2 Reyes 3:3 - Qullan Arunaca

³ Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

Aymar Bibliia 1986

³ Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

Qullan Arunaka DC

³ Ukampisa, kuna juchanaktix Nabat chachan Jeroboam yuqapax lurkatayna uka pachpa juchanak lurarakïna, ukampiw Israel markarux jucha lurayatayna.

2 Reyes 3:3 Jak'a apnaqawi uñst'ayäwi

1 Reyes 13:33

Ucampis Jeroboam reyejj janiw apanuccänti jupan jan wali sarnakañanacapa, jan ucasti wastataw jakenac taypita sacerdotenaca utt'ayäna yakha diosanacapana santuario utanacapataqui. Qhititejj sacerdotëña muncäna ucarojja, Jeroboam reyejj yakha diosanacapan santuario utanacapan sacerdotepatwa utt'ayäna.

1 Reyes 14:16

Jeroboaman juchanaca luratapa laycuwa Tatitojj Israel marcaru catuyani, uqhamarac Israel marcaru jucha lurayatapataraqui” sasa.

1 Reyes 14:9

ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.

1 Reyes 15:26

Ucampis jupan luräwinacapajj janiw walïcänti Diosan nayrakatapana; jupasti cuna juchanactejj awquipajj lurcäna ucanacaracwa luraraquïna, uqhamarac cunanacampitejj israelitanacar juch luraycäna ucanacampiraquiw jucha lurayäna.

1 Reyes 15:34

Ucampis Baasa reyin luratanacapasti janiw walïcänti Tatitun nayrakatapana, jupasti cuna juchanacampitejj Jeroboamajj israelitanacar jucha luraycäna uca pachpa juchanacwa luräna.

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

2 Reyes 13:11

Ucampis jupan luratanacapajja jan walinacänwa Tatitun nayrakatapana, jupasti janiw saraktcänti cawquïr juchampitejj Nabat chachan Jeroboam yokapajj Israel marcar juch luraycäna uca juchanacatjja, jan ucasti ucanacjja lurascaquïnwa.

2 Reyes 13:2

Ucampis luratanacapajj Tatitun nayrakatapanjja jan walinacänwa. Jupasti luränwa cawquïr juchampitejj Nabat chachan Jeroboam yokapajj Israel marcar juch luraycäna uca pachpa juchanaca, ucatsti ucanacatjja janiraquiw saraktcaraquïnti.

2 Reyes 13:6

Ucampis janiw sarakapcänti Jeroboam chachajj Israel marcar juch luraycäna uca familiapana jucha luräwinacapata, jan ucasti juchjja lurasipcaquïnwa, uqhamarac Asera sat diosan lantipasa Samaria marcancascaquïnwa.

2 Reyes 14:24

Ucampis jupan luratanacapajj Tatitun nayrakatapanjja jan walinacänwa, jupasti janiw cuna juchanacatsa saraktcänti, Nabat chachan Jeroboam yokapajj cuna juchanacampitejj Israel marcar juch luraycäna ucanacatjja.

2 Reyes 15:18

Ucampis luratanacapajj jan walinacänwa Tatitun nayrakatapana; jupasti janiw saraktcänti cuna juchanacampitejj Nabat chachan Jeroboam yokapajj Israel marcar jucha luraycäna ucanacatjja.

2 Reyes 15:9

Ucampis jupan luratanacapajj Tatitun nayrakatapanjja jan walinacänwa, nayra awquinacapanjama, jupasti janiw saraktcänti cuna juchanacampitejj Nabatan Jeroboam yokapajj Israel marcar juch luraycäna ucanacatjja.

2 Reyes 17:21

Israelarojj jaljtayänwa Davidan familiapata, ucatjja israelitanacajj Nabat chachan Jeroboam yokaparuwa reyit utt'ayasipjjäna, jupasti israelitanacarojj Tatitutjja saraktayänwa, sinti jucha lurañanacaru puriyasa.

2 Reyes 17:22

Uqhamawa israelitanacajj Jeroboam chachajj cawquïr juchanactï lurcäna uca pachpa juchanaca lurapjjaraquïna, ucatsti janiw uca juchanacjja apanucupcänti.

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

2 Reyes 21:16

Manasés reyejj Judá marcar juchanac luraycäna, uqhamarac jupan jan wali luratanacapatsa Tatitun nayrakatapana ucanacat ucjjarojja, Jerusalenanjja walja jan juchaninacan wilanacapwa wartäna, mä thiyata mä thiycama uca lurañanacamp phokhantasa.

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.