2 Reyes 4:43 - Qullan Arunaca

⁴³ Ucjjarusti uywatajj sänwa: —¿Cunjämraqui acsti patac jakenacar churästi? —sasa. Ucatsti Eliseojj sänwa: —Jakenacarojj churascaquim mank'apjjañapataqui, Tatitusti siwa: ‘Mank'apjjaniwa, ucatjja jilt'ascaraquiniwa’ —sasa.

Aymar Bibliia 1986

⁴³ Ucjjarusti uywatajj sänwa: —¿Cunjämraqui acsti patac jakenacar churästi? —sasa. Ucatsti Eliseojj sänwa: —Jakenacarojj churascaquim mank'apjjañapataqui, Tatitusti siwa: “Mank'apjjaniwa, ucatjja jilt'ascaraquiniwa” —sasa.

Qullan Arunaka DC

⁴³ Uywatapasti ukxaruw säna: —¿Kunjämarak aksti patak jaqinakar churästi? —sasa. Eliseosti saskakïnwa: —Jaqinakan manq'apxañapatakix churaskakim, Tatitux siwa: “Manq'apxaniwa, ukatsti jilt'askakiniwa” —sasa.

2 Reyes 4:43 Jak'a apnaqawi uñst'ayäwi

Números 11:13

¿Cawqhatsa nayajj aycha apsü take aca jakenacar mank'ayañataquejja? Jacht'asisaw nayar jutapjjetu: ‘Aycha churapjjet mank'añataqui’ sasa.

Números 11:23

Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Mateo 14:20

Takeniw mank'apjjäna, sist'atäpjjaraquïnwa. Tunca payan canastaruraquiw puchunacjja apthapipjjäna.

Mateo 15:37

Takeniw sist'asipjjäna, ucatsti pakallko canastaracwa t'ant'a jilt'anac apthapipjjäna.

Marcos 8:20

—Cunapachatï pakallko t'ant'ata, pusi waranka jakenacar mank'arayctjja ucqhajj ¿kawkha canastarus puchunacjja apthapipjjaractajja? —sasa. Jupanacasti sapjjewa: —Pakallko canastaruw apthapipjjta —sasa.

Marcos 8:4

Discipulonacapasti Jesusarojj sapjjänwa: —¿Cunjämarac mank'añsti aca wasaran jupanacar chursnasti? —sasa.

Lucas 9:13

Jesusasti jupanacarojj sänwa: —Jumanacay mank'añjj churapjjamjja —sasa. Jupanacasti sapjjaraquïnwa: —Pheska t'ant'ampit pä chawllampit juc'ampejj janiw utjapquituti, taketac alir sarjjapjjerist ucqhajj inasa utjchispa —sasa.

Lucas 9:17

Takeniw mank'apjjäna, sist'asipjjaraquïna, ucatsti tunca payan canastaracwa t'ant'a jilt'jja apthapipjjäna.

Juan 6:9

—Acan mä wawaw utji, pheska cebad t'ant'ani pä chawllaniraqui; ucasti, ¿cunataquiraquïspa acqha jaketaquisti? —sasa.