2 Reyes 3:23 - Qullan Arunaca

²³ Ucatsti sapjjänwa: “Ucajj wilaraquisä. Reyinacajj jupanacpachaw nuwasipjjpacha, ucatjja maynit mayniruwa tucjasipjjpacha. ¡Moabita jakenaca, sarapjjañäni jichhajja cunanactejj jupanacajj apanucuwayapqui ucanac catuntasiri!” sasa.

Aymar Bibliia 1986

²³ Ucatsti sapjjänwa: “Ucajj wilaraquisä. Reyinacajj jupanacpachaw nuwasipjjpacha, ucatjja maynit mayniruwa tucjasipjjpacha. ¡Moabita jakenaca, sarapjjañäni jichhajja cunanactejj jupanacajj apanucuwayapqui ucanac catuntasiri!” sasa.

Qullan Arunaka DC

²³ Ukat sapxäna: “Ukax wilarakisä. Reyinakax jupanakpachaw nuwasipxpacha, ukatsti maynit mayniruw tukjasipxarakpacha. ¡Moabita jaqinaka, jichhax sarañäni kunanaktix jupanakax apanukuwayapki ukanak katuntasiniñäni!” sasa.

2 Reyes 3:23 Jak'a apnaqawi uñst'ayäwi

2 Reyes 3:22

Khepärmanthi alwatasti, intejja umanacjjaruwa khant'anïna, ucatjja moabita jakenacasti jayatjja wila umwa uñjapjjäna, jake wilar uñtata.

2 Reyes 3:24

Ucampis cunapachatï jupanacajj israelitanacan campamentopar mantapcäna ucqhasti, israelitanacajj jupanacarojj nuwantapjjänwa, ucat moabita jakenacajj jaltjjapjjänwa. Israelitanacasti jupanacar arctasinwa jiwarayapjjäna.

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

2 Crónicas 20:25

Ucatsti Josafat reyimpi jakenacapampejja jalapjjänwa cunanactejj uisirinacapajj jaytawayapcäna ucanaca aptasiri, ucatjja jupanacajj jicjjatapjjänwa walja uywanaca, armanaca, isinaca, uqhamarac wali jila alani yänacaraqui, take ucanacwa catuntasipjjäna. Walja yänacawa utjäna, janiw jupanacajj apthapiñataqui ch'amanïpcänti. Waljätap laycusti quimsa uruwa uca yänaca apthapipjjäna.

Éxodo 15:9

Uñisiristi sänwa: ‘Nayasti jicjjatañcamaw arctäjja, ucatsti cunanactejj aparcä ucanacjja cusisitaw laquinokaraquëjja; uqhamarac espada catusinsti amparajjampiw tucjaraquëjja’ sasa.

Isaías 10:14

Marcanacan kamir cancañanacapsti catuntastwa, oraksa k'al catuntasiractjja, cunjämatejj maynejj mä tapan apanucut c'awnanac catuntasejj uqhama, janiraquiw qhitits chhekhanacapjja onjjtayquiti, janiraquiw qhitis wararquiti.”

Jueces 5:30

‘Inasa cuntejj guerrana gananipqui ucanaca jaljasisipcchi. Maya, jan ucajj paya warmi sapa maynitaqui, Sisarataquisti suma coloranacat lurat telanaca, maya jan ucajj paysa, uqhamarac walja coloranacampi bordatäqui ucsti atipjirina cuncapataquiraqui’ sasa.