2 Reyes 4:27 - Qullan Arunaca

²⁷ Ucatsti kolluruwa puripjjäna, cawqhanccäntejj Eliseojja ucqharu, ucatjja profetan cayupatwa khomthapisïna. Giezi uywatapasti jac'achasïnwa warmir apakañataqui, ucampis Eliseojj sänwa: —Suyt'aquim, jupajj wali llaquitawa, ucampis Tatitojj jichhacamajj janiw yatiyquituti cuna pasatapsa —sasa.

Aymar Bibliia 1986

²⁷ Ucatsti kolluruwa puripjjäna, cawqhanccäntejj Eliseojja ucqharu, ucatjja profetan cayupatwa khomthapisïna. Giezi uywatapasti jac'achasïnwa warmir apakañataqui, ucampis Eliseojj sänwa: —Suyt'aquim, jupajj wali llaquitawa, ucampis Tatitojj jichhacamajj janiw yatiyquituti cuna pasatapsa —sasa.

Qullan Arunaka DC

²⁷ Ukatsti Eliseon ukar purisinxa, warmix profetan kayupat qhumantasïna. Guehazí uywatasti warmir wayuqañatakiw jak'achasïna, ukampis Eliseox sänwa: —Suyt'akim, jupax wali llakt'atawa, Tatitusti janïraw kuntix jupar kamachki uk yatiykituti —sasa.

2 Reyes 4:27 Jak'a apnaqawi uñst'ayäwi

Génesis 18:17

Ucatsti Tatitojj saraquïnwa: “Abrahamarusti siristwa cuntejj lurcä ucjja,

2 Samuel 7:3

Natán profetasti saraquïnwa: —Cuntejj amtctas take ucanacjja luramaya, Tatitusti jumampïscaraquiwa —sasa.

2 Reyes 4:25

Uqhamaw uca warmejj sarawayäna, ucatjja Carmelo sat kolluruwa purïna, cawquinccäntejj profetajj ucaru. Cunapachatï Eliseojj jayat jutir uñjäna ucqhasti, Giezi sat uywataparojj sänwa: —Uñjam, sunamita warmiraquisä.

2 Reyes 4:26

Jalam catokeri, ucatsti jisct'am cunjämäsquisa jupajja, chachapasa, wawapasa —sasa. Uywatasti sariwa, ucatsti warmejj sänwa: —Waliquïsipctwa —sasa.

2 Reyes 6:12

Jupanacat maynïristi sänwa: —Janiw qhitisa, jach'a rey. Ucampis Israelancqui uca Eliseo profetawa Israel reyiru yatiyi, cuntï juma reyejj siscta ucanaca, uqhamarac iquiñama mankhena siscta ucanacsa.

Job 10:1

¡Nayataquejj jacañajj ch'amäjjewa! Jachcäwiraquiw tucusjjäjja, t'akhesitanacajjatsa take ch'amampiw arsusiraquï.

Proverbios 14:10

Chuymawa jupan pachpa llaquisitapjja yatisi; cusisiñapsa janiraquiw jan uñt'atanacarojj yatiyquiti.

Proverbios 18:14

Usutarojj ch'am catjjatatapawa wayjjäsi, ucampis ch'am thayjtatarusti, ¿qhitirac wayjjäsispasti?

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Mateo 15:23

Jesusasti ucjjarojj janiw camscänsa, ucapachaw discipulonacapajj juparojj jawsasin achict'apjjäna: —Qhitanucjjam, jiwasan khepaswa uqham arnakasis jutasqui —sasa.

Mateo 20:31

Jakenacasti amuct'ayañ munapjjäna uqham arnakapjjëpanjja, jupanacasti juc'ampwa art'apjjäna: —¡Tata, Davidan Yokapa, qhuyapt'ayasipjjetay nanacata! —sasa.

Mateo 28:9

Uqhamäquïpanwa Jesusajj jupanacarojj uñstaraquïna, ucatsti aruntaraquïnwa. Jupanacasti cayunacapar khomantasinwa Jesusataquejj quillt'asipjjäna.

Marcos 10:13

Ucjjarusti wawanacwa Jesusan ucar irpanipjjäna, amparapamp lokjjatayañataqui. Ucampis discipulonacapajj irpanirinacarojj tokenokapjjänwa.

Marcos 14:6

Ucampis Jesusajj jupanacarojj sänwa: —Jan colerasipjjamti. ¿Cunats jumanacajj jupar tokesipcta? Uqham lurasajj nayaruw asc lurasquitu.

Lucas 7:38

Ucat jacht'asisaw Jesusan cayupawjaru kont'asi, ucatsti jachapampiw Jesusan cayupjja jarekäna. Ucatjja ñic'utapampiraquiw ucjja wañsuyaraquïna, ucat jamp'att'asinwa uca k'apquir aceitempejj Jesusan cayuparojj warjjatäna.

Juan 15:15

Janiw ‘uywatanac’ sas sutichcjjapsmati, mä uywatasti janiw uywiripan luratanacap yatquiti uca laycu. Nayajj jumanacarojj ‘amigonac’ sapjjsmawa, cuntejj Awquejjajj sisquitu uca jumanacar yatiyatajj laycu.

Juan 4:27

Uqhamäquïpanwa discipulonacapajj purinipjjäna. Jesusar mä warmimp parlquiri uñjasinjja muspharapjjewa. Ucampis janiw qhitis jisct'añataquejj ch'amanïcänti cuntejj uca warmimp parlcäna ucjja.

1 Samuel 1:10

Anasti jacht'asisa, chuymapansa wali mayjt'ataw, Tatitut mayisïna,