2 Reyes 3:9 - Qullan Arunaca

⁹ Uqhamawa sarañataqui wact'ayasipjjäna Israel, Judá, uqhamarac Edom ucanacan reyinacapajja. Ucampis cunjämatï pakallk uru muyuntapjjañapäna ucanjja, umapajj pist'jjänwa ejercitopataquisa, caballonacapataquisa.

Aymar Bibliia 1986

⁹ Uqhamawa sarañataqui wact'ayasipjjäna Israel, Judá, uqhamarac Edom ucanacan reyinacapajja. Ucampis cunjämatï pakallk uru muyuntapjjañapäna ucanjja, umapajj pist'jjänwa ejercitopataquisa, caballonacapataquisa.

Qullan Arunaka DC

⁹ Ukhamaw Israelampina, Judá markampina, Edom markampin reyinakapax sarantapxäna. Ukampis paqallq uruw wasaranjam muytanipxañapäna, ukchañkamasti umapax pist'xänwa ejercitopatakisa, caballonakapatakisa.

2 Reyes 3:9 Jak'a apnaqawi uñst'ayäwi

1 Reyes 22:27

Sapjjätawa: “Reyejj aqham siwa: ‘Carcelaru uchantapjjam, ucatsti juc'acwa t'ant'sa, umsa churapjjäta, nayan cutt'aniñajjcama sumaqui jan camacht'ata’ ” sasa.

1 Reyes 22:47

(Edom chekansti janiw reyejj utjcataynati, jan ucasti mä gobernadoraquiw utjäna.)

1 Reyes 22:48

Josafat reyejj Tarsisanquir barconacjamaracwa lurayatayna, Ofir chekata kori apaniñataqui, ucampis janiw sarirjamäpcataynati, Ezión-Geber chekana jisc'a jisc'a tucusjjapjjatap laycu.

2 Reyes 3:1

Josafat reyejj Judá orakena tunca quimsakallkon mara apnakcäna ucqhawa Acab chachan Joram sat yokapajj Israelan apnakañ kalltäna, ucatsti Samaria marcanjja apnakänwa tunca payan mara.

2 Reyes 3:10

Ucatsti Israelan reyipajj sänwa: —¡Ay!, amuyatatjja Tatitjamaquiwa jiwas quimsa reyirojj apanistu moabit jakenacan amparapar catuyañataqui —sasa.

2 Reyes 3:7

Ucatjja Judá orakenquir reyiruw aqham siri qhitäna: “Moab reyejj nayamp nuwasiñataquiw sayt'asi. ¿Munasmati nayampi saraña jupamp nuwasiri?” sasa. Ucatsti Judá orakenquir reyisti sänwa: “Nayajj jumampi chicajj sariristwa, uqhamaraquiw ejercitojjasa, caballeriajjasa jumampïpjjtwa, uqhamarac jakenacamampi.

2 Reyes 3:8

Ucampis ¿cuna thaquinjamasa nuwir sarañänejja?” sasa. Ucatsti Joram reyejj sänwa: “Edom wasararu thaquejj sarquejja ucanjama” sasa.

2 Reyes 8:20

Joram reyejj apnakascäna uca maranacanjja Edom marcajj Judá marcataquiw sayt'asjjäna, ucatsti jupa pachpaw reyipa utt'ayasïna.

Éxodo 11:8

Ucapachaw nayan ucar take sirvirinacamajj jutapjjani, ucatsti quillt'asisaw nayar sapjjetani: ‘Sarjjapjjam jumampi, jakenacamampejja’ sasa. Ucampis janiw nayajj sarcäti. Ucatsti Moisesajj wali coleratawa faraonan ucat sarjjäna.

Éxodo 15:22

Moisesasti israelitanacarojj Mar Rojo sat kotatjja irpjjänwa Shur sat wasararu, jupanacasti quimsa uruwa sarapjjäna wasaranjama jan uma jicjjatasina.

Éxodo 17:1

Take israelitanacasti Sin sat wasarat sarawayjjapjjänwa, ucampis Tatitun arunacaparjamasti jupanacajj juc'at juc'atawa sarapjjäna. Ucatsti Refidim sat chekaru purisajja ucqharuw carpantasis utjantapjjäna, ucampis uca orakenjja jupanacasti umjja umt'añataquejj janiw jicjjatapcänti.

Números 20:2

Jakenacasti jan uma utjatapatsti, takpachani tantachasisinjja, Moisés uqhamarac Aarón contra arsusiñataquiw sartasipjjäna.

Números 20:4

¿Cunataquis jumanacajj Tatitun marcapar aca wasarar irpanipjjta? ¿Munapjjtati nanacana, uywanacajjansa aca wasaran jiwarapjjañanacajja?

Números 21:5

Ucatsti Dios contra, uqhamarac Moisés contraw parlañ kalltapjjäna aqham sasa: —¿Cunatsa jumanacajj Egiptot irpsunipjjesta? ¿Wasaran jiwarañataquiti irpsunipjjesta? Janiw umasa, mank'as utjapquituti. Nanacasti aca mank'ampejj amjayasjjapjjaractwa —sasa.

Números 33:14

Alús sat chekat mistuwayasajj Refidim sat chekaruw sayt'apjjäna, cawqhantejj marcajj umt'añataqui jan umani uñjasïna ucqharu.

Jueces 4:10

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.