2 Reyes 3:12 - Qullan Arunaca

¹² Ucjjarusti Josafat reyejj arsuraquïnwa —Jupanjja utjpachawa cuna sañapasa Tatit toketjja —sasa. Ucat ucspachawa Eliseon ucar sarapjjäna Israelan reyipa, Josafat reyi, uqhamarac Edomanquir reyisa.

Aymar Bibliia 1986

¹² Ucjjarusti Josafat reyejj arsuraquïnwa —Jupanjja utjpachawa cuna sañapasa Tatit toketjja —sasa. Ucat ucspachawa Eliseon ucar sarapjjäna Israelan reyipa, Josafat reyi, uqhamarac Edomanquir reyisa.

Qullan Arunaka DC

¹² Ukxarusti Josafat reyiw sarakïna: —Tatitux jupa tuqiw parlistani —sasa. Ukspachaw Israelan reyipampi, Josafat reyimpi, Edomankir reyimpix Eliseon ukar sarapxäna;

2 Reyes 3:12 Jak'a apnaqawi uñst'ayäwi

2 Reyes 2:21

Eliseojj uca uma jalsuru sarasinjja jayjja wart'änwa aqham sasa: —Aqham siw Tatitojja: ‘Nayaw aca uma k'omachta, aca umajj janipuniwa jiwaycjjaniti, ni orakerus jan achursa jaytcaraquiniti’ —sasa.

2 Reyes 3:11

Ucatjja Josafat reyejj jisct'araquïnwa: —¿Janit aca chekana Tatitun mä profetapajj utjqui, jupa toke Tatitur jisct'añataquejja? —sasa. Ucatsti Israel reyin mayni oficialapajj sänwa: —Acajjay Safat chachan Eliseo yokapajja, jupasti Eliasan yanapiripänwa —sasa.

2 Reyes 3:13

Ucatsti Eliseojj Israelan reyiparojj sänwa: —¿Cuna lurañajjasa jumampejj utjitojja? Saram awquimana profetanacaparu jisct'asiri —sasa. Ucatsti Israelan reyipasti sascaquïnwa: —Janiwa, Tatituwa nanac quimsa reyirojj apanipjjetu, moabitanacan amparaparu catuyañataqui —sasa.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

Isaías 49:23

Reyinacaw jumanacar uñt'asir awquinacamäni, reyinacan phuchanacapasti wawa uywirinacamaraqui. Jupanacasti juma nayrakatan orakcama alt'asipjjani, cayunacaman lak'anacapsa jallk'apjjaraquïtamwa. Ucapachaw jumajj nayan Tatitütajja yatïta, qhitinacatejj nayar iyawsapqui ucanacasti janiw c'arintata uñjasipquiti.”

Isaías 60:14

Qhitinacatejj jumaru t'akhesiyapcäyätam ucanacan wawanacapasti juma nayrakataruw alt'ata jutapjjani, qhitinacatejj jisc'achapcäyätam ucanacasti cayunacamaruw quillt'asipjjani, sapjjaraquïtamwa: ‘Tatitun marcapa’ ‘Israelan Kollan Diosapan Sión kollupa’ sasa.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.