2 Reyes 3:25 - Qullan Arunaca

²⁵ Ucjjarusti marcanacwa tucjapjjäna, yapuchañ orakenacjja kalanacampiwa phokhantapjjäna, take uma jalsunacsa llupantapjjänwa, ucatjja take fruta alinacjja phat'anucupjjänwa. Ucatsti Kir-hareset sat marcarusti kalanacacwa jaytjjapjjäna, ucampis k'orawiri jakenacajj muyuntasinwa tucjapjjäna.

Aymar Bibliia 1986

²⁵ Ucjjarusti marcanacwa tucjapjjäna, yapuchañ orakenacjja kalanacampiwa phokhantapjjäna, take uma jalsunacsa llupantapjjänwa, ucatjja take fruta alinacjja phat'anucupjjänwa. Ucatsti Kir-hareset sat marcarusti kalanacacwa jaytjjapjjäna, ucampis k'orawiri jakenacajj muyuntasinwa tucjapjjäna.

Qullan Arunaka DC

²⁵ Ukxarusti markanak t'unjapxäna, yapuchañ uraqinakxa qalanakampiw phuqhantapxäna, uma jalsunaksa taqpach llupantapxäna, muxsa achun quqanaksa taqpach phat'anukupxäna. Quir-haréset sat markaki jan tukjapkänti, uka markaru q'urawampi q'urawasiri jaqinaka katuntapxatap layku.

2 Reyes 3:25 Jak'a apnaqawi uñst'ayäwi

Génesis 26:15

Cunapachatejj Abraham awquipajj jaccän ucqhajja, uca Abrahaman sirvirinacapajj uma phuch'unacwa allsupjjäna, uca khepatsti filisteonacajj uca phuch'unacjja allthapjjapjjataynawa, lak'ampi phokhantasa.

Génesis 26:18

Ucatsti wasitatwa cawquïri phuch'unactejj Abraham awquipajj jaccasin allisïna uca phuch'unacjja allsuraquïna. Uca phuch'unacsti filisteo jakenacaw allthapipjjataynajja, Abrahaman jiwjjatapatjja, jichhasti Isaacajj cuna sutinactejj Abraham awquipajj uchcäna uca pachpa sutinacwa ucharaquïna.

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

2 Reyes 3:19

Ucatsti jumanacajj tucjapjjätawa perkampi muyuntat take marcanacaru, uqhamarac wali aytat marcanacsa, ucatjja take fruta alinacsa phat'anucupjjaraquïtawa take uma jalsunacsa llupantapjjaraquïtawa, uqhamarac take yapuchañ orakenacsa kalanacampiraquiw phokhantapjjäta’ ” sasa.

2 Reyes 3:24

Ucampis cunapachatï jupanacajj israelitanacan campamentopar mantapcäna ucqhasti, israelitanacajj jupanacarojj nuwantapjjänwa, ucat moabita jakenacajj jaltjjapjjänwa. Israelitanacasti jupanacar arctasinwa jiwarayapjjäna.

2 Reyes 3:26

Cunapachatï Moab marcanquir reyejj amuyasïna ejercitopat sipansa nuwir jutapcäna ucanacan waljätapatjja, espadanaca apnakeri pakallk pataca soldadonacwa tantacht'äna Edom reyejj cawqhanccänti ucsa tokeru jist'jañataqui. Ucampis janiw jist'japcänti.

2 Crónicas 32:4

Ucata walja jakenaca tantachasinjja, take jalsunacwa llupantapjjäna, uqhamarac orak mankhenquiri canalsa, cunapachatï Asirianquiri reyinacajj purinipjjani ucqhajja jan walja umanaca jicjjatapjjañapataqui.

Isaías 15:1

Moab marcataqui profecía arunaca: Cuna arumatejj Ar sisqui uca marcajj t'unjatäcän uca arumajja, Moab marcajj t'unjataraquïnwa; Kir sat marcajj t'unjatäcän uca arumajj Moab marcajj t'unjataraquïnwa.

Isaías 16:11

Chuymajjasti mä arpjamaw qhathati Moab, uqhamaraqui Kir-hareset marcatjamajja.

Isaías 16:7

Ucatwa jichhajj Moab marcan take utjirinacajj marcapatjja jachapjjani, walracwa chuymanacapjja usuyasipjjani Kir-hareset chekan jaquir jakenacatsa.

Jeremías 48:31

Ucatpï jachäjja, wali amtaraquëjja, take Moab marcatjja, Kir-hares sat marcanquir jakenacatsa.

Jeremías 48:36

Ucatpï chuymajjajj Moab marcatjja aykojja, Kir-hares marcanquir jakenacatsa amaya imaña pinquillonacampi phust'asisa, take kamir cancañapa imcatcäna ucanacasti tucusjjaraquiwa.

Deuteronomio 2:9

Ucatsti Tatitu Diosajj saraquitänwa: ‘Jan moabitanacarojj nuwantamti ni nuwasimsa, jupanacajj Lot chachan wawanacapawa, uca laycu; nayasti janiraquiw ni mä jisc'a oraksa uca marcat churcämati. Nayaw jupanacar churta uca Ar sutin orakenaca’ sasa.

Jueces 9:45

Ucampis uca urojja Abimelec chachajja Siquem marca catuntañcamaw nuwasïna. Catuntasinsti marcjja liju tucjäna, uqhamarac ucan jaquir jakenacsa take jiwarayaraquïna. Uca tucjat marcarojj jayumpiraquiw phawantaraquïna.