'ayäwi

2 Reyes 2:21

Eliseojj uca uma jalsuru sarasinjja jayjja wart'änwa aqham sasa: —Aqham siw Tatitojja: ‘Nayaw aca uma k'omachta, aca umajj janipuniwa jiwaycjjaniti, ni orakerus jan achursa jaytcaraquiniti’ —sasa.

2 Reyes 3:16

ucatsti Eliseojj sänwa: “Tatitojj aqham siwa: ‘Aca vallenjja walja uma sayañanaca lurapjjam,

2 Reyes 4:35

Ucatjja Eliseojj sarakjjasinjja, maysat mayswa uca utan sarnakäna, ucjjarusti wastataw iquiñ pataru maqhatasina wawan janchipa khomthapïna. Ucatsti acatjamatwa wawajj jach'irasïna pakallk cuti, ucatjja nayranacapajja uñatatjjänwa.

2 Reyes 4:41

Eliseosti sänwa: “Apanirapipjjeta mä juc'a jac'u” sasa. Phuqhu mankheru jac'umpi willintasinjja sänwa: “¡Jichhajj jakenacaru mank'añataqui churapjjam!” sasa. Ucatsti jakenacajj mank'apjjänwa, ucatjja janiw cuna jan walsa phuqhunjja jicjjatcjjapjjänti.

2 Reyes 5:11

Naamanasti colerasïnwa, ucatsti sarawayjjänwa, aqham sasa: “Nayajj sayätwa: ‘Mistunchiniy nayar catokeri, ucatsti sayt'asisin Tatit Diosaparuy art'chini, ucatjja amparapampi usutäqui ucqhar lokjjatasina lepra usut kollchitani’ sasa.

2 Reyes 5:14

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

2 Reyes 5:9

Naamanasti saränwa carropampi, uqhamarac caballonacapampi, ucatsti Eliseon utap puncuparuwa sayt'asïna.

Éxodo 4:18

Moisesasti, Jetro sat awcch'ipan utapar cutt'asinjja sanwa: —Nayajja Egipto marcar cutt'añajjawa cawqhancapquitejj marca masi jilanacajjajj ucaru. Nayajja uñjaniñwa jupanacarojj munta jacasipcpachati janicha uca —sasa. Ucatsti Jetro awcch'ipajj saraquïnwa: —Uqhamajj saramaya, waliqui —sasa.

Levítico 13:58

Uca isisti uqhamarac uca lip'ichit lurata yänacasa uca manchajj chhaktjjani t'ajjsokatäjjatapatjja, ucasti wasitatwa t'ajjsokasjjaraquini ucatsti k'omachatäjjaraquiniwa.”

Levítico 14:16

uca cupi amparapampiw luc'anapa uca aceitempi jawt'araquini, ucat uca pachpa luc'anampiw pakallko cuti ch'allt'araquini, Tatitun nayrakatapana.

Levítico 14:51

Ucat aptaraquini cedro, hisopo alimpi, uqhamarac wila telampi, cawquïri jamach'itejj jacasqui ucampi, ucat take ucanacsti jiwat jamach'in wilapampi uqhamaraqui uca jalsur wila umaruw chilltaraquini ucatjja utaru pakallko cuti ch'allsuraquini.

Levítico 14:7

Ucatsti cawquïri jaketejj uca lepra usut k'omachatäcani ucarusti pakallko cutiw uca wila umampi ch'allt'araquini, ucat k'omat khanañchjjaraquini. Jacasquiri jamach'irusti antutnucjjaraquiniwa.

Levítico 16:14

Uqhamaraquiwa uca vacan wilapatjja mä juc'a aptaraquini, ucat luc'anapampiwa ch'allt'araquini uca tapat ch'ekäjjaru. Ucjjarusti pakallko cutiraquiw uca tapa nayräjjaru ch'allt'araquini,

Levítico 16:19

ucat luc'anapampejj pakallko cutiw altarar ch'allt'araquini. Uqhamwa israelitanacan k'añunacapatjja k'omachani, ucatsti Tatituruw catuyjjaraquini.

Números 19:19

K'omachat jakewa ch'allaquipani k'añuchat jakerojja, quimsïri uruna jan ucajj pakallköri urunsa. Pakallko ururusti juchanacapatjja k'omachatäjjapjjaniwa. Ucatsti k'añu jakejj isipa t'ajjsusiñapa, jarekasiñaparaquiwa, ucampisa k'añüsquiwa, janïraw jayp'ucamajj k'omachatäquiti.

Números 19:4

Eleazar sacerdotesti luc'anapar mä juc'a wilaru aytasinjja, pakallko cutiw Jiquisiñ Carpa tokeru ch'allt'ani.

Juan 5:4

Mä angelaw yakhep horasanacajj sarakanirïna uca estancjjaru uca um onjjtayañataqui. Qhititejj nayrakat uca onjjtat umaru mantirïcän ucajja kollataw uñjasirïna cuna casta usutsa.]

Juan 9:7

Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.

1 Corintios 6:11

Jumanacatjja yakhepanacajj uqhamäpjjaraquïyätawa, ucampis jichhajj k'omachatäjjapjjtawa, Diosarus catuyatäjjapjjaractawa, Tatit Jesucriston sutiparu, uqhamarac Diosan Kollan Ajayup tokeraqui.

Josué 6:4

Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.