2 Reyes 4:29 - Qullan Arunaca

²⁹ Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

Aymar Bibliia 1986

²⁹ Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

Qullan Arunaka DC

²⁹ Ukat Eliseox Guehazí uywatapar säna: —Wakicht'asim, nayan thujrux apxarum, ukatsti kawkhankkitix wawax ukar saram. Thakhintix khitimpis jikisïta ukaxa, janiw aruntätati; jumar aruntirirusti janiw jaysätati. Purisasti, wawan ajanupxaruw nayan thujrux uchäta —sasa.

2 Reyes 4:29 Jak'a apnaqawi uñst'ayäwi

1 Reyes 18:46

Ucampis Eliasarojja Tatituw ch'am churäna, ucatsti isipampi isthapisisinjja, Jezreel chekacamawa jaläna, ucatsti Acab reyitsa nayrwa purïna.

2 Reyes 2:14

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

2 Reyes 2:8

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

2 Reyes 4:12

Giezi sat uywataparusti sänwa: —Jawsanim sunamita utani warmiru —sasa. Cunapachatï uywatajj jawsanïna ucqhasti uca warmejj jupan nayrakataparuw jutäna.

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

Éxodo 14:16

Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Éxodo 4:17

Uqhamarac apasïtawa aca jach'a thujruma, ucampiwa jumajj milagronac luräta.

Proverbios 31:17

Jupajj ch'amañchasiwa, ucatsti take chuymampiwa irnakañatac waquichasi.

Lucas 10:4

Jan apapjjamti bolssa, kollksa ni wisqhsa; thaquinsti janirac qhitirus tiempo apakasiñcama aruntapjjamti.

Hechos 19:12

Jakenacasti Pablon pañuelopsa isinacapsa usutanacan ucaruw apapjjäna. Usutanacasti uqhamatwa waliptjjapjjäna. Uqhamaraquiw ñankha ajayunacas jupanacatjj mistjjaraquïna.

Hechos 3:16

Uca quicpa Jesusan sutipar iyawsatap laycuw aca jakejj ch'amañchata uñjasi, jumanac nayrakatana. Uca Jesusar iyawsatap laycupï c'umarapun uñjasejja, take jumanacan uñjcata.

Efesios 6:14

Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.