2 Reyes 23:8 - Qullan Arunaca

⁸ Ucatjja Judá marcanacanquiri take sacerdotenacaruwa jawsayäna, ucatsti uca diosanacan take santuario utanacapjja taquichasipjjänwa, Geba chekata Beerseba chekcama, cawqhantejj uca sacerdotenacajj incienso naqhayapcäna ucqhana, ucatjja supayanacan altaranacapjja tucjänwa, marca apnaker Josué gobernadoran puncupanccäna uca, ucasti marca mantañancänwa ch'eka tokena.

Aymar Bibliia 1986

⁸ Ucatjja Judá marcanacanquiri take sacerdotenacaruwa jawsayäna, ucatsti uca diosanacan take santuario utanacapjja taquichasipjjänwa, Geba chekata Beerseba chekcama, cawqhantejj uca sacerdotenacajj incienso naqhayapcäna ucqhana, ucatjja supayanacan altaranacapjja tucjänwa, marca apnaker Josué gobernadoran puncupanccäna uca, ucasti marca mantañancänwa ch'eka tokena.

Qullan Arunaka DC

⁸ Ukatsti Josías reyix, Judá markanakankir taqi sacerdotenakaruw jawsayäna, ukatsti qullu patanakan utjir yupaychañ utanak t'unjayäna, Gueba chiqata Beerseba chiqakama, kawkhantix uka sacerdotenakax incienso nakhayapkatayna uka utanaka, ukatxa Josías reyix Judá marka apnaqir Josué chachan reyi utapar mantañ punkupankkäna uka diosanakan altaranakap t'unjayarakïna, ukasti markar mantañana ch'iqa tuqinkänwa.

2 Reyes 23:8 Jak'a apnaqawi uñst'ayäwi

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 21:31

Ucatwa uca chekajj Beerseba sas sutichatajja, uca chekan panpachani juramento lurapjjatap laycu.

Génesis 26:23

Uca chekatsti Isaacajj Beerseba sat chekaruw sarjjäna.

1 Reyes 15:22

Ucatsti Asa reyejja jawsayänwa take Judá ucanquir jakenacaru, jan maynini, ucatjja Ramá chekatjja apasjjapjjänwa kalanaca, lawanaca, Baasa reyejj nuwasiñataqui lurantascäna ucanaca. Asa reyisti pachpampiraquiw nuwasiñataqui lurantasïna Benjaminan, Mizpa, uqhamarac Geba marcanacarojja.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

1 Crónicas 6:60

Uqhamaraquiw churapjjaraquïna Benjamín tribun marcanacapa, ucanacasti acanacänwa: Geba, Alemet, Anatot ucanacaraqui, take uca orakenacasti awatiña orakenacapamppachänwa. Uqhamajja Aarón chachan familianacaparu wact'cäna uca marcanacasti, tunca quimsanïnwa.

Isaías 10:29

c'ullc'u thaqui chekwa pasaniwayapjje, Geba sisqui uca chekaruw utjantasipjjaraqui, Ramá marcasti sustjasiwa, Saulon Gabaa sat marcapasti jaltjjewa.

Ezequiel 44:10

Levitanacatsti, cawquïrinacatejj nayat jayaru sarjjapjje, cunapachatejj Israel marcajj nayan thaquejjat saranucuwayjjapjjäna, yakha diosanacar yupaychañ laycu nayaru apanucupquitän ucanacasti juchanacapatjja mutuña catokapjjaraquini.

Amós 5:5

Jan Betel marcarojj thakapjjamti; janirac Gilgal marcarus sarapjjamti, ni Beerseba marcarus sarapjjamti, Gilgal marcasti preso apatäniwa, Betel marcasti k'ala tucjataraquïnwa” sasa.

Zacarías 14:10

Take marcpachaw mä pamparu uñtata tucjjapjjaraquinejja Geba marcat Rimón orakcama Jerusalenat aynach tokena. Jerusalenasti altoncaniwa, ucanracwa jacasipjjani. Benjaminan puncupata ángulo Puncucama (cawqhatejj Nayrajj Puncücäna), Hananeelan torrepata reyin prensampi aceite ch'irwañapcama.

Josué 18:24

Quefar-haamoni, Ofni, Geba, ucanaca; ucatsti tunca payan marcanacampi jisc'a marcanacampi cuna.

Josué 21:17

Ucatsti Benjamín tribunquiritjja Gabaón, Geba,

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.