2 Reyes 23:6 - Qullan Arunaca

⁶ Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

Aymar Bibliia 1986

⁶ Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

Qullan Arunaka DC

⁶ Tatitun utapankkän uka Astarté diosan lantiparusti Jerusalenat anqäxaruw apanuküna, ukatsti Cedrón jawir thiyan qhillar tukuyañkamaw ninamp nakhantayäna, uka qhillsti markan amay imäwiparuw willitatäna.

2 Reyes 23:6 Jak'a apnaqawi uñst'ayäwi

1 Reyes 14:23

Jupanacasti yakha diosanacataquiwa santuario utanaca lurayapjjäna, ucatsti lurapjjänwa kalanacata, lawanacata diosanaca take alto kollunacana, uqhamarac walja laphinacani kokanacan cayunacaparusa.

1 Reyes 15:13

Uqhamaraquiw Maaca sat awichapan tayca reina cancañapa apakäna, jupana Asera sat c'ari diosa lurayatapata. Asa reyisti uca c'ari diosjja tucjänwa, ucatsti Cedrón sat uma jalsu chekanwa naqhantayäna.

1 Reyes 16:33

Ucjjarusti lurayaraquïna Asera uca yakha diosan lantipa, ucampisti Israelan Tatit Diosaparuw colerayäna, Israelana jupata nayra reyinacapat sipansa juc'ampi.

1 Reyes 2:37

Cunürutejj ucat mistüta, Cedrón sat uma jalsunaca maqhatäta ucqhajja jiwätawa, ucjja sum catokasim, ucatsti jumaw juchanïscäta.

2 Reyes 10:26

Ucatsti apsunipjjänwa wali ajjsarata lawanaca, ucatjja ninampiwa naqhantayapjjäna.

2 Reyes 10:27

Ucjjarusti tucjapjjaraquïnwa Baal diosan altarapa, temploparusa, khellapataruwa tucuyapjjaraquïna, ucasti jichhürcamawa uqhamäsqui.

2 Reyes 21:7

Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

2 Reyes 23:12

Ucjjarusti tucjaraquïnwa Judänquir reyinacajj Acaz chachan salapana alto chekaru altaranaca lurayapcäna ucanaca, uqhamarac tucjaraquïna Manasés chachajj altaranac luraycäna Tatitun templo patiopana, ucanaca; tucjasinjja t'unanacapjja Cedrón sat jawira umakataruwa willtanïna.

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

2 Crónicas 15:16

Ucjjarusti Asa reyejj Maaca sat awichapatjja apakayänwa reinanacan taycapa sat sutipa, jupajj Asera diosan mä lantipa lurayatap laycu. Asa reyisti uca idoljja jisc'a jisc'wa t'unjayäna, ucatsti Cedrón jawiranwa phuchcatayäna.

2 Crónicas 33:3

Jupasti Ezequías awquipajj tucjaycäna uca yakha diosanacan santuario utanacapwa wasitat lurayäna; jupasti altaranacwa lurayäna Baal diosan lantinacapataqui, uqhamaraquiw Asera diosanac lurayaraquïna. Ucjjarusti jupajj yupaychänwa, uqhamaraquiw quillt'asiraquïna alajjpachanquir warawaranacaru,

2 Crónicas 34:4

Jupan nayrakatapanwa tucjapjjäna Baal diosan take casta lantinacapan altaranacapa, ucatsti tucjayänwa incienso naqhayañatac uca patjjaru lurayatäcäna uca altaranaca. Uqhamaraquiw jisc'a jisc'a tucjayäna Asera diosan lantinacapa, yakha diosanaca, uqhamarac hierrot lurat c'ari diosanaca, ucanaca lak'a tucuyasinjja willjjatayänwa qhitinacatejj ucanacar sacrificionaca loktapcäna ucanacan jiwat amayanacapjjaru.

Éxodo 32:20

Ucampis uca korit lurat vaca kallu catusinjja ninampiw phichcatäna, ucatsti lak'jam ñut'u q'iyjasinjja umaru willintasinwa uca umjja israelitanacarojj umantayaraquïna.

Jeremías 17:2

Wawanacamasti amtasipjjewa altaranacatjja, uqhamaraqui kollana lawanacajj utjcäna ucanacatsa, jach'a kokanac c'uchuna, kollunac patana,

Jeremías 22:18

Tatitusti Judá orakenquiri Josías reyin Joacim yokapjjatjja aqham siwa: “Janiw qhitis jupan jiwatapatjja jachcaniti. Janiw qhiti jachiris utjcaniti ni qhitis siscaraquiniti; ‘¡Ay, jilata, ay, jilata! ¡Ay, Tata, ay, jach'a rey!’ sasajja.

Jeremías 31:40

Cawqharutejj jiwatanacajj imatäqui, uqhamaraqui khellas wartatäcaraqui, Cedrón jawira patanacasa, inti jalsu tokena Caballonacan puncupa satäqui ucasa nayaru catuyatcamaquïniwa, take ucanacasti janipuniw mayampsa t'unjatäcjjaniti” sasa.

Juan 18:1

Ucanac arsusinjja Jesusajj mistuwayänwa discipulonacapamp chica, Cedrón sat jawirat mayscataru sarañataqui. Ucanjj mä huertow utjäna, ucaruw Jesusajj discipulonacapampi mantäna.

Deuteronomio 7:25

Ninampiraquiwa phichhantapjjäta diosanacapsa. Ucatsti janiraqui munapayapjjamti uca diosanacapar lip'suyat koripsa ni kollkepsa; jan jumanacan uqhamat jucharu puripjjañamataqui, uc lurasasti Tatitu Dios nayräjjan jan wali lurapjjasmajja.

Deuteronomio 9:21

Ucatsti uca metalat lurat vaca kallur catusinjja, cawquïrimpitï jucha luräwiru puripcatäta, ucjja ninaruw jakontäyäta, ucatsti ñut'u lak'aru tucuyasinjja kollut sarakanir jawir umaruw warantayäta.

Jueces 3:7

Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.