2 Reyes 3:18 - Qullan Arunaca

¹⁸ Acasti mä jisc'a uñacht'äwiquiwa Tatitojj cuntejj lurcani ucatjja, ucjjarusti jupajj moabita jakenacarojj jumanacan amparanacamaruwa catuyapjjätam.

Aymar Bibliia 1986

¹⁸ Acasti mä jisc'a uñacht'äwiquiwa Tatitojj cuntejj lurcani ucatjja, ucjjarusti jupajj moabita jakenacarojj jumanacan amparanacamaruwa catuyapjjätam.

Qullan Arunaka DC

¹⁸ Akasti kuntix Tatitux lurkaspa ukat mä jisk'a uñacht'äwikiwa, ukhamarus jupax moabita jaqinakxa jumanakan amparanakamaruw katuyapxätam,

2 Reyes 3:18 Jak'a apnaqawi uñst'ayäwi

2 Samuel 7:19

¡Take ucanacasti jumataquejj janiw cunäquisa, Tatitu, aca sirviriman, uqhamarac wawanacajjan apnakañapajj cunjamäcanitï acat kheparojja uca tokenacatsa khanañcharactawa! ¡Janiw qhiti jakesa jumjamajj lurquiti, Tatitu!

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

1 Reyes 20:13

Uccañcamasti Israelan Acab reyin nayrakataparusti mä profetaw jutäna, aqham sasa: —Tatitojj aqham siwa: ‘Jumajja uca walja uñisirinacam uñjcta ucasa, nayawa amparamaru jichhürojj catuyäma, juman yatiñamataqui nayajj Tatitötajja’ —sasa.

1 Reyes 20:21

Ucatsti Israelan reyipajj sarantascaquïnwa, ucatjja caballonacapa, nuwasiñ carronacapwa catuntasïna, ucatsti sirio jakenacarojja jan walinpunwa atipjäna.

1 Reyes 20:28

Ucqhansti mä profetawa Israelan reyip nayrakataparu jutasina aqham säna: Aqham siwa Tatitojja: ‘Sirio jakenacajj niyajjaya nayarojj sapjjchitojja kollunacana diosätajjaqui, jan vallenacana diosätajj-jja, jichhasti amparamaruwa take aca walja jakenacjja catuyäma. Uqhamatwa jumajj yatïta nayan Tatitötajja’ ” sasa.

1 Reyes 3:13

Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

2 Reyes 20:10

Ezequías reyisti ucjjarojj sänwa: —Ch'iwin nayrar sartañapajja janiw ch'amäquiti ucampis khepar jittañapawa wali ch'amajja —sasa.

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 7:13

Isaiasajj saraquïnwa: —Ist'apjjam, jumanaca David reyin utapanquirinaca. ¿Jumanacataquejj janit cunäquisa jakenacaru majañajja, Diosajjarusti majañ munapjjaracta ucajja?

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Jeremías 32:27

“Nayätwa take jaquirinacana ch'amani Diosapajja. Janiraquiw nayataquejj cunas jan lurasirjamajj utjquiti.

Ezequiel 8:17

Uqhamasti Tatitojj nayarojj saraquituwa: “¿Uñjtati uca? Judá marcajj uca take k'añu luräwinacampis janiw sisthapipquiti, uqhamarus aca orakerojj ch'ajjwañanacampiw phokhantaraqui. Mayampi mayampwa nayarojj sintipuni colerayjjapjjetu, usunacapan k'aphinacapsa nasajjas muct'araquiwa.

Marcos 10:27

Jesusasti jupanacar uñcatt'asinjja sänwa: —Jakenacataquejj janiw ucajj lurascaspati, ucampis Diosataquejj lurasiquiwa, jupataquisti janiw cunas ch'amäquiti —sasa.

Lucas 1:37

Diosataquejj janiw cunas ch'amäquiti —sasa.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.