2 Reyes 25:3 - Qullan Arunaca

³ Uca pachpa marana, pusïri phajjsina llätunca uru sarakataruwa mank'ata t'akhesiñajj marcana jiljjatäna, ucatsti jakenacanjja janiw cuna mank'añapasa utjcjjänti.

Aymar Bibliia 1986

³ Uca pachpa marana, pusïri phajjsina llätunca uru sarakataruwa mank'ata t'akhesiñajj marcana jiljjatäna, ucatsti jakenacanjja janiw cuna mank'añapasa utjcjjänti.

Qullan Arunaka DC

³ Uka pachpa marana, pusïr phaxsina, llätunka uru saraqataruw manq'at t'aqhisiñax Jerusalén markan jilxattäna, jaqinakanxa janiw kuna manq'añapas utjkxänti.

2 Reyes 25:3 Jak'a apnaqawi uñst'ayäwi

2 Reyes 25:2

Jerusalén marcajja muyuntatänwa Sedequías reyejj tunca mayan mara phokhascäna ucqhacama.

2 Reyes 6:24

Uca khepatsti Siria marcana Ben-adad reyejja take ejercitopwa tantacht'äna, ucatsti Samaria marcaru sarasinwa nuwañataqui muyuntäna.

2 Reyes 6:25

Ucqhasti Samaria marcanjja mank'ata wali t'akhesiñawa utjäna, wali jist'antatätap laycusti mä asno p'ekejja quimsakallk tunca kollkewa alapänjja, uqhamarac cuarto kilo paloman wanupasa pheska kollkeraquiwa alapänjja.

Isaías 3:1

¡Jichhajj wal amuyasipjjam! Take ch'amani Tatitusti, Judá marcatsa Jerusalenatsa take cunanacapsa apakjjaniwa, mank'añsa, umsa k'al apakjjani.

Jeremías 19:9

Jakenacarusti pachpa yokalla, uqhamaraqui imilla wawanacapwa mank'asiyaraquï, uqhamaraqui jupanacasa maynit mayniru jupanaccamaw mank'asipjjani, cunapachatejj jach'a jan walt'añan jicjjatasipcani, uñisirinacapansa muyuntata aca marcajj uñjasqui ucapachajja’ sasa.

Jeremías 37:21

Uqhamasti Sedequías reyejj saraquïnwa, Jeremiasajj guardianacan patioparuqui preso kheparjjañapa, ucatsti sapa ururaqui t'ant'a apapjjañapa, Panaderonacan callepa satäqui uca calleta. Uqhamaw phokhasïna t'ant'ajj marcan utjcän uca urunacajja. Uqhamatwa Jeremiasajj guardianacan patiopana preso khepararaquïna.

Jeremías 38:2

“Tatitojj siwa: ‘Qhititejj aca marcaru kheparcani ucajj guerran jiwani, jan ucajj mank'atjamasa, cunayman casta usumpisa. Ucampisa qhititejj aca marcat mistuwayjjani ucatsti caldeonacaru catuyasjjaraquini ucajj janiw jiwayatäcaraquiniti.’

Jeremías 39:2

Tunca mayani marana, pusïri phajjsina, llätunca uru sarakatarusti, cunapachatejj Sedequiasajj reyïcän uca maraw uñisirinacapajj take ejercitopampi Jerusalén marcaru mantanipjje,

Jeremías 52:6

Uca marana, pusi phajjsi, llätunca uru sarakatarusti marcanjja mank'at awtjatäñajj juc'ampiw jiljjattäna, jakenacataquisti janiw cuna mank'añas utjcaraquïnti.

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 5:10

Jumanac taypinsti yakhepa jakenacajj pachpa wawanacaparuw mank'antasjjapjjani, uqhamaraqui yakhepa wawanacajj awquinacaparuw mank'antjjapjjani. Cuntejj juma toke arscta ucsti phokhapunïwa, qhitinacatejj jilt'apcani ucanacsti take tokeruw ananucuraquï.

Ezequiel 5:12

Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.

Ezequiel 7:15

Marca ankäjjanjja nuwasiñaw utji, mankhansti usunacampi mach'anacampiw utjaraqui. Pampanquirinacajj guerran jiwarapjjani, marcanquirinacasti mank'atjama, uqhamaraqui usunacampiw jiwarapjjaraquini.

Levítico 26:26

“Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Zacarías 8:19

“Pusïri, pheskëri, pakallköri, tunquïri phajjsina ayunañajja cusisiñaruw cuttanejja, cusisiña fiestaruraqui Judá familiat jutirinacataqui. ¡Munapjjam jumanacajj cheka arsuñampiru sumancañampiru!”